Margar af þeim litlu með magnaða veiði

Það er gaman þegar vel gengur, og það á svo sannarlega við í laxveiðinni þetta sumarið. Þegar við horfum til minni ánna þá eru víða að gerast skemmtilegir hlutir þar. Þegar við tölum um minni árnar er það fyrst og fremst vegna þess að þær eru vel flestar með færri stangir en þessar stóru. Hér að neðan er listi yfir veiðina í 28 ám. Margar þeirra eru með tvær til þrjár stangir og sumar aðeins fleiri.

Árnar sem eru efstar á listanum hafa allar gefið mjög góða veiði samanborið við veiðina í fyrra. Efst er Svalbarðsá með töluvert betri veiði en í fyrra. En númer tvö er Andakílsá með magnaða veiði. Tvær stangir þar hafa gefið 265 laxa. Á sama tíma í fyrra voru þeir 87. Þetta minnir á tilrauna veiðina sem var eftir umhverfisslysið. Þá gaf hún 661 lax á eina tilraunastöng. Það var sumarið 2020 og hafði tekist afar vel til með seiðasleppingar. Vandséð er að hún nái aftur þeirri veiði en hún er gleðja margan veiðimanninn langt umfram væntingar. Hún er komin langt fram úr heildarveiði síðasta árs sem var 177 laxar. Hér er hlekkur á frétt og myndband sem Sporðaköst unnu um Andakílsá sumarið 2020.

Frétt af mbl.is

Andakílsá stútfull af laxi - myndband

Ef við förum aðeins neðar í listann þá eru bæði Miðfjarðará í Bakkafirði og Hrútafjarðará búnar að topp veiði síðasta sumars þó að mikið sé eftir af veiðitímanum. Miðá í Dölum er að gefa miklu meiri veiði en í fyrra og sama má segja um Straumana og Brennuna sem hafa farið langt fram úr væntingum. Það helgast fyrst og fremst af góðum smálaxagöngum sem fara í gegnum þessi svæði á leið sinni í Norðurá og Þverá og Kjarrá.

Á listanum má líka sjá ár sem setja má spurningamerki við. Blanda er enn töluvert undir veiðinni í fyrra og Leirvogsá að sama skapi.

Veiðitöl­urn­ar miðast við veiði að lokn­um veiðidegi 7. ágúst. Dálk­ur tvö er veiði í þess­um ám á sama tíma í fyrra. Raun­ar mun­ar tveim­ur dög­um því angling.is birt­ir alltaf töl­ur á fimmtu­dög­um og það bar upp á 9. ágúst í fyrra. All­ar þess­ar ár eiga því tvo daga inni. Þriðji dálk­ur­inn er svo fjöldi veiddra laxa vik­una 1. – 7. ágúst. Síðasti dálkurinn segir til um prósentubreytingu milli ára, þar sem sú tala er tiltæk.

Vatna­svæði         Veidd­ir lax­ar   2023       Vikan    Breyting %

Sval­b­arðsá                 276         214          57          --

Anda­kílsá                   265           87          48          --

Hauka­dalsá                261          170          43         56%   

Blanda                       249          318          51        -21%  

Skjálf­andafljót            235          --            39          --

Sandá í Þistil­f­irði         235          194         52          23%

Flókadalsá                  230          146         25          --

Hítará                        226          232         51         -6%

Miðfjarðará í Bakkaf.   209           146         44         55%

Hrúta­fjarðará              207           57         53         270%

Straum­fjarðará           189          155         19         25%

Hólsá Aust­ur­bakki       187          296         32          --

Brenn­an                     168          113          25          49%

Mýr­arkvísl                  164            --           52          --

Hafralónsá                 163           183         49         -8%

Leir­vogsá                   145           214           1         -33%

Straum­ar                   143            83           7         76%

Úlfarsá (Korpa)           134           105          18         36%

Miðá í Döl­um              131             67          11        118%

Flekku­dalsá                 98              --          13          --

Gljúf­urá í Borg­arf.        94             68          24          --

Fnjóská                       74             --           19          --

Skuggi                        74             63           8           --

Laug­ar­dalsá                 49             --           18           --

Svar­tá í Húna­vatnss.    49             53           8          8%

Fljótaá                        26              51         12       -49%

Affall                           21            104           6          --

Þverá í Fljótshlíð           21             20          14           --

Þar með er tæmd­ur list­inn sem angling.is birti í gær. Mis­jafnt er hvað er til af gögn­um yfir þær ár sem neðarlega eru á list­an­um.

Sporðaköst benda á að sjálfsagt er að taka fleiri ár inn á listann ef menn vilja koma veiðitölum á framfæri. Einfaldast að senda tölvupóst á eggertskula@mbl.is og tilgreina þá upplýsingar um laxveiðina til þessa. Einnig er fínt að fá tölu yfir hver staðan var á sama tíma í fyrra.

• Blogga um frétt

Seinustu hundraðkallar sumarsins