Sífellt hærra hlutfalli af laxi er sleppt

Síðustu ár hefur þeim fjölgað verulega ánum þar sem háu hlutfalli af laxi er sleppt, eða jafnvel öllum. Vissulega eru enn margar ár þar sem hóflegur kvóti er við líði. Svo eru líka árnar þar sem hægt er að ná sér í nóg af laxi og sleppiskylda er lítil sem engin. Flestar af stóru ánum eru komnar í hátt hlutfall af slepptum löxum og óhætt er að segja að þar sem sleppihlutfallið er í kringum níutíu prósent og hærra, þar er alger sleppiskylda. Það gerist nefnilega alltaf af og til að laxi blæðir og jafvel þannig að hann á ekki afturkvæmt.

Lax númer þúsund úr Jöklu sem Guðrún Smáradóttir veiddi. Honum var sleppt. Níu af hverjum tíu löxum var sleppt þar í sumar. Ljósmynd/Guðrún Smáradóttir

Í sumar var gott smálaxaár og þá er ekkert nema sjálfsagt að taka hóflega til matar. Hins vegar þegar lélegu árin koma er þörf á að hugsa um hag árinnar. Hér að neðan er linkur á frétt sem við birtum í vor þar sem spurt er hvort við séum að drepa of mikið af smálaxinum. Það átti greinilega við síðustu ár, en ekki í sumar. Þar erum við komin að hugtakinu að stofninn sé sjálfbær, það er hrygningarstofninn sem eftir verður í ánni þegar veiðimenn hafa pakkað saman. Ísland hefur verið í rauðum lit undanfarin ár og eftir því er tekið. Hér að neðan er listi yfir þrjátíu laxveiðiár og hversu hátt hlutfall veiddra laxa fær frelsi á ný.

Frétt af mbl.is

Drepum við of mikið af smálaxinum?

Óþarfi er að útbúa sérstakan lista yfir sleppihlutfall á sjóbirtingi. Eldvatn, Tungufljót, Tungulækur og Húseyjarkvísl sem geyma mikið af birtingi eru allar með ýmist 99 eða 100 prósent sleppingar á birtingi. Við höfum áður fjallað um hversu góð ávöxtun hefur verið af slíkum sleppingum í þessum ám.

Vatnasvæði     Veiddir laxar     Sleppihlutfall

Straum­ar                 183                  16%

Gljúfurá í Borgarf.     191                  16%

Miðá í Dölum            202                  35%

Laugardalsá             124                   35%

Brenn­an                   228                  36%

Leir­vogsá                 279                  38%

Úlfarsá (Korpa)         259                  45%

Hauka­dalsá              428                   59%

Langá á Mýr­um       1282                  68%

Hítará                      431                  69%

Hrútafjarðará           470                  76%

Norðurá                  1703                 79%

Þverá/Kjarará          2239                 81%

Laxá í Kjós               911                  83%

Sæmundará             257                  84%

Svartá í Hún.            110                  85%

Jökla                      1163                  90%

Víðidalsá                  789                   94%

Blanda                     327                   95%

Langadalsá                53                    96%

Elliðaár                    938                   96% 

Miðfjarðará eystri      305                   96%               

Miðfjarðará             2458                   97%

Straum­fjarðará          366                  99%

Laxá í Aðaldal           778                    99%

Hofsá                     1089                    99%

Selá                       1349                    99%

Húseyjarkvísl            208                   100%

Sandá í Þist.             381                   100%

Stóra–Laxá               821                   100%

Hafralónsá               287                    100%

Ef þú ert með mikið af laxi eða silungi í frystikistunni er um að gera að fara að létta á henni, áður en jólakræsingar þurfa sitt pláss. Hér er að neðan má finna tíu frábærar uppskriftir af matarvef mbl.is sem væri þjóðráð að nýta sér.

Frétt af mbl.is

10 vinsælustu laxauppskriftirnar fyrir sumarið

• 1 blogg um fréttina

Bloggað um fréttina

• Landfari: Landlægt dýraníð við laxveiðar

Seinustu hundraðkallar sumarsins