SULEYMAN Demirel, forseti Tyrklands, lagði í gær blessun sína yfir nýja samsteypustjórn Velferðarflokks heittrúaðra múslima og Sannleiksstígsins, flokks Tansu Ciller, fyrrum forsætisráðherra. Necmettin Erbakan, formaður Velferðarflokksins, verður forsætisráðherra nýju stjórnarinnar fyrst um sinn.
Meira
TÆPLEGA 24 milljónum króna hefur verið úthlutað úr Forvarnasjóði til 27 styrkþega. Íþróttasamband Íslands og Ungmennafélag Íslands fá 4 milljónir vegna verkefnis til tveggja ára. 93 umsóknir bárust um styrk samtals að upphæð 85,7 milljónir auk 20 umsókna þar sem engin upphæð var nefnd.
Meira
HJÁ Hagþjónustu landbúnaðarins er komið út ritið Hagur landbúnaðarins, sem stofnunin tekur saman á tveggja ára fresti. Ritið skiptist í 12 kafla sem hver um sig fjallar um tiltekinn málaflokk í máli og tölum. Megináhersla er lögð á umfjöllun um tímabilið frá 19901994.
Meira
Á kjörskrá vegna forsetakosninganna eru 194.784 kjósendur. Kjósendur á kjörskrárstofni nú sem höfðu ekki kosningarétt vegna aldurs 1980 eru 76.781, eða 39% kjósenda, og þeir sem hafa náð kosningaaldri eftir forsetakjörið 1988, þegar Sigrún Þorsteinsdóttir bauð sig fram á móti frú Vigdísi finnbogadóttur, eru 33.456, eða 17% kjósenda.
Meira
Erlendur Smári Þorsteinsson er tuttugu og fimm ára gamall og hefur útskrifast bæði úr stærðfræði og tölvunarfræði frá Háskóla Ísland. Í ágústlok heldur hann til Bandaríkjanna í nám við Carnegie Mellon University í Pittsburgh í Pennsylvaníu, en hann fékk styrk frá þeim skóla fyrir háum skólagjöldum, húsnæði og fæði í þrjú ár.
Meira
STÓR hópur afkomenda íslenskra landnema í Spanish Fork í Utah í Bandaríkjunum er væntanlegur hingað til lands 7. júlí næstkomandi. Þessir Vestur-Íslendingar vonast til að hitta skyldmenni sín meðan þeir dvelja hér á landi og hefur hópurinn sent frá sér eftirfarandi fréttatilkynningu:
Meira
HEIÐURSFORSETI Listahátíðar og stjórnandi þýsku sinfóníuhljómsveitarinnar í Berlín, Vladimir Ashkenazy, lenti á Reykjavíkurflugvelli ásamt hljómsveit sinni og einleikara undir kvöldið í gær.
Meira
Í TILEFNI af frétt, þar sem fjallað er um bréf formanns Alþýðubandalagsins til forystumanna annarra stjórnarandstöðuflokka um samstarfsviðræður, með fyrirsögninni "Útspil Margrétar - ekki Alþýðubandalagsins",
Meira
SAMNINGAVIÐRÆÐUM fulltrúa 61 ríkis í Genf um allsherjarbann við tilraunum með kjarnorkuvopn (CTBT) lauk í gær og var sendinefndunum falið að leggja fyrir ríkisstjórnir sínar drög að slíku banni. Áætlað er, að sendinefndirnar hittist aftur að mánuði liðnum og ákveði þá hvort bannið verði samþykkt.
Meira
ÁREKSTUR varð á Reykjanesbraut á gatnamótunum við Stekk um hádegisbilið í gær. Báðir ökumennirnir fengu að fara heim að lokinni skoðun á Sjúkrahúsi Suðurnesja en farþegi í annarri bifreiðinni var fluttur á Sjúkrahús Reykjavíkur í Fossvogi til frekari skoðunar. Ekið á 9 ára barn
Meira
CARL Bildt, sem stýrir alþjóðlegu uppbyggingarstarfi í Bosníu, sagði í gær að þolinmæði ríkjanna sem að því standa væri á þrotum og að gripið yrði til aðgerða gegn Serbum, léti Radovan Karadzic, "forseti" Bosníu-Serba ekki af völdum á næstu dögum. Bildt lét þessi ummæli falla á fundi sjö helstu iðnríkja heims, sem haldinn er í Lyon í Frakklandi.
Meira
SKIPULAGSSTJÓRI ríkisins, Stefán Thors, segir að úrskurður umhverfisráðherra um mat á umhverfisáhrifum álvers á Grundartanga, byggist á annarri lagatúlkun en úrskurður skipulagsstjóra hafi gert.
Meira
DAN Rather, fréttamaður bandarísku sjónvarpsstöðvarinnar CBS, átti nýlega um 30 klukkustunda viðtal við Fidel Castro og sagði á fimmtudag að leiðtogi Kúbu virtist veikburða og heilsuveill. Castro hefði einnig virst vita að eftir 37 ár við stjórnvölinn væri skammt eftir af valdatíð hans.
Meira
DÚETT hárstúdíó var opnað í byrjun júní sl. að Skipholti 50c (við hliðina á Pítu). Eigendur Dúetts eru þeir Óskar Alfreðsson og Rögnvaldur Hreiðarsson en þeir hafa báðir áralanga reynslu úr faginu og störfuðu saman á hársnyrtistofu.
Meira
EKKI verður hægt að láta reyna á umgengnisrétt Sophiu Hansen og dætra hennar í Tyrklandi strax 1. júlí nk. Undirréttur í Tyrklandi dæmdi Sophiu og dætrum hennar umgengnisrétt í júlí og ágúst í Tyrklandi með úrskurði frá 13. júní sl.
Meira
EKKERT kom fram á ársfundi Alþjóðahvalveiðiráðsins, sem lauk í Aberdeen í Skotlandi í gær, sem bendir til þess að horfið verði frá hvalveiðibanni, að sögn Arnórs Halldórssonar, lögfræðings í sjávarútvegsráðuneytinu, sem sat fundinn sem áheyrnarfulltrúi fyrir hönd Íslendinga.
Meira
EVRÓPUSAMBANDIÐ er enn andvígt því að Bandaríkjamenn og Japanir haldi viðræður um viðskiptasamning um hálfleiðara, að því er haft var eftir ónafngreindum talsmanni framkvæmdastjórnar ESB á fundi sjö helstu iðnríkja heims í Lyon í Frakklandi í gær.
Meira
RÍKISSTJÓRNIN hefur ákveðið að tekið verði á móti 31 flóttamanni vegna stríðsátakanna í fyrrverandi Júgóslavíu. Páll Pétursson, félagsmálaráðherra, segir að upphaflega hafi verið gert ráð fyrir að taka á móti 25 flóttamönnum. Hins vegar hafi í framhaldi af ósk fjögurra manna íslenskrar sendinefndar í Belgrad verið ákveðið að fjölga í hópnum um sex manna fjölskyldu.
Meira
FRAMBJÓÐENDUR til forseta Íslands þau Pétur Kr. Hafstein, Guðrún Agnarsdóttir, Ástþór Magnússin og Ólafur Ragnar Grímsson, komu fram í sameiginlegri útsendingu Stöðvar 2 og Ríkissjónvarpsins í gærkvöldi og var það síðasti málfundurinn.
Meira
RÁÐGJAFI Benjamins Netanyahus, forsætisráðherra Ísraels, átti í gær leynilegan fund með Yasser Arafat, forseta sjálfstjórnarsvæða Palestínumanna, og að sögn embættismanna var þetta í fyrsta sinn sem slíkur fundur hefur verið haldinn.
Meira
Röð forsetaframbjóðenda hefur ekki breyst í skoðanakönnunum Fylgið við Guðrúnu hefur tvöfaldast Ólafur Ragnar Grímsson hefur mælst með mest fylgi í öllum skoðanakönnunum sem gerðar hafa verið síðan framboðsfrestur rann út. Forskot hans á Pétur Kr. Hafstein hefur þó minnkað.
Meira
HÉR á landi eru seld fæðubótarefni frá fyrirtækinu Golden Neo Life Dinamite. Þau fást ekki í verslunum heldur ávinna einstaklingar sér rétt til að selja vöruna. Fæðubótarefnin eru kaldpressuð úr matvöru og vítamínin síðan sett í hylki. Um er t.d. að ræða náttúrulegt E-vítamín, hreint laxalýsi, karótín, C-vítamín, Aloe vera drykk, trefjabæti og eggjahvíturíkan drykk. Á morgun, 29.
Meira
VEIÐI byrjaði vel í Selá í Vopnafirði eftir hádegi á fimmtudag. Gekk svo mikið á, að þrír laxar voru komnir á land eftir kortér. Alls veiddust 7 laxar á fyrstu vaktinni og í gærmorgun veiddust nokkrir tilviðbótar.
Meira
GÁFNALJÓS eiga greind sína að þakka móður sinni, samkvæmt niðurstöðum rannsókna ástralskra erfðafræðinga, sem birtast í nýjasta hefti læknaritsins Lancet. Greinarhöfundur segir, að karlmanni sem vill eignast vel gefna krakka sé því fyrir bestu að finna sér klára konu.
Meira
GAMALL sjómaður sýnir vinnu við lóðir í Sjóminjasafninu í Hafnarfirði sunnudaginn 30. júní kl. 1317 en stefnt er að því að kynna verklega sjóvinnu alla sunnudaga í sumar. Sunnudaginn 7. júlí verður sýnd vinna við net.
Meira
LÖGREGLAN í Reykjavík lokaði í fyrrinótt bruggaðstöðu í austurborginni og lagði hald á umtalsvert magn af landa í handhægum söluumbúðum. Alls var lagt hald á 514 lítra af landa og 1.590 lítra af gambra, auk tækja sem nothæf eru til umtalsverðrar framleiðslu. Úr þessum gambra hefði væntanlega mátt sjóða um 400 lítra af landa.
Meira
HANDVERKSHÚSIÐ í Laugalandsskóla í Eyjafjarðarsveit verður opnað næstkomandi laugardag 29. júní og verður opið frá kl. 14 til 17. Þar er til húsa safn gamla húsmæðraskólans sem starfræktur var um árabil, gallerí með valið handverk, Gullasmiðjan Stubbur og einnig eru þar vinnustofur. Við opnunina verður leikin tónlist og boðið verður upp á veitingar.
Meira
HALDIN verður í Reykjavík dagana 9.14. september ráðstefna samtaka evrópskra jarðskjálftafræðinga (XXV General Assembly of the European Seismological Commission, ESC). Reiknað er með að 350400 manns muni sækja ráðstefnuna, flestir frá Evrópu. Þó nokkur þátttaka er einnig frá öðrum hlutum heims, einkum frá Bandaríkjunum.
Meira
UM HELMINGUR starfsmanna Foldu hf., alls 37 manns, var sagt upp störfum í gær. Uppsagnarfrestur starfsmanna er mismunandi en allt að 6 mánuðir. Þá var aðalfundi félagsins frestað í gær og boðað til framhaldsaðalfundar að hálfum mánuði liðnum. Að undanförnfu hefur verið unnið að endurskoðun á rekstri og skipulagi Foldu hf.
Meira
BÆJARSTJÓRN Akureyrar samþykkti á fundi í vikunni að ráða Hólmkel Hreinsson bókasafnsfræðing amtsbókavörð við Amtsbókasafnið á Akureyri. Hann tekur við starfinu í haust, en þá lætur Lárus Zóphaniasson af störfum en hann hefur verið amtsbókavörður síðastliðinn aldarfjórðung. Hólmkell hefur starfað á Amtsbókasafninu á Akureyri um nokkurra ára skeið.
Meira
FJÖLDI unglinga vinnur við snyrtingu og fegrun bæjarins og eru þessar ungu stúlkur þeirra á meðal. Þær voru í óðaönn að hirða við hringtorgið á Hörgárbraut í vikunni þegar ljósmyndari átti leið hjá.
Meira
ÁRLEG hundasýning Hundaræktarfélags Íslands og svæðafélags þess á Norðurlandi verður í Íþróttahöllinni á Akureyri á morgun, sunnudaginn 30. júní. Að þessu sinni verða sýndir um 200 hundar af 33 tegundum og er þetta langstærsta sýning félagsins á Akureyri til þessa.
Meira
FRAMKVÆMDIR eru hafnar við Hverfisgötu framan við safnahúsið og Þjóðleikhúsið en þar er gert ráð fyrir hellulögðum gangbrautum og miðeyju. Á gatnamótum, þar sem ekki eru umferðarljós, verður komið fyrir trjágróðri. Gert er ráð fyrir að framkvæmdum verði lokið í ágúst.
Meira
MIKLAR verðlækkanir hafa orðið á grænmeti hjá matvöruverslunum seinustu daga, og þannig hafa íslenskir tómatar, gúrkur og paprika lækkað á milli 10-50% Sömuleiðis hafa innfluttir ávextir verið á tilboðsverði í verslunum.
Meira
HÉRAÐSDÓMUR Reykjavíkur sýknaði í gær Örn Johnsen og Magnús Víking Grímsson af ákærum um brot gegn flugreglum og loftferðalögum með því að raska öryggi flugvélar og farþega við snertilendingar á vatni. Mennirnir voru einnig sýknaðir af kröfu ákæruvaldsins um sviptingu flugleyfis.
Meira
Íslendingar! "Árið 1994 var ár fjölskyldunnar og því slegið upp með litríkum hætti. Fjölmörg dæmi mætti nefna varðandi umræður undanfarin ár hjá stjórnmálamönnumum þörf á breytingum til að bæta hag fjölskyldnanna í landinu. En það hafa bara verið orðin tóm. Langar mig að biðja Íslendinga að íhuga þetta mál. Mikið er talað um menningarmál á Íslandi og okkur sem menningarþjóð.
Meira
RÚSSNESKA sjónvarpið sýndi í gær myndir sem sagðar voru teknar fyrr um daginn á fundi Borísar Jeltsín Rússlandsforseta með aðstoðarmönnum hans, til að kveða niður orðróm um alvarleg veikindi Jeltsíns, sem fékk tvisvar hjartaáfall í fyrra. Forsetinn mætti ekki á fund með fulltrúum bænda í gærmorgun, sendi Víktor Tsjernomýrdín forsætisráðherra í staðinn.
Meira
Í SJÖTTU umferð opna skákmótsins í Kaupmannahöfn, sem tefld var í gær, gerði Jóhann Hjartarson jafntefli við enska stórmeistarann Speelman en Margeir Pétursson tapaði fyrir danska alþjóðlega meistaranum Sune Berg Hansen.
Meira
KJÓSENDUR í Rússlandi segjast í könnunum flestir ætla að fara á kjörstað í síðari umferð forsetakosninganna á miðvikudag en sérfræðingar benda á að margir svari meira af kurteisi en sannfæringu, margir Rússar séu haldnir miklum stjórnmálaleiða.
Meira
NÚ ER nýlokið við að gera upp kláfinn við bæinn Merki á Jökuldal. Kláfar eiga sér langa sögu á Jökulal og áður en jafn margar brýr og nú eru á Jökulsá á Dal voru kláfarnir aðal samgöngutæki þegar ferðast var yfir ána.
Meira
KOMPUDAGAR í Kolaportinu verða um helgina en svokallað kompudót er vinsæll varningur hjá gestum markaðstorgsins. Yfir tvö hundruð seljendur hafa bókað sölubása um helgina en auk seljenda kompudóts má nefna amerísk húsgögn, fatnað og gámasölu á keppnisreiðhjólum og ungbarnavörum.
Meira
RÍKISSJÓNVARPIÐ og Stöð 2 standa fyrir sameiginlegri kosningavöku í kvöld. Útsending hefst kl. 21.30 og dagskránni lýkur þegar úrslit liggja fyrir. Aðalþulir verða fréttastjórar sjónvarpsstöðvanna, Bogi Ágústsson og Elín Hirst. Búist er við að fyrstu tölur, a.m.k. frá Reykjavík og Reykjanesi, berist um kl.
Meira
FÉLAG stjórnmálafræðinga lýkur skipulegri umfjöllun sinni um embætti forseta Íslands með tveimur samkomum þessa helgi. Laugardagskvöldið 29. júní nk. verður kosningavaka félagsins haldin á efri hæð Sólons Íslandusar og stendur frá kl. 22 til 3.
Meira
MIKILL fjöldi barna tók þátt í opnunarhátíð Nóa-Síríus á Akureyri í gær, en fyrirtækið hóf nýlega starfsemi í húsnæði við Hvannavelli. Börnunum var boðið að bragða á sælgæti sem fyrirtækið framleiðir og þá voru leiktæki af ýmsu tagi á staðnum. Meðal þess sem framleitt er á Akureyri er hlaup, lakkrís, karamellur, Opal súkkulaði og súkkulaðihjúpaðar vörur.
Meira
FERÐASKRIFSTOFAN Samvinnuferðir Landsýn hefur um langt árabil haft á boðstólum sérstakar ferðir fyrir ferðamenn til fjarlægra heimshorna. Áfangastaðir þessara ferða hafa verið víða í Asíu, í Kína, Thailandi, Malasíu og Singapore, í Afríku, siglingar á Karíbahafi og sérhannaðar vandaðar hópferðir um helstu menningar- og söguslóðir í Evrópu.
Meira
ÞÝSKA útgerðarfyrirtækið Deutsche Fishfang Union, DFFU, dótturfyrirtæki Samherja hf., hefur tekið frystitogarann Akraberg á leigu og heldur togarinn til veiða í dag undir þýskum fána. Akraberg er í eigu útgerðarfyrirtækisins Framherja ltd., en fyrirtækið er í eigum Samherja og færeyskra aðila og hefur togarinn verið skráður í Færeyjum.
Meira
Reuter Létta skuldabyrði fátækra þjóða LEIÐTOGAR sjö helstu iðnríkja heims ákváðu á fundi sínum í Lyon í Frakklandi í gær að koma skuldsettum þróunarríkjum til hjálpar. Hvöttu þeir ríki sem aðild eiga að svonefndum Parísarklúbbi að létta enn frekar á greiðslubyrði lánanna.
Meira
LIFANDI tónlist er leikin öll kvöld vikunnar á veitingahúsinu Fógetanum. Á laugardagskvöld leikur hljómsveitin Spur og á sunnudags- og mánudagskvöld tekur trúbadorinn Siggi Guðjóns við. Jón Ingólfsson trúbador leikur þriðjudagskvöld og á miðvikudags- og fimmtudagskvöld leikur Tríóið sem samanstendur af Orra Harðar, Jóni Ingólfssyni og Ragga.
Meira
FJÓRÐUNGSMÓT sunnlenskra hestamanna fer fram dagana 3.-7. júlí nk. á Gaddstaðaflötum við Hellu. Að mótinu standa 16 hestamannafélög á Suðurlandi, en starfssvæði þeirra er frá Lómagnúpi í austri að Hvalfjarðarbotni í vestri.
Meira
GLERÁRPRESTAKALL: Guðsþjónusta verður á morgun, sunnudaginn 30.júní í Lögmannshlíðarkirkju kl. 21. Ath. breyttan tíma. Jón Ármann Gíslason guðfræðingur prédikar. HVÍTASUNNUKIRKJAN: Samkoma í umsjá ungs fólks kl. 20.30 í kvöld, föstudagskvöld. Kveðjusamkoma fyrir Esther og Róbert kl. 20. á sunnudag.
Meira
MIKIL eftirspurn er nú eftir leigukvóta enda kvóti að verða búinn í flestum tegundum nema ýsu og ufsa. Árni Guðnason hjá Kvótamarkaðnum segir mikið um að vera í smásölu núna og verð á þorski mjög hátt. Þá er Kvótamarkaðurinn að fara af stað með uppboð á þorskaflahámarki í krókakerfinu.
Meira
NÝJAR íslenskar kartöflur eru komnar á markaðinn. Er það heilum mánuði fyrr en venjulega. Nýju kartöflurnar eru meðal annars seldar í verslunum Nóatúns en þar var þessi mynd einmitt tekin í gærdag.
Meira
SAMGÖNGURÁÐUNEYTIÐ skipaði í gær í rannsóknarnefnd flugslysa, í samræmi við ný lög um rannsókn flugslysa. Formaður nefndarinnar er Skúli Jón Sigurðarson, sem jafnframt hefur fengið lausn frá starfi framkvæmdastjóra flugslysarannsóknadeildar Flugmálastjórnar, og varaformaður er Þorsteinn Þorsteinsson, flugvélaverkfræðingur. Formaður og varaformaður eru skipaðir í stöðurnar ótímabundið.
Meira
Í umræðum um auglýsingar, sem birzt hafa í Morgunblaðinu síðustu tvo daga um forsetaframboð Ólafs Ragnars Grímssonar hefur þess gætt, að nöfnum er ruglað saman. Einn þeirra sem stendur að auglýsingum þessum er Sigurður Helgason, fyrrverandi stjórnarformaður Flugleiða, sem áður var forstjóri Flugleiða.
Meira
OKTETTINN Ottó heldur tónleika í Akureyrarkirkju á morgun, sunnudag, kl. 20.30. Hann er skipaður þeim Sigurlaugu Eðvaldsdóttur og Margréti Kristjánsdóttur á fiðlu, Herdísi Jónsdóttur, víólu, Lovísu Fjeldsted á selló, Hávarði Tryggvasyni á kontrabassa, Kjartani Óskarssyni á klarinett, Rúnari Vilbergssyni á fagott og Emil Friðfinnssyni á horn.
Meira
HLUTFALL óákveðinna eykst í nýjustu skoðanakönnun Félagsvísindastofnunnar um afstöðu kjósenda til forsetaframbjóðenda. 26,9% svöruðu "veit ekki" þegar þeir voru spurðir um afstöðu til frambjóðenda, en þetta hlutfall var 21,3% í könnun sem gerð var um síðustu helgi.
Meira
ÓLAFUR Ragnar Grímsson fær 40,4% fylgi ef miðað er við þá sem afstöðu tóku í skoðanakönnun DV og Stöðvar 2 sem birt var í gær. Næstur kemur Pétur Kr. Hafstein með 29,6% fylgi, þá Guðrún Agnarsdóttir með 27,5% og loks Ástþór Magnússon með 2,5%. Fylgi Ólafs Ragnars er rúmum sex prósentustigum lægra en í síðustu könnun DV 20. júní en Guðrún Agnarsdóttir eykur við sig um átta prósentustig.
Meira
FYLGI Ólafs Ragnars Grímssonar í forsetakosningunum í dag er 39% samkvæmt skoðanakönnun Frjálsrar verslunar en fylgi Péturs Hafstein er 30%, Guðrúnar Agnarsdóttur 27% og Ástþórs Magnússonar 4%. Ekki er talinn marktækur munur á milli Péturs og Guðrúnar. Í könnuninni, sem gerð var að kvöldi sl. fimmtudags, náðist til 1.207 manns. 14% neituðu að svara, óvissir voru 15% og 4% vildu engan.
Meira
FRAMKVÆMDASTJÓRN Evrópusambandsins (ESB) sagði í gær að það væri ólöglegt ef Belgar settu bann við innflutningi fransks nautakjöts. Samtök frönskumælandi bænda í Belgíu, Alliance Agricole, skrifuðu Karel Pinxten, landbúnaðarráðherra Belgíu, bréf í gær og kröfðust þess að slíkt bann yrði sett og tæki þegar gildi.
Meira
KVIKMYNDAFYRIRTÆKIÐ Litla gula hænan er nú að ljúka tökum á barnakvikmynd sem gerð er eftir sögunni um Palla sem var einn í heiminum. Hún verður sýnd í norska sjónvarpinu, Ríkissjónvarpinu og í kvikmyndahúsum í Þýskalandi og víðar. Litla gula hænan er fyrirtæki Ásthildar Kjartansdóttur og er hún jafnframt leikstjóri myndarinnar.
Meira
FRAMLEIÐSLA á rababaravíni er í athugun hjá fyrirtækinu Engjaási ehf. í Borgarnesi. Framleiðsla vínsins er á umræðu- og tilraunastigi segir Indriði Albertsson framkvæmdastjóri Engjaáss ehf. Um er að ræða léttvín sem freyðir og á við flestan mat. Auglýst hefur verið eftir rababara sem fer í tilraunina og grauta sem fyrirtækið framleiðir. "Viðbrögð við auglýsingunni eru mjög góð.
Meira
FULLTRÚAR á úkraínska þinginu fagna formanni nefndar sem gegndi lykilhlutverki í því að koma saman fyrstu stjórnarskrá Úkraínu eftir að ríkið losnaði undan sovéskum yfirráðum. Þingfulltrúar samþykktu stjórnarskrána með yfirgnæfandi meirihluta í gær, eftir næturfund.
Meira
KONUR sem sitja kvennaráðstefnu hjálparsamtakanna "Zena 21" og "BOSFAM" í Sarajevo, minnast fórnarlamba stríðsins í Bosníu. Lögðu þær blóm á staðinn þar sem 16 manns voru myrtir er þeir biðu í röð eftir brauði árið 1992. Ráðstefnan sem konurnar sitja, er sú fyrsta sinnar tegundar sem haldin er í Bosníu- Herzegóvínu, og fjallar um stöðu konunnar þar í landi.
Meira
RANNSÓKNARLÖGREGLA ríkisins varar við manni, sem dreift hefur keðjubréfi í póstkassa fjölbýlishúsa í Reykjavík. Að sögn Harðar Jóhannessonar yfirlögrelguþjóns hjá RLR hefur maðurinn skrifað keðjubréf með nöfnum fólks sem viðtakandinn á að senda 500 krónur til.
