Fyrsta skóflustunga að nýju veiðihúsi

Finnur og Esther formaður tilbúin í fyrstu skóflustunga. Stærri verkfæri …
Finnur og Esther formaður tilbúin í fyrstu skóflustunga. Stærri verkfæri biðu álengdar. Peysurnar eru í stíl. Heimaprjónaðar með laxamynstri. Ljósmynd/Stóra

Framkvæmdir við nýtt veiðihús fyrir neðra svæðið í Stóru – Laxá í Hreppum hófust með formlegum hætti í gær. Þá tóku Esther Guðjónsdóttir, formaður veiðifélagsins og Finnur B. Harðarson, landeigandi og fulltrúi leigutaka fyrstu skóflustunguna að nýja húsinu. 

Gert er ráð fyrir að húsið verði komið í gagnið fyrir næsta veiðitímabili. Húsið er flutt inn í einingum frá Svíþjóð er stefnt að því að öll undirbúningsvinna verði kláruð fyrir mars á næsta ári þegar von er á gámunum.

Landeigendur og leigutakar voru viðstaddir. Hér sér upp að núverandi …
Landeigendur og leigutakar voru viðstaddir. Hér sér upp að núverandi veiðihúsi frá staðsetningunni sem valin var fyrir nýja húsið. Ljósmynd/Stóra

Húsinu var valin staðsetning stutt frá gamla húsinu, í landi Skarðs. Það er nær brúnni yfir Stóru – Laxá, fyrir þau sem þekkja til. Húsið er miklu stærra en það sem hefur þjónað veiðimönnum svo vel fram til þessa. Gamla húsið bauð upp á fjögur herbergi og var samtals um 90 fermetrar en nýja húsið er 325 fermetrar og þar er sjö herbergi og eru þau stærri og rúmbetri en var í gamla húsinu og hvert og eitt er búið sér baðherbergi. Esther segir að húsið sé allt hið vandaðasta og bjóði upp á „allt til alls.“

Teikning að nýja húsinu. Það er 325 fermetrar á móti …
Teikning að nýja húsinu. Það er 325 fermetrar á móti 90 eins og það gamla er. Ljósmynd/Stóra

Hún segir að með þessum framkvæmdum nú og frekari byggingum á svæði fjögur í framtíðinni vonist þau til að taka Stóru – Laxá upp á nýtt plan.

Heitur pottur og gufa verða í boði og fullkomið eldhús, enda urðu þær breytingar á fyrirkomulagi í Stóru – Laxá í sumar að svæði þrjú var sameinað neðri svæðum og er stangafjöldi þar nú sex stangir. Þá var að sama skapi tekin upp leiðsögumanna- og fæðisskylda.

„Það er stefnan hjá okkur að bæta vegi og aðgengi að svæðinu, sem var áður svæði þrjú. Það kom í ljós sem við höfum haldið að svæði þrjú var bæði vanmetið og vanveitt og gaf nú mun betri veiði en undanfarin ár. Þar varð fjórföldun á veiði enda var það nú veitt reglulega og með leiðsögumönnum.“ 

Það var ekkert verið að tvínóna við hlutina. Hér er …
Það var ekkert verið að tvínóna við hlutina. Hér er búið að fletta ofan af svæðinu og jarðvegsskipti hafin. Ljósmynd/Stóra

Húsið á efra svæðinu verður áfram í notkun næstu tvö árin að minnsta kosti. En ákveðin hefur verið staðsetning fyrir nýtt veiðihús þar. „Það verður um það bil í kílómeters fjarlægð frá húsinu sem er í dag. Uppi á ásnum aðeins norðar og þaðan er geggjað útsýni yfir hreinlega yfir allt Suðurland. Þaðan sést líka ofan í gljúfrin og er mjög skemmtileg staðsetning. Við erum að áætla að að verði komið í gagnið eftir tvö til þrjú ár,“ sagði Esther í samtali við Sporðaköst.

Hún upplýsir að seiðabúskapur í ánni hafi í sumar verið með allra besta móti og því lofi framhaldið góðu. Stóra – Laxá gaf mjög góða veiði í sumar og er veiðisumarið 2022 næst besta ár á svæðinu, eða allt frá árinu 2013.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert