Síðustu vikurnar geta verið drjúgar

Minni laxveiðiárnar eru áfram á svipuðu róli og hafa flestar bætt verulega við sig í veiði. Áfram eru það Andakílsá, Hrútafjarðará, Mýrarkvísl og Flókadalsá sem leið aukninguna í veiði milli ára. Tíu efstu árnar á listanum hér að neðan eru að bæta hressilega við sig milli ára.

Farið er að hægjast á veiðinni víða og þá sérstaklega í ánum á Vesturlandi sem fyrstar opna og taka snemma á móti löxum og veiðimönnum. Nánast allar ár á því svæði hafa staðið undir væntingum og jafnvel gott betur. Nú er það undir veðuraðstæðum komið hvernig september verður. Víða hafa lægðir og hvassviðri með úrkomu sett strik í reikninginn, jafnvel þannig að ár hafa orðið nánast óveiðandi sökum vatnavaxta eða storms eins og gerðist víða um land í gær. Rólegheit í veðri í september geta gert gæfumuninn þessar síðustu vikur veiðitímans í mörgum ám. Alþekkt er að margar ár eiga góða endaspretti og geta síðustu vikurnar verið drjúgar.

Litlar breytingar eru innan listans frá síðustu viku og veiðin er á svipuðu róli og verið hefur þegar horft er á innbyrðis stöðu á listanum. Andakílsá og Mýrarkvísl gáfu bestu veiðina í síðustu viku, af þessum ám.

Sandá í Þistilfirði hefur gefið meiri veiði en á sama tíma í fyrra. Nú styttist í lok veiðitíma í morgun ám. Hallgrímur H. Gunnarsson

Vissulega eru líka í þessum hópi ár sem ekki eru að standa undir væntingum. Þar má nefna Blöndu fyrsta en margir velta fyrir sér hvað hafi gerst í henni. Veiðin er töluvert undir því sem hún var í fyrra og það ár var ekki gott. Svartá er á svipuðu róli.

Affallið er að valda vonbrigðum í sumar og er veiðin einungis þriðjungur af því sem var á sama tíma í fyrra. 68 laxar höfðu veiðst þar 4. september en á sama tíma í fyrra voru þeir 218. Vikuveiðin í síðustu viku var átta laxar. Jóhann Davíð Snorrason, framkvæmdastjóri Kolskeggs sem annast sölu á veiðileyfum fyrir Veiðifélag Eystri–Rangár, sagði í samtali við Sporðaköst að hann hefði ekki skýringu á þessari stöðu. „Sleppt var sextíu þúsund seiðum eins og venjan hefur verið. Þessar lélegu heimtur eru mikil vonbrigði en því miður hef ég ekki skýringar á hvernig stendur á að heimturnar eru ekki betri.“

Sveiflur hafa verið mjög miklar í veiðinni í Affallinu. Þannig veiddust þar ríflega 1700 laxar sumarið 2020 og 990 laxar sumarið 2022. Veitt er fram í október í Affallinu. 

Veiðitöl­urn­ar hér að neðan miðast við veiði að lokn­um veiðidegi 4. september. Dálk­ur tvö er veiði í þess­um ám á sama tíma í fyrra. Raun­ar mun­ar tveim­ur dög­um því angling.is birt­ir alltaf töl­ur á fimmtu­dög­um og það bar upp á 6. september í fyrra. All­ar þess­ar ár eiga því tvo daga inni. Þriðji dálk­ur­inn er svo fjöldi veiddra laxa vik­una 28. ágúst – 4. september. Síðasti dálkurinn segir til um prósentubreytingu milli ára, þar sem sú tala er tiltæk.

Vatna­svæði         Veidd­ir lax­ar   2023       Vikan    Breyting %

Anda­kílsá                   385         135          38          --

Skjálf­andafljót            373          --            20          --

Sval­b­arðsá                 372         281          26          --

Hauka­dalsá                359         274          20         40% 

Hrúta­fjarðará             359          112          25         227%

Flókadalsá                 356          211          23           --

Sandá í Þistil­f­irði        349          298          30         18%

Hítará                       323          280          15          -3%

Mýr­arkvísl                  313          162         35           --

Miðfjarðará í Bakkaf.   299          187         15          63%

Blanda                       295          353          9         -16% 

Hólsá Aust­ur­bakki       285          405          5          --

Straum­fjarðará           279          276         21           7%

Hafralónsá                  253          293         15        -13%

Brenn­an                     218          122           4         82%

Leir­vogsá                   211           271           8       -23%

Úlfarsá (Korpa)           211           152          23         47%

Straum­ar                   171            92            0         92%

Miðá í Döl­um              169            92           12         92%

Fnjóská                      152           279          13         --

Flekku­dalsá                137             --           11          --

Gljúf­urá í Borg­arf.       130            101            5         --

Laug­ar­dalsá                102             --            20         --

Fljótaá                        81             102           16       -18%

Skuggi                        81              68            4         --

Svar­tá í Húna­vatnss.    76              86           16        -5%

Sunnudalsá                 69              73             5        -5%

Affall                          68             218            8          --

Þverá í Fljótshlíð          51             23              3          --

Þar með er tæmd­ur list­inn sem angling.is birti síðastliðinn fimmtudag. Mis­jafnt er hvað er til af gögn­um yfir þær ár sem eru neðarlega á list­an­um. 

• Blogga um frétt

Seinustu hundraðkallar sumarsins