Meira
BROTTFLUTNINGUR rússneska herliðsins frá Tsjetsjníju hófst í gær með mikilli viðhöfn, lúðrasveitir léku og yfirmenn viknuðu. Þess var vandlega gætt að fjölmiðlar, sem styðja nær allir Borís Jeltsín forseta í kosningabaráttunni, fjölluðu ítarlega um brottförina.
Meira
Á MIÐVIKUDAG hófst Kringlukast í Kringlunni. Margir hafa gert góð kaup þessa dagana á nýjum vörum með allt að 20-50% afslætti, að því er kemur fram í fréttatilkynningu. Kaupleikurinn "stóri afsláttur" nýtur vinsælda, en í honum er dregið fjórum sinnum á dag um einn þátttakanda, sem gefst kostur á að kaupa veglega vöru með miklum afslætti.
Meira
SÉRA Geir Waage var endurkjörinn formaður stjórnar Prestafélags Íslands á aðalfundi félagsins í gær. Séra Geir hlaut 59 atkvæði en dr. Gunnar Kristjánsson, sóknarprestur á Reynivöllum, sem bauð sig fram gegn sitjandi formanni, hlaut 55 atkvæði, séra Þorbjörn Hlynur Árnason 1 atkvæði og einn seðill var auður.
Meira
Aðalfundur Prestafélags Íslands samþykkti í gær stuðningsyfirlýsingu við séra Flóka Kristinsson, prest í Langholtssókn, með 26 atkvæðum gegn 6. Ómar Friðrikssonfylgdist með miklum og tilfinningaþrungnum umræðum um Langholtskirkjudeiluna á aðalfundinum.
Meira
AUNG San Suu Kyi, leiðtogi lýðræðissinna í Búrma, var í gær viðstödd útför Leo Nichols, konsúls Noregs í Rangoon, en hann lést í fangelsi sl. laugardag. Auk Suu Kyi var að minnsta kosti einn vestrænn sendiráðunautur við útförina, Jørgen Reimers, sendiherra Danmerkur í Tælandi og Búrma.
Meira
NÁMSKEIÐI Sumarlistaskólans á Akureyri lýkur með dagskrá í Gagnfræðaskólanum á Akureyri á sunnudag, 30. júní og hefst hún kl. 15. Um 20 börn hafa verið í Sumarlistaskólanum og sýna þau afrakstur starfsins, m.a. verða sýnd gifs- og leirverk nemenda, þá verða leiklistaratriði og fluttur frumsaminn dans.
Meira
SÍÐASTA sýningarhelgi sýningarinnar "Erótík" er í Deiglunni, en sýningunni lýkur 3. júlí næstkomandi. Á sýningunni eiga verk þeir Bragi Ásgeirsson, Gunnar Örn Gunnarsson, Helgi Þorgils Friðjónsson, Magnús Kjartansson, Samúel Jóhannsson og Þórður Valdimarsson. Opið er frá kl. 14 til 18 alla daga nema mánudag.
Meira
SÖNGVÖKUR í Minjasafnskirkjunni hefjast næstkomandi þriðjudagskvöld, 2. júlí kl. 21. Þetta er þriðja sumarið sem boðið er upp á þessa dagskrá í kirkjunni, en hún er hugsuð fyrir bæjarbúa sem og innlenda og erlenda ferðamenn. Söngvökurnar verða á þriðjudags- og fimmtudagskvöldum frá 2. júlí til 20. ágúst.
Meira
Á SEXTÁN daga tímabili í júnímánuði urðu fimm sjóslys. Eins manns er saknað úr þessum sjóslysum. Gott veður var er öll þessi slys urðu. Sunnudaginn 9. júní lagðist Flosi ÍS á hliðina og komst sjór í lestar hans þegar verið var að dæla síld í skipið. Mannbjörg varð. Sæborg GK 457 frá Grindavík fórst 15.
Meira
SÉRA Halldór Gunnarsson frá Holti sagði á Prestastefnu í fyrradag, samkvæmt heimildum Morgunblaðsins, að honum hefði fyrir mörgum árum verið greint frá samskiptum tiltekinnar konu og herra Ólafs Skúlasonar biskups Íslands, sem eru rótin að svonefndu biskupsmáli, allt frá árinu 1980. Séra Halldór kveðst trúa vitnisburði Sigrúnar Pálínu.
Meira
TVEIR menn sluppu ómeiddir eftir að eins hreyfils tveggja sæta flugvél af gerðinni Cessna 152 í eigu Flugtaks hlekktist á í nauðlendingu í Geldinganesi skömmu fyrir kl. hálfátta í gærkvöldi.
Meira
LIÐLEGA 2.000 manns höfðu kosið utan kjörfundar í Ármúlaskólanum í Reykjavík um klukkan 20.30 í gærkvöldi og var enn töluverður straumur fólks í skólann. Mikil örtröð var í gærmorgun og aftur síðdegis og var þá allt að hálftíma bið, en að sögn Adolfs Adolfssonar, fulltrúa sýslumanns, gekk kosningin þó vel.
Meira
KJÖRFUNDUR vegna kosninga til embættis forseta Íslands hefst klukkan 9 í dag og lýkur kjörfundi klukkan 22. Á kjörskrá vegna forsetakosninganna eru 194.784 kjósendur. Kjósendur á kjörskrárstofni nú sem höfðu ekki kosningarétt vegna aldurs 1980 eru 76.781, eða 39% kjósenda. Í fámennum sveitahreppum stendur kjörfundur víða skemur.
Meira
Fyrir nokkru varð umferðaróhapp á blindhæð þar sem vegur er ekki skiptur. Mættust vörubíll og fólksbíll og fór vörubifreiðin út í kant sem gaf sig með þeim afleiðingum að bíllinn fór á hliðina út í skurð.
Meira
KOSNINGASKRIFSTOFUR forsetaframbjóðendanna munu veita kjósendum alla þá þjónustu sem við verður komið í dag, en þar verða m.a. veittar upplýsingar varðandi kosningarnar og þeir sem þess óska geta fengið akstur á kjörstað. Kosningavökur verða á vegum allra framboðanna í kvöld og standa þær eitthvað fram eftir nóttu.
Meira
SÖNGFLOKKURINN "Fire on the Mountain" frá Brigham Young- háskólanum í Provo, Utah, Bandaríkjunum, kemur til Íslands í byrjun júlí og heldur hér tvenna tónleika. Hann verður einnig fulltrúi Bandaríkjanna á CIOFF-þjóðlagahátíð sem haldin verður í júlí í Brunssum í Hollandi og kemur þar fram ásamt listafólki frá 63 löndum.
Meira
VINNSLA hefur legið niðri hjá rækjuverksmiðjunni Rit hf. á Ísafirði frá því á miðvikudag. Á milli 30 og 40 heilsdagsstörf eru hjá fyrirtækinu. Ekki liggur fyrir hvenær vinna hefst aftur. Rækjuverksmiðjan Ritur hf. hefur tekið þátt í viðræðum um sameiningu fimm sjávarútvegsfyrirtækja á Ísafirði og Þingeyri.
Meira
BISKUP Íslands, herra Ólafur Skúlason, vígir sunnudaginn 30. júní Guðjón Skarphéðinsson, guðfræðing, til Staðastaðaprestakalls í Snfællsness- og Dalaprófatsdæmi. Athöfnin fer fram í Dómkirkjunni. Vígsluvottar eru Ingiberg J. Hannesson, prófastur, sem lýsir vígslu, sr. Gísli Kolbeins, fyrrum sóknarprestur, sr. Jón Bjarman, sjúkrahúsprestur, sr. Lárus Þ.
Meira
MORGUNBLAÐINU hefur borist eftirfarandi yfirlýsing frá Pétri Hafstein: "NÚ í tvo daga samfellt hafa birst auglýsingar í Morgunblaðinu um feril Ólafs Ragnars Grímssonar. Vegna þessa vil ég árétta að auglýsingar þessar eru framboði mínu alls óviðkomandi og ekki á þess vegum. Ég hef ávallt lagt fyrir stuðningsmenn mína að sýna drengskap og heiðarleika í kosningabaráttunni.
Meira
INTERNET á Íslandi hf.-INTIS rekur eitt fyrirtækja hérlendis alnets-sambandið til útlanda, en síðan kaupa þjónustuaðilar af þeim tengingu, svipað og sambandi heildsala og smásala er háttað. Til þessa hafa þjónustuaðilar greitt fast áskriftargjald miðað við bandbreidd, auk 150 króna fyrir utan virðisaukaskatt á hvern notenda til viðbótar.
Meira
FLESTIR sem til máls tóku voru andvígir því að æviráðning presta væri afnumin en virtust sjá þá leið færa að myndað yrði embættisveitingakerfi sem skipaði menn til þjónustu innan kirkjunnar almennt. Prestar yrðu æviráðnir hjá kirkjunni en skipaðir tímabundið af sóknarnefndum. Með þessu móti gæti orðið hreyfing á prestum milli sókna.
Meira
? rá?stefnu sem n?lega var haldin undir ndir yfirskriftinni Ferðaþjónusta í sátt við umhverfiðRoger Crofts, aðalframkvæmdastjóri Skosku umhverfisstofnunarinnar. Minnti hann á að laga ætti ferðamennsku að umhverfinu en ekki öfugt því ella myndi umhverfið bíða óbætanlegt tjón. Þessu markmiði yrði að ná með sjálfbærri þróun þar sem eiginleikar umhverfisins yrðu ávallt hafðir í fyrirrúmi.
Meira
MYNDAVÍXL urðu í greinum Arnljóts Bjarka Bergssonar og Aðalheiðar Birgisdóttur í forsetakjörsgreinum í blaðinu í gær. Morgunblaðið biðst velvirðingar á mistökunum. Arnljótur Bjarki Bergsson Aðalheiður
Meira
Leiðari VELDUR HVER Á HELDUR JÓÐIN gengur til kosninga í dag, 29. júní, til að velja fimmta forseta lýðveldisins; sama mánaðardag og fyrir sextán árum, er fráfarandi forseti, frú Vigdís Finnbogadóttir, var fyrst kjörin árið 1980. Forseti gegnir veigamiklu hlutverki í stjórnskipan okkar, þótt völd hans séu takmörkuð.
Meira
"ÍSLENZKA þjóðkirkjan hefur verið umburðarlynd og verið rekin í anda frjálslyndra viðhorfa," segir Tíminn í leiðara í fyrradag. Í forystugrein DV sama dag segir á hinn bóginn að "þjóðkirkjan hneigist að breytingu úr safnaðarkirkju í kennimannakirkju". Athvarf fólks
Meira
SÖNGVARINN Sting og eiginkona hans, Trudie Styler, voru viðstödd frumsýningu myndarinnar "The Grotesque" nýverið. Eftir að hafa barið myndina augum fóru þau í teiti í West End ásamt öðru frægu fólki, en teitið var haldið til að safna fé í styrktarsjóð Eltons Johns fyrir eyðnismitaða. UPPÁKLÆDD á frumsýningu.
Meira
HIÐ ómögulega hefur gerst. Van Halen hefur hafið samstarf við upphaflega söngvara hljómsveitarinnar, David Lee Roth, en samstarfi þeirra lauk fyrir tíu árum á heldur óskemmtilegum nótum. Talsmaður sveitarinnar segir að Roth sé að vinna með hljómsveitinni að upptökum sem muni fylgja útgáfu "Greatest Hits"- plötupakka sem kemur í verslanir í október.
Meira
ÞEGAR kynbomban úr Strandvörðum, Pamela Anderson, kynntist rokkaranum Tommy Lee úr Mötley Crue, datt engum í hug að sambandið yrði langvinnt. En Pamela segir að fljótlega eftir að þau kynntust hafi þau hugsað um að eignast fjölskyldu. Og nú hafa þau eignast soninn Brandon Lee, sem fæddist 5. júní sl.
Meira
eftir Ingibjörgu Möller og Fríðu Sigurðardóttur Vaka-Helgafell, 1996 -128 s. Íslensku barnabókaverðlaunin 1996. ÍSLENSKU barnabókaverðlaunin eru orðinn árviss viðburður, rétt eins og koma kríunnar. Um sumarmál ár hvert er tilkynnt hvaða höfundur eða höfundar hafi hlotið þessi eftirsóttu verðlaun og um leið kemur verðlaunabókin út.
Meira
SAMI leyniþjónustumaðurinn og þjálfaði Clint Eastwood fyrir hlutverk sitt í "In the Line of Fire" þjálfar nú Scott Glenn fyrir myndina "Absolute Power". Þar leikur Glenn leyniþjónustumann sem sér um vernd fyrir forsetann sem leikinn er af Gene Hackman. Clint Eastwood framleiðir og leikstýrir auk þess að koma fram í myndinni.
Meira
Á HÉRAÐSÞINGI Héraðssambandsins Hrafna-Flóka, sem haldið var fyrir skömmu, var m.a. valinn íþróttamaður ársins 1995. Birna Hannesdóttir ÍFB varð fyrir valinu en hún er efnileg frjálsíþróttakona og vann til margra afreka síðastliðið ár. Veittar voru viðurkenningar þeim aðilum sem þóttu standa sig best í þeim íþróttagreinum sem stundaðar eru innan HHF.
Meira
SAMTÖKIN 78 efndu til miðnæturmessu í Fríkirkjunni í Reykjavík aðfararnótt 27. júní af tilefni nýrra laga um staðfesta samvist. Trúarhópur innan samtakanna skipulagði messuna og hófst athöfnin kl. 22.30 og lauk kl. 1 um nóttina. Félagar í samtökunum fluttu ritningarorð og guðfræðingur í samtökunum talaði.
Meira
HJARTAKNÚSARINN með gráa hárið, Richard Gere, hefur sést undanfarið með fyrrum Bondstúlku, Carey Lowell. Sáust þau fyrst saman á Bob Dylan tónleikum og hafa verið óaðskiljanleg síðan. Lowell lék í Bondmyndinni Licence to Kill árið 1989.
Meira
BRUCE Dern og fyrrverandi kona hans, Diane Ladd, ásamt dótturinni Lauru Dern eru sameinuð fjölskylda á ný - en aðeins á hvíta tjaldinu. Þau munu öll leika í myndinni "Mrs. Munck" sem Diane Ladd skrifaði handritið að. Auk skriftanna leikstýrir Ladd og er það frumraun hennar á því sviði.
Meira
Efta! breiðskífa Risaeðlunnar. Á plötunni skipa Risaeðluna þau Margrét Kristín Blöndal söngkona og fiðluleikari, Ívar Ragnarsson bassaleikari, Sigurður Guðmundsson gítarleikari, Þórarinn Kristjánsson trommuleikari, Hreinn Stephensen gítar- og harmonikkuleikari og Halldóra Geirharðsdóttir söngkona og saxófónleikari. Upptöku stýrði Ívar Ragnarsson. Lög eru eftir hljómsveitarmeðlimi.
Meira
GÓÐ aðsókn var á sögusýningu MR, sem lauk sl. sunnudag enda margir, sem vildu nýta tækifærið til að draga aftur að sér andrúmsloft skólans. Skarphéðingar voru þar á meðal en þeir urðu stúdentar árið 1964 eftir árlanga setu í Z. Skarphéðingar kenna sig við sinn gamla lærimeistara, Skarphéðin Pálmason menntaskólakennara, sem langa vetrardaga mataði þá á stærðfræði- og eðlisfræðiformúlum.
Meira
Í berjamó, breiðskífa hljómsveitarinnar Reggae on Ice. Hljómsveitina skipa Matthías Matthíasson söngvari, Stefán Örn Gunnlaugsson hljómborðsleikari, Viktor Steinarsson, gítarleikari, Ingimundur Óskarsson bassaleikari og Hannes Pétursson trommuleikari. Lög eftir ýmsa höfunda, erlenda sem innlenda, en fjögur lög semja liðsmenn sveitarinnar. Hljómsveitin gefur út, Japís dreifir. 42,14 mín., 1.999 kr.
Meira
ÞAÐ MUN víst koma fáum á óvart að leikarinn John Malkovich skuli ætla að taka að sér hlutverk illmennis í næstu mynd sinni, því einhvern veginn er það svo að bíógestir eru farnir að fá hroll þegar þeir sjá ísmeygilegt andlit hans birtast á hvíta tjaldinu.
Meira
STOPPLEIKHÓPURINN og Umferðarráð, í samvinnu við Reykjavíkurborg, Íslandsbanka, Toyota-umboðið og Sjóvá/Almennar eru að fara af stað með umferðarþætti í sjónvarpsstöðvunum um þessar mundir. Um þrjú stutt umferðarleikrit er að ræða og verða þau sýnd á ýmsum tímum. Þættirnir, sem heita Stopp, eru leiknir og fjalla um Sindra, Signýju og Grjóna, þrjá 9-10 ára krakka.
Meira
NÚNA ári eftir kynlífshneyksli breska leikarans Hugh Grants virðist gæfan brosa við honum. Þó er ekki líklegt að hann hafi haldið upp á ársafmæli samskipta sinna við vændiskonuna Divine Brown, en sú hefur heldur betur gert sér mat úr samskiptum sínum við leikarann, t.d. með gerð myndbands sem nefnist "Doc-Hugh-Drama" og þarf ekkert að fara nánar út í hvað sýnt er í téðu myndbandi.
Meira
Ekki dugir ófreistað, fyrsti geisladiskur hljómsveitarinnar Þusls úr Keflavík. Hljómsveitina skipa Arnór Brynjar Vilbergsson orgel og hljómborðsleikari, Bjarni Rafn Garðarsson trommuleikari, Guðmundur Freyr Vagnsson bassaleikari, Guðmundur Kristinn Jónsson gítarleikari og Ólafur Freyr Númason söngvari.
Meira
EFTIR ábendingu frá vinkonu minni, sem sótt hafði hverfisfund með Ólafi Ragnari Grímssyni og Guðrúnu Katrínu Þorbergsdóttur, gerði ég mér ferð á fund þeirra í Árseli fyrir skömmu. Það var einkar ánægjuleg stund og ljóst öllum viðstöddum að þar fara glæsileg hjón sem yrðu landi og þjóð til sóma á Bessastöðum. Framganga Guðrúnar Katrínar vakti ekki síst athygli mína.
Meira
MENN rita greinar í ákveðnum tilgangi. Undanfarið hefur birst fjöldi greina um frambjóðendur til embættis forseta Íslands. Tíunduð hafa verið verk þeirra og starfsfortíð. Í þessari umfjöllun hefur einn frambjóðandinn haft sérstöðu, sem er Ólafur Ragnar Grímsson, en starfsfortíð hans og starfsferill er þess eðlis að mörgum þykir orka nokkuð tvímælis, svo vægt sé til orða tekið.
Meira
ÞAÐ HEFUR vakið hjá mér blendnar tilfinningar að fylgjast með kosningabaráttu forsetaframbjóðendanna undanfarið. Það sem stendur upp úr er annars vegar heillandi málflutningur Guðrúnar Agnarsdóttur og hins vegar sá neikvæði málflutningur sem kemur fram hjá stuðningsmönnum Ólafs Ragnars Grímssonar og Péturs Hafstein, þ.e.
Meira
NÚ STENDUR sem hæst barátta milli þeirra sem hafa slegið eign sinni á landið og sjóinn - og okkar hinna sem fátt eigum nema það sem við öflum dag frá degi. Þessi barátta er um æðsta embætti þjóðarinnar, sem hinir vammlausu vilja að við hin trúum að sé gjörsamlega valdalaust. En valdalaust er það ekki.
Meira
NÚGILDANDI lög um forsetakjör veita kjósendum aðeins eitt tækifæri til þess að greiða atkvæði sitt. Ekki er boðið upp á að kjósa aftur á milli tveggja efstu frambjóðenda. úrslit kosninga eru endanleg og þess er því miður ekki krafist að forseti fái meirihluta atkvæða. Fyrirkomulag þetta gerir þannig beinlínis ráð fyrir því að valið sé á milli þeirra sem líklegastir eru til að ná kjöri - þ.e.a.s.
Meira
NÚ GET ég bara ekki orða bundist lengur. Ætlar fólk virkilega að láta Ólaf Ragnar plata sig algjörlega upp úr skónum? Og hvaða fólk er þetta eiginlega sem ætlar að kjósa hann? Það fólk hlýtur að vera óskaplega fljótt að gleyma eða þá veit bara ekki betur.
Meira
ÞAÐ hefur væntanlega ekki farið fram hjá landsmönnum sú fordæmislausa ófrægingarherferð sem farin hefur verið gegn framboði Ólafs Ragnars Grímssonar til embættis forseta Íslands. Þó tók steininn úr, þegar þrjár auglýsingar birtust í Morgunblaðinu fimmtudaginn 27. júní. Þessar auglýsingar eru þvílíkur viðbjóður, að engin fordæmi eru í Íslandssögunni sem gætu nálgast annan eins málflutning.
Meira
HVAÐ er að í landi þar sem báðir foreldrar þurfa að vinna úti frá ungum börnum sínum til þess að endar nái saman. Ef barnafjöldinn fer yfir tvö börn þarf annað foreldrið að vinna heima og hitt foreldrið þarf að vinna sleitulaust utan heimilis og ekkert sér á skuldahalanum.
Meira
VERSTA skammaryrði virðist vera að vera tengdur eða tengd Sjálfstæðisflokknum í þessum kosningum. Vinstri menn geta alltaf staðið seman en hægri menn ekki. Hægri menn hafa enga málsvara hjá fjölmiðlum. Má forseti Íslands taka afstöðu til eins frambjóðandans? Sjálfstæðismenn, kjósum allir sem einn Pétur á Bessastaði. JÓHANNA JÓNSDÓTTIR, Stóragerði 11, Reykjavík.
Meira
"Megum við fá meira að heyra?" um máttlaust níð sem ekki gagnar. Getið þið ekki fundið fleira fáránlegt um Ólaf Ragnar? Einar Oddur lýsti yfir stuðningi við Pétur Hafstein, einn fárra þingmanna: Flateyrarjarlinn er kominn á kreik og kýs að standa með Pétri.
Meira
NÚ ER komið að lokum kynningar á forsetaframbjóðendum. Nú er það okkar að velja forsetann. Það er vandamál. Og þó. Mér finnst Ólafur Ragnar Grímsson ekki rétti maðurinn, vegna þess að hann kemur beint úr stjórnmálaþrasinu á Alþingi. Ég var reyndar undrandi á framboði hans. Hann var skörungur á Alþingi. Mér finnst að hann eigi að vera kjur á þeim stað.
Meira
Í VETUR sem leið, á myrkum laugardagskvöldum (og raunar stundum áður), birtist á ríkissjónvarpsskjánum teiknimyndaröð sem sameinaði fjölskylduna mína. Simpson-fjölskyldan frá Vorakri varð skyndilega hluti okkar og fjölskyldan stækkaði mjög. Þetta var alvörufjölskylda með fjölmörgum kostum og nokkrum (lítilvægum?/ofgerðum?) göllum.
Meira
ALDREI hef ég heyrt annað eins og það að konur séu búnar að vera á Bessastöðum og þess vegna eigi að koma karl. Þá á að segja þessum þvættingi stríð á hendur. Nú þegar Guðrún Pétursdóttir hefur ákveðið að hætta við framboð sitt og það á sjálfan baráttudag kvenna er ekki nokkur leið að sitja þegjandi undir þessu tali. Vigdís Finnbogadóttir hefur setið á Bessastöðum í 16 ár.
Meira
ÞETTA er Hugleiðing til "Óháðu" félaganna Sigurðar Helgasonar, Björgólfs Guðmundssonar og Ómars Kristjánssonar annarsvegar og þeirra 50 félaga sem Árni Árnason hefur á bak við sig og kalla sig "Í guðs bænum ekki..." Eitt merkilegasta lögmál lífsins er sú staðreynd að hatur bitnar á engum meira en þeim sem hatar, hefndin bítur engan sárar en þann sem hefnir sín.
Meira
KJÖR forseta Íslands, æðsta manns lýðveldisins, stendur fyrir dyrum. Almenningur skoðar hug sinn til einstakra framboða. Ekki er það nema sjálfsagður hlutur, hér er um að ræða æðsta embættið og fólk vill geta litið með stolti til þess og forseta síns, þar sem embætti hans fylgja bæði völd og virðing, en umfram allt er hér um heillatákn þjóðarinnar að ræða.
Meira
FERÐALÖG Ólafs Ragnars Grímssonar á friðarfundi um allan heim, sem hann þreytist svo seint á að lýsa fyrir alþjóð, hljóta að hafa kostað mikla peninga. Venjulegir launþegar sem eiga þess sjaldan kost að ferðast út um heim eiga erfitt með að skilja hvaðan allur farareyririnn hefur borist Ólafi Ragnari. Hann var lengstum óbreyttur þingmaður.
Meira
Í LJÓSI þeirrar umræðu sem hefur átt sér stað undanfarið, um jafnrétti kynjanna með vísun til forsetaembættis, langar okkur til að koma eftirfarandi á framfæri. Við erum þrítug, fjögurra barna foreldrar. Við reynum að spjara okkur sem hjón, foreldrar og úti á vinnumarkaði.
Meira
UM FÁTT er meira talað þessa dagana en væntanlegar forsetakosningar og um það hver verði kjörin og hvers vegna. Mikið er rætt um valdsvið, umgjörð og ábyrgðarhlutverk forsetaembættisins en minna hefur farið fyrir umræðu um þá ábyrgð og þær siðferðisskyldur sem okkur kjósendum eru lagðar á herðar.
Meira
ÉG VERÐ að segja að mér brá óneitanlega í brún, eins og e.t.v. fleirum, er ég las Morgunblaðið í fyrradag, 27. þ.m., og sá tvær heilsíðu auglýsingar, en texti þeirra einkenndist af skítkasti í garð eins forsetaframbjóðandans, Ólafs Ragnars Grímssonar. Ég hafði nýlokið lestri úr tuttugu og fjögurra stunda bókinni minni, en þar segir svo.
Meira
Kjósum Guðrúnu Agnarsdóttur, málsvara mannréttinda MEÐ HVERJUM nýjum kosningum eykst máttur auglýsinga. Þær eru að vissu marki tákn um markaðsvæðingu þjóðfélags okkar.
Meira
Kjósum Guðrúnu Elsu E. Guðjónsson: ÍSLENDINGAR, karlar sem konur. Látum ekki flokkadrætti villa okkur sýn við forsetakosningarnar. Kjósum forseta sem ber hag þjóðarinnar allrar fyrir brjósti, sem vill stuðla að aukinni menntun, heilbrigði og bættum lífskjörum í landinu.
Meira
Kjósum Ólaf... í eitthvað annað Snorra G. Bergssyni: VERÐUR hægt að sameinast um Ólaf Ragnar Grímsson? Hvaða afstöðu tekur sá helmingur þjóðarinnar sem þolir hvorki manninn né framkomu hans? Mun sá helmingur gleyma blóðugum ferli Ólafs eða sameinast um að brosa gegn eigin sannfæringu? Ólafur R
Meira
BARÁTTAN fyrir forsetakosningarnar virðist vera farin að stjórnast af einhverju allt öðru en því hvern fólk telur vera besta frambjóðandann. Kosningar sem einkennast af slíku eru ekkert annað en skrípaleikur. Sá sem lætur skoðanakannanir eða álit annarra hafa áhrif á það hvað hann kýs er að selja sannfæringu sína. Slíkur maður getur varla haft mikla sjálfsvirðingu.
Meira
Kristinn forseta ÉG ER ein af þeim sem höfðu hugsað sér að styðja Ólaf Ragnar í komandi kosningum, þó ég hafi aldrei aðhyllst hans stefnu. Sem betur fer rifjuðust upp fyrir mér orð hans og athæfi sl. ára og hvað ég hef alla tíð átt bágt með að þola hann og var því fljót að skipta um skoðun.
Meira
VEGNA þessara tímamóta hjá félaginu langar mig fyrst að líta aðeins um farinn veg og íhuga hvernig félaginu hafi tekist til á þessum tíu árum sem það hefur starfað. Starf Lagnafélags Íslands Eins og eðlilegt er fóru fyrstu árin í að móta einhverja fasta stefnu hjá félaginu.
Meira
Loforðin á Ingólfstorgi Sindra Sæmundssyni: UNDIRRITAÐUR er einn fjölmargra í hópi ungs fólks á fundi forsetaframbjóðenda á Ingólfstorgi sl. sunnudag. Við yngra fólkið í landinu erum mjög áhugasöm um þessar kosningar og það sýndi sig best á því hvað margir mættu á þennan fund. Ungt fólk er ekki neinir bjánar.
Meira
Í DAG er kosningadagur til þess að velja forseta Íslands, síðasti dagur til þess að taka þá ákvörðun hver verði næsti þjóðhöfðingi okkar. Forsetakjör er ein af mikilvægustu ákvörðunum þjóðarinnar og það er okkur því mjög mikilvægt að velja rétt. Í mínum huga er enginn vafi á um að Pétur og Inga Ásta verða þjóðinni glæsilegir fulltrúar, bæði innanlands sem utan. Pétur Kr.
Meira
ÓLAFUR Ragnar Grímsson, þingmaður Alþýðubandalagsins og forsetaframbjóðandi, hefur á sínum pólitíska ferli beitt þeirri aðferð að ráðast á þá sem honum hefur þótt liggja vel við höggi til að skapa sér vinsældir og koma sér áfram. Þetta á bæði við um fyrirtæki og einstaklinga.
Meira
DAGURINN í dag er stór dagur fyrir alla Íslendinga. Í dag munu vonandi sem allra flestir kosningabærir menn ganga inn í kjörklefa og greiða þeim frambjóðanda atkvæði sem þeir treysta best. Hvert atkvæði skiptir máli.
Meira
Pétur á Bessastaði Jóni Bergsteinssyni: ÍSLENDINGAR eru að fara að kjósa sér forseta. Þá er öllum ljóst, að við þurfum á góðum manni að halda, vökumanni til að líta til með okkur einstaklingunum í önn daganna.
Meira
Réttlætið ráði Jennýju Á. Magnúsdóttur: Í LJÓSI þróunar þessarar kosningabaráttu, hversu pólitísk hún er orðin, er það ekki réttlætismál að kosið verði tvisvar? Fólk virðist skiptast í tvær andstæðar fylkingar og hætt er við að a.m.k. helmingur þjóðarinnar verði mjög óánægður með úrslit kosninganna.
Meira
VIÐ ÍSLENDINGAR höfum borið til þess gæfu, að velja einstaklinga til forseta sem þjóðin öll, einnig þeir sem kusu aðra frambjóðendur, hefur átt auðvelt með að sætta sig við. Jafnvel í því tilviki þegar kosinn var stjórnmálamaður var það ekki einstaklingur sem stórum hluta þjóðarinnar fannst óbærilegt að hafa sem forseta.
Meira
Í OKTÓBER 1987 þingaði indverski kommúnistinn Romesh Chandra, forseti Heimsfriðarráðsins hérlendis, um almenningsálitið í heiminum og afvopnunarmál ásamt þeim Ólafi Ragnari Grímssyni, séra Gunnari Kristjánssyni og Steingrími Hermannssyni. Fundinn sátu einnig erlendir menn frá 17 löndum í Evrópu, Norður og Suður- Ameríku, Asíu og Afríku og íslenskt friðarhreyfingafólk.
Meira
Sérhver þekkist af sínum verkum VIÐ sitjum og horfum á umræðuþátt í sjónvarpinu þar sem forsetaframbjóðendurnir svara spurningum og miðla sínum boðskap til áhorfenda. Við sitjum róleg. Allt í einu hríslast hrollur niður eftir baki okkar beggja. Þetta gerðist þegar Ólafur Grímsson byrjaði að tala.
Meira
SÍÐASTLIÐNA daga hefur nokkuð borið á ávirðingum í garð Ólafs Ragnars Grímssonar. Víst er um það, að af nógu er að taka þegar Ólafur Ragnar er annars vegar, enda er hann maður með fortíð og hana misfallega, svo vægt sé til orða tekið.
Meira
Sparkað í framsóknarmenn Gísla Baldurssyni: ÓLAFUR Ragnar Grímsson forsetaframbjóðandi og þingmaður Alþýðubandalagsins og óháðra hefur sagt frá því hve hann sé undrandi og glaður yfir stuðningi margra framsóknarmanna við sig í þessum kosningum.
Meira
Stuðningsyfirlýsing Ásgeiri Vali Eggertssyni: LANDSMENN góðir. Liðsmönnum Birtu er annt um börnin sín, þeir óska þeim friðar og birturíkrar framtíðar í kærleika og lýsa hér með stuðningi við Ástþór Magnússon forsetaframbjóðanda, og að öðrum forsetaframbjóðendum ólöstuðum.
Meira
SAMSTARFSAÐILAR okkar í Brasilíu sýndu okkur að verkefnin sem lagt var upp með hafa öll gengið samkvæmt áætlun. Þau miða flest að stuðningi við menntun barna og unglinga, að forða þeim frá því að verða götubörn og gefa þeim tækifæri til að fá störf og brjótast út úr fátækt.
Meira
Styðjum Guðrúnu til sigurs Berghildi Erlu Bernharðsdóttur: NÚ ER komið að því að við Íslendingar kjósum okkur forseta, sem er eini þjóðkjörni fulltrúi okkar. Kosningabaráttan hefur verið hörð og á tíðum óvægin, enda takast hér á andstæð öfl í þjóðfélaginu.
Meira
GREIN þessi er framhald af fyrri grein um fjármagnsflutningana miklu með okurvöxtum og sjálfdæmdum innheimtugjöldum frá þeim skuldugu til hinna ríkari sem greiða engan skatt af þessum tekjum sínum en draga gjarnan frá tekjunum vaxta- og fjármagnskostnað, nokkuð sem hinir fátækari fá ekki að gera.
Meira
FYRRVERANDI formaður Alþýðubandalagsins, Ólafur Ragnar Grímsson, er stjórnmálamaður sem hefur einskis svifist til að koma sér áfram og koma höggi á andstæðinga sína. Hann hefur jafnframt hyglað vinum sínum mjög á kostnað almennings. Ágætt dæmi um þetta er meðferð hans á máli útgáfufyrirtækisins Svarts á hvítu annars vegar og Þýzk-íslenzka hins vegar þegar hann var fjármálaráðherra.
