Margar ár með mikla aukningu í veiði

Víða er mun betri laxveiði en í fyrra. Þegar staðan er tekin saman sést að margar ár bæta sig um þrjátíu til hundrað prósent milli ára.

Síðasta ár var svo sem ekkert til að hrópa húrra fyrir en þetta er engu að síður ánægjulegt og ber merki um öflugar smálaxagöngur. Mögulega ná þær hámarki sínu á næstu dögum en stórstreymi er aðfaranótt miðvikudags. Þetta stórstreymi er straumurinn sem á að skila öflugustu göngunum norðan heiða og fyrir austan en auðvitað vonast menn á Vesturlandi einnig eftir gusu.

Mælingin. Minna hefur verið af hundraðköllum en síðustu ár. Svona mynd viljum við fá af þeim fiskum sem eru meintir hundraðkallar. Þær eru ekki endilega til birtingar. Þessi stóð 101 sentímeter á sínum tíma. Ljósmynd/Aðsend

Svona lítur listinn út þegar horft til aukningar milli ára í prósentum. Fyrir neðan strik eru svo þær sem eru undir í prósentum. Með minni veiði en í fyrra. Tölurnar eru fengnar af rafrænu veiðibókinni angling iQ. Rétt er að taka fram að þessi staða var tekin í gærkvöldi áður en tölur af seinni vaktinni skiluðu sér í hús. Þetta getur verið fljótt að breytast.

Vatnasvæði             Breyting í prósentum

Stóra-Laxá                    +271%

Hrútafjarðará                +257%

Straumar                      +134%

Miðfjarðará                   +105%

Kjarrá                            +99%

Miðá í Dölum                  +63%

Brennan                        +56%

Haukadalsá                   +54%

Langá                           +52%

Laxá í Kjós                    +51%

Norðurá                        +40%

Þverá                            +40%

Jökla                            +31%

Elliðaár                         +29%

Laxá í Aðaldal                +27%

Miðfjarðará í Bakkaf.      +24%

Sandá í Þistilfirði            +19%

Korpa                            +14%

Straumfjarðará              +13%

--------------------------------------

Víðidalsá                        -5%

Selá                              -8%

Hofsá                            -18%

Hítará                           -32%

Leirvogsá                      -38%

Hafralónsá                     -42%

Blanda                          - 64%

Ekki eru allar laxveiðiár inni á angling iQ-veiðibókinni. Hér vantar til dæmis Laxá á Ásum, Vatnsdalsá, Grímsá, Laxá í Leirársveit og fleiri en þær yrðu sumar hverjar ofarlega á listanum og klárlega allar fjórar með umtalsverða aukningu frá árinu í fyrra. Þá er Andakílsá einnig með mikla aukningu milli ára.

Bæði Hofsá og Selá hafa verið að taka kipp og ef heldur fram sem horfir verða þær komnar í plús áður en langt um líður.

• Blogga um frétt

Seinustu hundraðkallar sumarsins