Ímyndarskaði, hryllingur og hækkanir

Ímyndarskaði vegna strokulaxa, hryllingur sumra veiðimanna yfir hnúðlaxinum og verðhækkanir á veiðileyfum er umræðuefni dagsins í Sporðakastaspjallinu.

Þetta er annar kafli með þeim Haraldi Eiríkssyni og Ragnheiði Thorsteinsson í uppgjöri á veiðisumrinu 2023.

Þau segja reiði og vonbrigði hafa einkennt viðbrögð flestra veiðimanna þegar eldislaxinn fór að sjást í fjölmörgum ám á haustdögum. Þau segja vandséð hvernig þessar tvær atvinnugreinar geti lifað saman en binda þó vonir við að frumvarp Svandísar Svavarsdóttur geti verið stórt skref í rétta átt til að efla eftirlit með sjókvíaeldi.

Hnúðlaxinn birtist ekki í því magni í sumar sem svartsýnustu spár gerðu ráð fyrir. Það breytir því þó ekki að bæði kannast við hrylling veiðimanna við að fá þessa framandi tegund á stöng.

Verðhækkanir á veiðileyfum blasa við en bæði segja að þær verði hófstilltar og í raun í takt við þær verðhækkanir sem allt þjóðfélagið glímir við á verði á vörum og þjónustu.

• Blogga um frétt

Seinustu hundraðkallar sumarsins