Sextíu daga þurrkakafli í Kjósinni. Tökuleysi í Langá. Erum við að drepa of mikið af smálaxi? Af hverju var minna af laxi í sumar á stórum hluta landsins? Þessi staða og þessar spurningar eru viðfangsefni fyrsta uppgjörsþáttar Sporðakasta eftir laxveiðisumarið 2023.
Gestir í dag eru þau Ragnheiður Thorsteinsson, formaður Stangaveiðifélags Reykjavíkur og Haraldur Eiríksson, leigutaki Laxár í Kjós og Hítarár.
Hér er farið yfir vítt svið og velt upp áleitnum spurningum sem margir veiðimenn stóðu frammi fyrir í sumar og munu sjálfsagt velta fyrir sér í vetur.
Haraldur segir að við höfum breytt leiknum og hann sér umtalsverða breytingu á hegðun laxins í kjölfar þess.
Ragga bendir að sama skapi á breytt viðhorf hjá stórum hópi veiðimanna og vísar þar fyrst og fremst til ungra eða nýrra veiðimanna sem virðast njóta þess að vera í færi við ána en kröfur um veiði séu lágstemmdari en áður var.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |