Ný stjórn í FUSS og Elías formaður

Félag ungra í skot– og stangveiði, skammstafað FUSS kaus sér nýja stjórn á aðalfundi félagsins sem haldinn var um helgina. Helga Kristín Tryggvadóttir hefur starfað sem formaður félagsins síðastliðin fjögur ár gaf ekki kost á sér til frekari formennsku.

Elías Pétur Þórarinsson var kjörinn formaður. Varaformaður er Markús Darri Maack og meðstjórnendur eru þeir Jóhann Helgi Stefánsson, Andri Freyr Björnsson, Ásgeir Atli Ásgeirsson, Bjarki Þór Hilmarsson, Atli Dagur Ólafsson, Birkir Örn Erlendsson, Daníel Friðgeir Viðfjörð Sveinsson, Eyþór Logi Þorsteinsson, Guðlaugur Þór Ingvarsson og Steindór Snær Ólason.

Fuss er félag fyrir fólk á aldrinum 18 til 35 ára sem hefur áhuga á skot- og stangveiði. Tilgangur félagsins er að búa til góðan félagsskap þar sem allir eru velkomnir, auka aðgengi að veiðileyfum á betri kjörum og halda námskeið þar sem félagsmenn geta sótt sér aukna þekkingu og reynslu.

Í fréttatilkynningu sem félagið sendi frá sér eftir aðalfundinn segir að framtíð félagsins sé björt og þess er getið að nýkjörin stjórn hafi þegar fundað og hafin sé skipulagning á skot- og stangveiðiferðum á árinu. Áhugasömum er bent á að fylgjast með á heimasíðu félagsins og einnig að fylgja FUSS á samfélagsmiðlum.