Rangárnar fara vel af stað

Þær laxveiðisystur, Eystri og Ytri – Rangá opnuðu í dag. Fyrstu laxarnir veiddust í báðum ám fljótlega í morgun. Klukkan tvær mínútur yfir sjö tók fiskur á Rangárflúðum og sleit hann sig lausan. Þess var þó skammt að bíða að sá fyrsti kæmi á land og var honum landað 7:24, einmitt á áðurnefndum Rangárflúðum.

Þórir Örn Ólafsson setti í tvo í morgunsárið á Rangárflúðum. Hann missti annan en þessum var landað 7:24 og er sá fyrsti úr Ytri - Rangá sumarið 2023. Ljósmynd/IO

Sá heppni, það er veiðimaðurinn, sem dró Rangárflúðir var að þessu sinni var Þórir Örn Ólafsson og leysti hann verkefnið af stakri prýði.

Formaður veiðifélags Ytri – Rangár landaði öðrum fljótlega á eftir og tók sá á veiðistaðnum Hrafntóftum. Alls veiddust fimm fiskar fyrir hádegi og nokkrir misstust eins og gengur og gerist. Átta fiskar komu á opnunardaginn í fyrra og þótti það gott í ljósi fyrri ára. Byrjunin núna viðrist því takt við það sem var í upphafi í fyrra.

Gunnar J. Gunnarsson, formaður veiðifélag Ytri - Rangár landaði svo þessum fljótlega í morgun. Byrjun í báðum ánum lofar góðu. Ljósmynd/IO

Aðeins austar voru veiðimenn líka tilbúnir í morgunsárið í Eystri ánni. Fyrsti fiskurinn sem Sporðaköst fréttu af var engin smásmíði en Jóhann Davíð Snorrason landaði 95 sentímetra fiski úr Hrafnaklettum. Glæsilegur hængur og silfurbjartur.

Uppfært klukkan 7:25

Opnunardagurinn í Eystri – Rangá skilaði níu löxum þegar upp var staðið. Ytri – Rangá var með fimm laxa og komu þeir allir fyrir hádegi.

• Blogga um frétt

Seinustu hundraðkallar sumarsins