Veiðin í Laxá á Ásum hefur verið mjög góð og stöðug síðustu daga. Þannig endaði síðasta þriggja daga holl með 102 laxa. Veitt er á fjórar stangir í Ásunum og verður þetta að teljast mokveiði.
Sturla Birgisson sem rekur Laxá á Ásum var að vonum kampakátur með þessa stöðu þegar Sporðaköst heyrðu í honum. „Já. Þetta er búið að vera mjög gott síðustu daga. Síðasta heila holl var með 102 laxa,“ upplýsti Sturla.
Hvenær varstu síðast með holl sem náði hundrað?
Hann þarf ekki að hugsa sig um. „Það hefur ekki gerst síðan 2015.“
Það ár er síðasta virkilega stóra laxveiðiárið á Íslandi. Þá fór veiðin langt yfir langtímameðaltalið en hefur ekki náð því síðan. Sumarið 2015 var veitt á einungis tvær stangir stærstan hluta sumars í Ásunum.
„Svo er eitt landaðir laxar og annað allt það sem er að gerast. Síðasta morgunin fór ég með einni stönginni á neðsta svæðið og hún setti í sjö laxa og missti alla áður en þeim fyrsta var landað. Þannig að það er búið að vera heljarinnar veiðistuð hérna,“ sagði Sturla í samtali við Sporðaköst.
Laxá á Ásum er farin yfir þrjú hundruð laxa og þar hafa verið að koma risastórir dagar. 18. júlí skilað til dæmis 42 löxum. Heildarveiðin í fyrra á sama tíma var 178 laxar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Víðidalsá | Ragnheiður Þengilsdóttir | 14. júlí 14.7. |
106 cm | Laxá í Aðaldal | Kristrún Ólöf Sigurðardóttir | 8. júlí 8.7. |
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |
Veiðiárið 2023: | |||
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |