Félagsskapur veiðifólks sem kallar sig Haustmenn hitti vel á það í Norðurá, síðustu daga. Kvöldið áður en Haustmenn mættu í veiðihúsið var Norðurá í hundrað rúmmetrum. Hætt var að rigna og áin var sjatnandi allan tíman sem þeir veiddu. Sjatnandi vatn þýðir kjörskilyrði og það gekk líka eftir.
Samtals fékk hollið 53 laxa sem telst frábær veiði í Norðurá í september. Þar með skreið Norðurá yfir þúsund laxa. Tveir 88 sentímetra laxar veiddust í hollinu. Halldór Eggertsson fékk annan þeirra í Kríuhólma og er það stærsti lax sem hann hefur veitt á ferlinum. Hinn fékk Gunnlaugur Örn Gunnlaugsson í Hafþórsstaðahyl.
Árnefnd er núna í ánni og veiðir til 15. september og þá lokar hún. Tímabilið í Norðurá er búið að vera skrautlegt eins og í flestum ám í sumar. Eftir ágæta byrjun má segja að veiðin hafi þornað upp og þrátt fyrir ágætt magn af fiski var nánast engin taka í fiskinum þegar leið á sumar.
Rigningar nú í loks sumars löguðu stöðuna og Norðurá er komin yfir þúsund laxa. Lokatalan mun sjálfsagt nálgast 1.100 laxa en í fyrra endaði hún í 1.352. Sumarið 2023 er undir meðaltali í Norðurá en hún hefur átt verri sumur.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |