Árnar sem gáfu stærstu laxana í sumar

Tvær ár gáfu mestu meðallengd á löxum í sumar. Laxar í þessum ám mældust að meðaltali 72 sentímetrar. Hér er um ræða meðaltal yfir sumarið og eru upplýsingarnar fengnar úr rafrænu veiðibókunum sem Angling iQ heldur utan um. Fiskar eru skráðir þar af veiðimönnum sjálfum eða leiðsögumönnum þeirra.

Sandá í Þistilfirði og Víðidalsá tróna tvær efstar með sama meðaltal. Norðvesturland er með mestu meðallengdina. Því næst Vopnafjörður og loks Vesturland. Stöku ár á þessum svæðum skera sig þó úr.

Hér eru ekki allar ár inni í myndinni. Eingöngu þær sem skrá veiði í appið Angling iQ. Svona lítur listinn út eftir sumarið.

Veiðisvæði          Meðaltalslengd í

                              sentímetrum

Víðidalsá                          72

Sandá í Þistilfirði               72

Blanda                             71

Húseyjarkvísl                    71

Hafralónsá                        71

Stóra–Laxá                       71

Miðfjarðará                       70

Laxá í Aðaldal                   69

Hrútafjarðará                    69

Svartá                              68

Jökla                                68

Fljótaá                             68

Hofsá í Vopnafirði              67

Hölkná                             67

Selá í Vopnafirði                67

Sæmundará                      67

Kjarrá                               67

Hítará                               66

Miðfjarðará í Bakkafirði      66

Laxá í Kjós                        65

Sunnudalsá í Vopnafirði      65

Elliðaár                             64

Þverá í Borgarfirði              64

Norðurá í Borgarfirði          64

Miðá í Dölum                     64

Straumfjarðará                  64

Haukadalsá                       63

Langá á Mýrum                  61

Leirvogsá                          61

Brennan                            61

Langadalsá                        60

Úlfarsá/Korpa                    59

Þetta er meðaltalið í 32 laxveiðiám. Hér vantar nokkrar ár en upplýsingar fyrir þær voru ekki tiltækar. Meðaltalið er svo sem engin vísindi en gefur þó sterka vísbendingu. Greinilegt er, eins og flestir veiðimenn vita að lax fyrir norðan Holtavörðuheiði er að jafnaði stærri en sá sem gengur í ár sunnan heiðarinnar.

Við einblínum oft á laxinn en gaman er að skoða sjóbirting og meðaltal fyrir hann í ár. Þarna eru inni tölur bæði fyrir vor og haust veiðina.

Veiðisvæði              Meðallengd í

                                sentímetrum

Eldvatn í Meðallandi                68

Tungufljót í Skaft.                   66

Tungulækur                           63

Húseyjarkvísl                         53

Athyglisvert að sjá hversu hátt meðaltalið er í Eldvatni, Tungufljóti og Tungulæk, þar sem uppistaðan í veiðinni er sjóbirtingur. Bæði Eldvatn og Tungufljót eru með stærri fiska að meðaltali en laxveiðiárnar í Borgarfirði sem flestar eru í kringum 60 og upp í 64 sentímetra. Þá er það magnað að sjá að Eldvatn í Meðallandi sé með meðaltal upp á 68 sentímetra. Það er á pari við það sem gerist best í laxveiðiánum ef menn eru bara að horfa á stærð.

Fyrst og fremst er þetta staðfesting á því hversu stækkandi sjóbirtingurinn er eftir að veiða og sleppa var tekið upp í þessum ám. Það er óumdeilt að sú veiðistjórnunaraðferð hefur skilað stærri og fleiri sjóbirtingum þó að deilt sé um fyrirkomulagið víða í laxveiðiám.

Seinustu hundraðkallar sumarsins