Þrjár spennandi opnanir voru í dag. Í Miðfjarðará komu fjórir laxar fyrir hádegi og bæði Kjarrá og Laxá í Kjós fengu einn í bók, hvor á. Veðrið í Kjósinni hefði verið athugasemdalaust hjá hvaða Íslendingi sem er, á Tenerife. Lofthiti var 22 gráður og glæran eftir því. Þrír laxar komu svo eftir hádegi og veiddist einn í Króarhamri og annar í Golfstraumi í Bugðu. Samtals fjórir laxar þar fyrsta daginn.
Litlar fréttir hafa borist úr Kjarrá en þó vitum við um einn lax sem kom úr Runka og var það Sigurður Valtýsson sem tók hann á fluguna Hregg. Aðrar fréttir hafa ekki borist ofan að.
Í Miðfirði á síðari vaktinni var engum landað en menn settu í nokkra og misstu. Bæði í sjálfri Miðfjarðará og einnig í Austurá. Fjórir laxar þar á fyrsta degi. Dagurinn þar byrjaði svo sannarlega með látum og fyrsta klukkutímann var þremur landað. Einn kom svo rétt fyrir hlé og seinniparturinn núllaði.
Bæði í Kjósinni og í Miðfjarðará urðu menn varir við fisk á hreyfingu og er það góðs viti upp á næstu daga. Ekki var annað að heyra á leigutökum í Kjós og Miðfirði að þeir væru þokkalega sáttir við þessa stöðu eftir opnunardag, þegar horft er til aðstæðna.
Norðurá fór yfir hundrað laxa í morgun og er stór og stækkandi hluti aflans smálax. Á sama tíma vekur athygli að Þverá er ekki með nema sextán laxa. Vissulega opnaði hún þremur dögum síðar en Norðurá, en engu að síður er veiðin þar róleg og mun minni en í nágranna hennar sem er Norðurá.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Víðidalsá | Ragnheiður Þengilsdóttir | 14. júlí 14.7. |
106 cm | Laxá í Aðaldal | Kristrún Ólöf Sigurðardóttir | 8. júlí 8.7. |
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |
Veiðiárið 2023: | |||
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |