„Guði sé lof fyrir smálaxinn núna“

„Ég verð bara að segja það. Guði sé lof fyrir smálaxinn núna. Við þurftum svo sannarlega á þessu að halda. Verðlagið og léleg veiði var hreinlega komið að þolmörkum. Ef við hefðum fengið enn eitt lélegt ár hefði salan í vetur á veiðileyfum orðið gríðarlega erfið. Salan fyrir þetta veiðitímabil var erfiðari en oftast áður og mikið var af lausum stöngum í mörgum góðum laxveiðiám,“ sagði Þröstur Elliðason leigutaki Hrútafjarðarár og Jöklu. Báðar þessar ár eru á miklu betra róli en síðustu ár. Meiri fiskur og þar af leiðir betri veiði.

Jökla mun væntanlega í fyrsta skipti fara yfir þúsund laxa og er það ekki síst fyrir þá stöðu að ekki er von á yfirfalli úr Hálslóni sem gerir Jöklu nánast óveiðandi.

Hrútafjarðará er að skila yfir tvö hundruð prósent betri veiði en í fyrra og þarf að fara mörg ár aftur til að finna sambærilega veiði í henni. hún hefur gefið 150 laxa á móti ríflega 50 í fyrra á sama tíma.

Veiðimaður sleppir laxi í Réttarstreng í Hrútafjarðará. Í baksýn er Réttarfoss sem er efstir veiðistaðurinn. Nú eru komnir 154 laxar úr Hrútu en í fyrra voru þeir í byrjun ágúst um 50. Ljósmynd/Þröstur Elliðason

Hér að neðan er listi yfir 29 laxveiðiár og samanburð á veiði í þeim miðað við sama tíma í fyrra. Laxá í Dölum er efst á þessum seinni lista sem við birtum upp úr vikutölum af angling.is sem er vefur Landssambands veiðifélaga og birtir allt sumarið vikutölur úr fimmtíu laxveiðiám.

Dalirnir eru með nánast þrefalda veiði á við árið í fyrra. Er hún að nálgast þrjú hundruð laxa en var á sama tíma í fyrra með um hundrað laxa. Aðrar ár í Dölunum eru líka að sýna mikla aukningu. Haukadalsá er upp um fjörutíu prósent og Miðá er með hundrað prósent aukningu.

Andakílsá er með þrefalda veiði á við sama tíma í fyrra og er hún búin að gefa ríflega tvö hundruð laxa en var í sjötíu. Aðeins er veitt á tvær stangir í henni og er hvor stöng því búin að skila ríflega hundrað löxum í sumar. Það er fín veiði.

Veiðitöl­urn­ar miðast við veiði að lokn­um veiðidegi 31. júlí. Dálk­ur tvö er veiði í þess­um ám á sama tíma í fyrra. Raun­ar mun­ar tveim­ur dög­um því angling.is birt­ir alltaf töl­ur á fimmtu­dög­um og það bar upp á 2. ágúst í fyrra. All­ar þess­ar ár eiga því tvo daga inni. Þriðji dálk­ur­inn er svo fjöldi veiddra laxa vik­una 24. – 31. júlí. Síðasti dálkurinn segir til um prósentubreytingu milli ára, þar sem sú tala er tiltæk.

Vatna­svæði         Veidd­ir lax­ar   2023       Vikan    Breyting %

Laxá í Dölum              284         102          70          --

Sval­b­arðsá                 219         176          53          --

Hauka­dalsá                218          147          41         53%       

Anda­kílsá                   217           74          45          --

Flókadalsá                  205         130          20          --

Blanda                       198          293         71        -30%

Skjálf­andafljót            196          --            39          --

Sandá í Þistil­f­irði         183          175         58         21%

Hítará                        175          192         56        -16%

Straum­fjarðará           170          134         56         29%

Miðfjarðará í Bakkaf.   165           130         49         40%

Hólsá Aust­ur­bakki       155          184         53          --

Hrúta­fjarðará              154           51         39         206%

Leir­vogsá                   144          180         46         -26%

Brenn­an                     143          104           8          43%

Straum­ar                   136            76          14         82%

Miðá í Döl­um              120            58          37        105%

Úlfarsá (Korpa)           116            93          29         36%

Hafralónsá                  114           153         33        -25%

Mýr­arkvísl                   112            --          49          --

Flekku­dalsá                 85              --          30          --

Gljúf­urá í Borg­arf.        70             54          14          --

Skuggi                        66             56           7           --

Fnjóská                       55             --           21          --

Svar­tá í Húna­vatnss.    41             42          20         -3%

Laug­ar­dalsá                 31             --            3           --

Þverá í Fljótshlíð           21             --          14           --

Affall                           15             --           15          --

Fljótaá                        14              51            2       -69%

Þar með er tæmd­ur list­inn sem angling.is birti í gær. Mis­jafnt er hvað er til af gögn­um yfir þær ár sem neðarlega eru á list­an­um.

Sporðaköst benda á að sjálfsagt er að taka fleiri ár inn á listann ef menn vilja koma veiðitölum á framfæri. Einfaldast að senda tölvupóst á eggertskula@mbl.is og tilgreina þá upplýsingar um laxveiðina til þessa. Einnig er fínt að fá tölu yfir hver staðan var á sama tíma í fyrra.

• Blogga um frétt

Seinustu hundraðkallar sumarsins