Lokatölur úr fimmtíu laxveiðiám

Laxveiðitímabilinu er lokið í náttúrulegu laxveiðiánum. Lokatölur voru að koma í hús allt þar til í gær. Niðurstöðan er gott veiðisumar, eftir fimm mögur ár. Lokatalan úr Andakílsá var ekki ljós fyrr en í gær. Laxá á Ásum og Andakílsá eru nánast jafnar hvað varðar veiði á stöng á dag. Ásarnir hafa þó naumlega vinninginn og er það fyrst og fremst vegna þess að þar er veiðitímabilið styttra.

Andakílsá gaf 525 laxa á tvær stangir eða 262 laxa á stöngina. Laxá á Ásum var með 1008 laxa veiði á fjórar stangir, eða 252 laxa á stöng. Hins vegar var veitt í færri daga í Ásunum og það færir henni efsta sætið. Ekki ólíkt því þegar reiknað er út hvaða knattspyrnumaður er markahæstur. Ef tveir skora jafn mörg mörk þá skiptir fjöldi leikja máli.

Laxá á Ásum er með hlutfallið 2,8 laxar á stöng á dag. Andakílsá er með hlutfallið 2,62 þegar tekið hefur verið tillit til lengd veiðitímabils. Magnaður árangur í á sem að margir óttuðust um eftir umhverfisslysið í maí 2017 þegar gríðarlegt magn af aur barst úr inntakslóni virkjunarinnar niður á fiskgenga hluta árinnar.

Með þessum síðustu „utankjörfundaratkvæðum“ fer Andakílsá upp fyrir Miðfjarðará hvað varðar veiði á stöng á dag og færist upp í annað sætið. Sveiflan í Andakílnum er afar mikil milli ára en í fyrra var hún með hlutfallið 0,94. Þessi mikla sveifla undirstrikar hversu mikilvægur smálaxinn er fyrir Vesturlandið en sumarið 2024 er besta smálaxaár í býsna langan tíma.

Listinn sem birtum í gær yfir bestu veiðina, það er veiði á stöng á dag hefur verið uppfærður til samræmis við lokatölur úr Andakílsá.

Enn veitt í Rangánum

Ytri–Rangá var með fína veiði í síðustu viku og gaf 309 laxa. Sama vika í fyrra gaf 179 laxa. Veiðin í sumar í Ytri hefur verið umtalsvert betri en í fyrra. Eystri–Rangá er með rólegra yfirbragð en fór þó yfir tvö þúsund laxa í vikunni. Vikan þar gaf 76 laxa á móti 108 í sömu viku í fyrra. Eystri er nokkuð undir veiðitölum í fyrra. Hún hafði gefið 2455 laxa 4. október í fyrra.

Hér fyrir neðan er listi yfir þær fimmtíu ár sem við höfum fylgst með í sumar. Fyrsti dálkurinn er lokatalan 2024. Árnar sem alfarið byggja á seiðasleppingum eru enn opnar og miðast tölur í þeim við 2. október. Dálkur tvö, segir til um hver veiðin var í fyrra. Þriðji dálkurinn er svo prósentubreyting milli ára, þar sem þær upplýsingar eru fáanlegar. Lokatölur eru feitletraðar.

Vatnasvæði          Í sumar          2023           Breyting í %

Ytri–Rangá            4379             3587                --  

Miðfjarðará           2458             1334               84%

Þverá/Kjarará        2239            1306                71%

Eystri–Rangá         2013             2602                 --

Norðurá                1703            1087                57% 

Laxá í Dölum         1353             645                   --

Selá í Vopnafirði     1349            1234                 9%

Langá á Mýrum      1292             709                 82%

Grímsá                  1169             719                   --

Jökla                     1163             525                142%

Hofsá                    1089            1088                   0%

Laxá á Ásum          1008              660                    --

Elliðaár                   938              625                 50%

Laxá í Kjós             911               603                 56%

Laxá í Leirársveit     858              516                   --

Stóra Laxá              821              794                   --

Laxá í Aðaldal         820               685                 20%

Haffjarðará             802               905                    --

Víðidalsá                789               645                 26%

Urriðafoss*             719                731                   --

Vatnsdalsá             684                421                   --

Anda­kílsá               525                177                   --

Hrúta­fjarðará          470               185                154%

Hítará                     431               426                  1%

Sval­b­arðsá              429               340                  --

Hauka­dalsá             428               373                 13%

Flókadalsá               414               248                  -- 

Mýr­arkvísl                406              283                  --

Skjálf­andafljót          382               --                    --

Sandá í Þistil­f­irði       381              336                 13%

Straum­fjarðará         366              345                  6%

Blanda                     327              359                 -9%

Miðfjarðará í Bf.        305              191                 60% 

Hólsá Aust­ur­bakki     295              426                   --

Hafralónsá                287              333                -14%

Leir­vogsá                  279             303                 -8%

Úlfarsá (Korpa)          259             173                50%

Brenn­an                    228             122                87%

Miðá í Döl­um             202             144                38%

Gljúf­urá í Borg­arf.      191             171                  --

Straum­ar                  171               92                86%

Fnjóská                     170             331                 --

Flekku­dalsá                148              --                  --

Laug­ar­dalsá               124              --                  --

Fljótaá                       114            102                -9%

Svar­tá í Húna­vatnss.   110            131               -15%

Affall*                        100            381                 --

Skuggi                        81             77                   --

Sunnudalsá*               72             73                  -1%

Þverá í Fljótshlíð*        58              76                   --

*Vantar nýjar tölur

Tölurnar er fengnar af angling.is sem er vefur Landssambands veiðifélaga og einnig var leitað til leigutaka, þar sem vantaði upplýsingar um lokatölur.

• Blogga um frétt

Seinustu hundraðkallar sumarsins