Norska umhverfisstofnunin hefur tilkynnt formlega um lokun á 33 laxveiðiám í landinu um helgina. Búið var að vara við því að þetta væri yfirvofandi en nú hefur ákvörðunin verið tekin. Að sama skapi verður netaveiði í sjó bönnuð úti fyrir ströndum Noregs, nema nyrst í landinu. Lokun ánna er ótímabundin en Verdens Gang netmiðillinn hefur eftir forstjóra umhverfisstofnunar Noregs að staðan verði endurmetin í byrjun júlí. Við sögðum frá því fyrr í dag að ákvörðun um lokun væri yfirvofandi og að hún gæti verið kynnt með stuttum fyrirvara.
Árnar sem verður lokað samkvæmt ákvörðun yfirvalda eru þessar eftir fylkjum:
Östfold: Glomma og Aagardselva
Agder: Tovdalselva, Otra, Mandalselva og Lygna
Rogaland: Figgjo, Hjelmelandsana, Nordelva og Vikedalselva
Vestland: Uskedalselva, Steinssdalselva, Oselva, Næröydalselva, Sogndalselva, Daleelva, Gaula í Sunnfjorden, Nausta, Aelva og Ommedalselva, Gloppenelva, Strynselva og Hjalma
Möre og Romsdal: Austefjordelva, Korsbrekkelva, Rauma, Eira og Surna
Trondelag: Orkla, Gaula, Nidelva, Stjördalselva, Verdalselva, Steinkjerelva og Byaelva og Namsen
„Það er þungbær ákvörðun að stöðva laxveiðina. Við vitum að laxveiðar á sumrin en mikilvæg hefð og mikill gleðigjafi fyrir marga. Nú er staðan hins vegar sú að hver einasti lax skiptir máli,“ sagði Ellen Hambro í yfirlýsingu sem umhverfisstofnun Noregs sendi frá sér vegna þessarar ákvörðunar.
Netaveiði í sjó verður einnig stöðvuð í þessum fylkjum og ljóst að það vegur þungt þegar laxastofnarnir eru á svo miklu undanhaldi. Markmiðið er að reyna að tryggja að hrygningarstofnar verði sem öflugastir í haust.
Í fyrra var lélegasta ár í sögu laxveiða í Noregi, frá því að skráningar hófust. Það sem af er veiðitímanum núna er samdrátturinn milli ára á bilinu 50 til 60 prósent.
Þetta er umfangsmestu aðgerðir sem gripið hefur til í Noregi til að stuðla að viðgangi villta laxins. Það er ljóst að eftirmál þessarar aðgerðir verða mikil og jafnvel langvinn.
Fleiri ár eru lokaðar í Noregi eða ætla að loka, heldur en er að finna á listanum hér að ofan. Víða hafa landeigendur sjálfir tekið ákvörðun um lokun.
Lengd á laxi | Veiðisvæði | Veiðimaður | Dagsetning Dags. |
---|---|---|---|
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |
Veiðiárið 2023: | |||
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |