Laxinn er kanarífugl úthafanna

Laxinn er skammlíf tegund, þegar kemur að sjávardvöl. Hann dvelur ýmist eitt ár eða tvö á fæðuslóð í hafinu og tekst þar á við þau skilyrði sem í boði eru. Hvernig honum reiðir af gefur því skýra mynd af því hver staðan var í sjónum. Sigurður Már Einarsson, fiskifræðingur segir laxinn stundum kallaðan kanarífugl sjávarins vegna þessa.

Aðrar tegundir sem eru langlífari í sjónum, eins og þorskurinn geta brugðist við sveiflum í sínum umhverfi í sjónum og beðið betri tíma þegar hægt er að bæta upp fyrir mótlætið. Þorskurinn gengur þannig á lifrina og þreyir Þorrann og Góuna þar til betri tíð kemur. Laxinn á hins vegar ekki annan kost en að snúa aftur í ferskvatnið í því ástandi sem hann er, hvort sem hann er þykkur og stór eða rýr og smár.

Kanarífuglar eru afar viðkvæmir fyrir loftmengun og voru þeir notaðir áður fyrr, í námum til að vara námumenn við, ef loftgæði versnuðu skyndilega. Þeir voru hafðir í búrum og ef fuglinn drapst var eins gott fyrir námumennina að hraða sér upp á yfirborðið.

Sigurður Már ræðir hér þessa áhugaverðu og skemmtilegu samlíkingu í Sporðakastaspjallinu sem birtist síðastliðna helgi. 

Viðtalið er tæpur klukkutími og hægt er að nálgast það í heild sinni með því að smella á linkinn hér að neðan.

Frétt af mbl.is

Útlitið fyrir laxveiðina sumarið 2025

Þessi stórlax hefur greinilega notið góðra skilyrða í hafinu. Þennan lax veiddi Ingólfur Davíð Sigurðsson í Vatnsdalsá. Ljósmynd/Aðsend

• Blogga um frétt

Seinustu hundraðkallar sumarsins