Flestar sýna góða aukningu milli ára

Það eru ekki bara stóru laxveiðiárnar sem eru að bæta við sig. Margar af minni ánum eru með góða aukningu og sumar hverjar mjög mikla bætingu frá í fyrra. Meðfylgjandi er listi yfir stöðuna í 29 laxveiðiám og vatnasvæðum. Upplýsingar eru fengnar af vef Landssambands veiðifélaga, angling.is og einnig úr rafrænu veiðibókinni angling iQ.

Þegar tölfræðin er skoðuð úr þessum ám blasa við margvíslegar áhugaverðar staðreyndir. Laxá í Dölum er með nær þrefalda veiði á við í fyrra, á þessum tíma.

Svalbarðsá var með 97 laxa viku á tímabilinu 17. til 24. júlí. Þar er veitt á þrjár stangir.

Hrútafjarðará er upp um 228% milli ára.

Efsti veiðistaðurinn í Hrútafjarðará, Réttarfoss. Áin hefur skilað mun betri veiði en síðustu ár. Aukningin miðað við sama tíma í fyrra nemur 220%. Mynd af www.strengir.is

Árnar á sunnanverðu Snæfellsnesi, Haffjarðará, Hítará og Straumfjarðará eru ekki að njóta þeirrar aukningar sem Vesturlandið er almennt að fá. Þannig er Haffjarðará hundrað löxum undir síðasta ári í samanburðinum. Hítará er með 33% minni veiði og Straumfjarðará er á svipuðum stað og í fyrra.

Árnar á höfuðborgarsvæðinu njóta líka misjafns gengis. Á meðan að Elliðaárnar eru með aukningu upp á 33% þá er Korpa upp um 12% en Leirvogsá er niður um 36%.

Svipuð staða er uppi í Þistilfirðinum. Sandá og Svalbarðsá eru báðar að skila góðri aukningu milli ára á meðan að Hafralónsá er niður um 36%. Það er einungis Blanda sem er með meiri niðursveiflu en hún er niður um rúm fimmtíu prósent frá lélega árinu í fyrra. Aftur á móti er veiðin í Svartá meiri, en um svo fáa laxa er að ræða að slíkur samanburður er vart marktækur en veit vonandi á gott.

Vatnsdalsá lenti fyrir mistök á þessum lista en hefði átt að vera í topp tuttugu. Þar má sjá mikla aukningu í veiði milli ára. Þann 24. voru komnir 238 laxar úr Vatnsdal en þann 26. júlí í fyrra voru þeir 148.

Veiðitöl­urn­ar miðast við veiði að lokn­um veiðidegi 24. júlí. Dálk­ur tvö er veiði í þess­um ám á sama tíma í fyrra. Raun­ar mun­ar tveim­ur dög­um því angling.is birt­ir alltaf töl­ur á fimmtu­dög­um og það bar upp á 26. júlí í fyrra. All­ar þess­ar ár eiga því tvo daga inni. Þriðji dálk­ur­inn er svo fjöldi veiddra laxa vik­una 17. – 24. júlí. Síðasti dálkurinn segir til um prósentubreytingu milli ára, þar sem sú tala er tiltæk.

Vatna­svæði         Veidd­ir lax­ar   2023       Vikan    Breyting %

Vatnsdalsá                 238         148          77           --

Laxá í Dölum              214          78           63          --

Flókadalsá                  185          95           35          --

Hauka­dalsá                177          119          52         47%       

Anda­kílsá                   172           63          44          --

Sval­b­arðsá                 166          107         97          --

Skjálf­andafljót            157          --            49          --

Brenn­an                     135          95          12          45%

Blanda                       127          267         55        -52%

Sandá í Þistil­f­irði         125          107         56         34%

Straum­ar                   122            58         21        112%

Hítará                        119          167         23        -33%

Miðfjarðará í Bakkaf.   116            97         34         20%

Hrúta­fjarðará             115            37         63         228%

Straum­fjarðará           114          117         18          7%

Hólsá Aust­ur­bakki       102          107         41          --

Leir­vogsá                    98           125         26         -36%

Úlfarsá (Korpa)            87            79          11         12%

Miðá í Döl­um               83            51          32         67%

Hafralónsá                  81           144          46        -36%

Mýr­arkvísl                   63             --          25          --

Skuggi                        59            53           6           --

Gljúf­urá í Borg­arf.        56            44          23          --

Flekku­dalsá                 55             --          23          --

Fnjóská                       34             --          22          --

Laug­ar­dalsá                28              --           5           --

Svar­tá í Húna­vatnss.    21             32          14         58%

Fljótaá                        12               --          5         -60%

Þverá í Fljótshlíð           7               --           7          --

Þar með er tæmd­ur list­inn sem angling.is birti í gær. Mis­jafnt er hvað er til af gögn­um yfir þær ár sem neðarlega eru á list­an­um.

• Blogga um frétt

Seinustu hundraðkallar sumarsins