Síðsumars taktur í laxveiðinni

Sigurvegari síðustu viku þegar kemur að tölfræði yfir laxveiði er án efa Laxá í Dölum. Með 211 laxa viku er hún að nálgast þúsund laxa óðfluga. Þetta er nánast þreföld veiði samanborið við sama tíma í fyrra. Aðeins Ytri Rangá státar af meiri veiði í síðustu viku, með 330 laxa. Miðfjarðará er ekki langt undan með rétt tæplega tvö hundruð fiska.

Jökla heldur áfram að bæta metið sitt og mun fljótlega komast í fjögurra stafa tölu í fyrsta skipti. Hún hefur þegar slegið sitt met um ríflega hundrað laxa.

Annars má merkja síðsumars takt í mörgum ánum þar sem vikuveiðin er dvínandi. Góðir sprettir geta þó komið víða og það langt fram eftir september.

Hér er listi yfir tuttugu og tvær efstu árnar. Listinn er nú farinn að taka á sig afgerandi mynd og veiðin víðast hvar betri en á sama tíma í fyrra. Í nokkrum ám er hún mun betri, jafnvel miklu betri. Fyrsti dálkurinn er talan í viðkomandi á í lok dags, 28. ágúst. Dálkur tvö, veiðin í fyrra segir til um hver talan var í loks dags 30. ágúst í fyrra. Þriðji dálkurinn er svo veiðin vikuna 21. til 28. ágúst, samkvæmt tölum frá angling.is sem er vefur Landssambands veiðifélaga. Fjórði og síðasti dálkurinn segir til um prósentubreytingu milli ára miðað við 28. ágúst 2023 þar sem þær upplýsingar eru fáanlegar.  

Vatnasvæði          Í sumar          2023          Vikuveiðin    Breyting í %

Ytri–Rangá            2886             2352                330               --  

Þverá/Kjarará        1998             1050                  89             91%

Miðfjarðará           1896               975                 195            98%

Norðurá                1460               871                  76             70% 

Eystri–Rangá         1402             1707                 148               --

Selá í Vopnafirði     1150             1058                113            12%

Langá á Mýrum      1010               498                 97            103%

Laxá í Dölum          948               331                 211              --

Jökla                      916               444                  73            109%

Hofsá                     857               909                  57             -4%

Laxá á Ásum           820               545                  49               --

Elliðaár                   760               517                 70             50%

Grímsá                   751                414                 49               --

Haffjarðará             744                830                 42               --

Urriðafoss               719*              661                  --               --

Laxá í Aðaldal         714                 562                63              31%

Víðidalsá                644                 467                 51              47%

Laxá í Kjós             614                 278                 23             110%

Laxá í Leirársveit    605                 302                 20              --

Vatnsdalsá             524                 289                 33               --

Stóra Laxá             500                 211                 49               --

Við skoðum fleiri ár á morgun og hvernig veiðin hefur gengið í þeim í sumar.

*Tala frá 24. júlí.

• Blogga um frétt

Seinustu hundraðkallar sumarsins