Meira
UNDARLEGUR er andskotinn! Þannig tók oft til orða, frænka mín ein gömul, þegar henni blöskraði stundum athafnir samferðamanna sinna. Þessi upphrópun hennar finnst mér vel við eiga, þegar haft er í huga framboð Ólafs Ragnars til forsetaembættisins.
Meira
FYRSTA lýsingin sem ég heyrði á Ólafi Ragnari Grímssyni var frá sameiginlegum vini okkar Ólafs Ragnars. Þeir höfðu tengst vináttuböndum sem aldrei rofnuðu þótt margt bæri síðar á milli í stjórnmálum. Ólafur Ragnar Grímsson var þá í námi í stjórnmálavísindum í Bretlandi, og var að vissu leyti eins og óskrifað blað.
Meira
KÆRU kjósendur. Íhugum vandlega val okkar á næsta forseta landsins. Pétur Hafstein er maður með vammlausa fortíið. Hann er okkar besti kostur, heiðarlegur, traustur, hreinn og beinn í framkomu. Atkvæði þitt, kjósandi góður, skiptir miklu máli. Sameinumst um Pétur Hafstein og Ingu Ástu á Bessastaði. ÁSTA HÁVARÐARDÓTTIR, Blikanesi 19, Garðabæ.
Meira
Í DAG göngum við Íslendingar til forsetakosninga. Hvert atkvæði skiptir máli, því það skiptir miklu máli hver gegnir embætti forseta Íslands. Góður forseti sameinar þjóðina, er henni fyrirmynd og er málsvari íslenskra hagsmuna heima og heiman.
Meira
HR. ÁSTÞÓR Magnússon! Ég undirritaður vil hér með lýsa yfir stuðningi mínum við þig sem forsetaframbjóðanda í komandi forsetakosningum. Ástæðum þess að ég vil gera það á þennan máta verður hér á eftir lýst. Svo ég byrji nú á byrjuninni þá var það eins og hálfs árs sonur minn, Kolbeinn, sem fyrst veitti þér athygli á heimili mínu. Af hverju er mér að fullu dulið.
Meira
MORGUNBLAÐINU hefur borist eftirfarandi yfirlýsing: Svo sem fram hefur komið í Morgunblaðinu erum við undirritaðir í fyrirsvari fyrir hóp manna sem hafa kosið að kalla sig óháða áhugamenn um forsetakjör 1996.
Meira
KJÓSENDUR eiga um góða kosti að velja í forsetakosningunum í dag. Guðrún Agnarsdóttir hefur hvarvetna getið sér gott orð, jafnt á þingi sem annars staðar. Pétur Kr. Hafstein er vammlaust prúðmenni, sem ég ber persónulega hlýjar tilfinningar til. Ólafur Ragnar Grímsson er annálaður skörungur með glæsilegan feril að baki jafnt heima sem erlendis.
Meira
Örlítið innlegg í forsetaumræðuna Önnu Laufeyju Sigurðardóttur: MIG langar til að benda á nokkur atriði sem aftur og aftur koma upp í huga minn þegar talað er um forsetakjörið sem framundan er. Það vill svo til að ég þekki til Péturs, Ingu Ástu og drengjanna þeirra.
Meira
Þó ljóst væri að mágur okkar Árni Arngrímsson ætti ekki langt líf fyrir hönd vegna þrálátra undangenginna veikinda kom andlát hans okkur samt á óvart. Á kveðjustund er margs að minnast ekki síst þar sem kynnin hafa verið löng og farsæl eins og var milli Árna og fjölskyldna okkar alla tíð.
Meira
ÁRNI ARNGRÍMSSON Árni Arngrímsson var fæddur á Dalvík 29. febrúar 1920. Hann lést á Fjórðungssjúkrahúsinu á Akureyri 17. júní síðastliðinn. Foreldrar hans voru hjónin Arngrímur Jóhannesson frá Ytra-Holti í Svarfaðardal, smiður á Dalvík, f. 11.3. 1886, d. 20.3. 1982, og Jórunn Antonsdóttir frá Hamri í Svarfaðardal, f. 26.12.
Meira
Sagt hefur verið að þeim mun dýpra sem sorgin ristir hjartað, þeim mun meiri gleði hafi það geymt. Þegar setja á fáein orð á blað við svo skyndilegt og ótímabært fráfall Björns Guðmundssonar verður hugurinn sem lamaður og svo mjög tregt tungu að hræra. Fyrst verður okkur þó hugsað til ástvina allra og stóra vinahópsins sem nú hefur séð sól sortna á þessu bjarta og gróðurríka vori.
Meira
Björn var 58 ára gamall er hann gekk sín síðustu spor. Hans er saknað af öllum þeim sem honum kynntust. Hann lifði fögru lífi og lét margt gott af sér leiða. Faðir Guðmundar, föður Björns, var séra Gísli Kjartansson, prestur í Sandfelli í Öræfum. Faðir Ástu, móður Björns, var Þórhallur Daníelsson, kaupmaður og útgerðarmaður á Höfn í Hornafirði. Móðir hennar var Ingibjörg Friðgeirsdóttir.
Meira
Björn Guðmundsson, forstjóri er látinn. Björn var þannig maður að hann eignaðist vini hvarvetna þar sem hann fór. Við áttum því láni að fagna að flytja skrifstofur okkar í Borgartún 33 um miðjan síðasta áratug þar sem Ásbjörn Ólafsson hf. hafði þá bækistöðvar sínar. Allt frá fyrstu stundu fann maður að maður var velkominn í þetta hús.
Meira
Nú þegar sólin er hæst á lofti og veður óvenju blíðlynd ber óvæntan skugga á við fráfall Björns Guðmundssonar. Í einu vetfangi erum við óþyrmilega minnt á hverfulleika lífsins og að ekkert varir að eilífu. Samhliða sorginni sækja þó á hugann ótal minningar um einstakan vin, minningar sem eru okkur hjónunum afar dýrmætar og aldrei munu gleymast.
Meira
Góður vinur, Björn Guðmundsson, er fallinn frá, það er sárt að sjá á eftir honum langt fyrir aldur fram. Mig langar að minnast hans fáum orðum. Fyrir 25 árum hófum við Erla kona mín verslunarrekstur og eitt fyrsta fyrirtækið sem við áttum viðskipti við var heildverslun Ásbjörns Ólafssonar. Þar hófust kynni okkar við Björn.
Meira
Mikill heiðursmaður er fallinn frá. Björn Guðmundsson er dáinn. Hann féll á bezta aldri, aðeins 58 ára gamall. Eftir sitja ástvinir, velunnarar og venzlamenn hnýpnir og harmi slegnir yfir ótímabæru brotthvarfi sómamanns úr heimi hér. En minningarnar lifa, ylja, og deyfa sársaukann. Björn og Ólafía voru nágrannar okkar síðustu tíu árin.
Meira
Ég kynntist Birni fyrst fyrir um það bil tíu árum. Ekki þarf að fara mörgum orðum um það hvers konar öðlingsmaður Björn var og minnist ég þess að í eitt af fyrstu skiptunum sem ég talaði við Björn var hann strax farinn að bjóða fram aðstoð sína eða eins og hann orðaði það: Ef það er eitthvað, Biddi minn, sem ég get einhvern tíma,
Meira
BJÖRN GUÐMUNDSSON Björn Guðmundsson fæddist í Reykjavík 24. september 1937. Hann lést á Gjörgæsludeild Sjúkrahúss Reykjavíkur 20. júní síðastliðinn og fór útför hans fram frá Bústaðakirkju 28. júní.
Meira
Hann Bassi er dáinn, hann sem var mér alltaf svo góður og tók mig alltaf upp þegar ég var lítil þegar hann kom á Krókinn og vildi eiga litlu tána. Hann fékk nú að eiga hana að lokum, þegar ég gerði mér grein fyrir því að hann tæki hana ekki af. Hann Bassi var alltaf svo hress. Ég man þegar hann kom til ömmu og afa, og sat við eldhúsborðið og sagði eitthvað skemmtilegt.
Meira
BJÖRN SIGURÐUR ÍVARSSON Björn Sigurður Ívarsson fæddist á Hofsósi 9. janúar 1942. Hann lést á Sjúkrahúsi Skagfirðinga á Sauðárkróki 26. maí síðastliðinn og fór útför hans fram frá Hofsóskirkju 1. júní.
Meira
Elsku Gulli minn. Með fáeinum orðum vil ég kveðja þig í hinsta sinn og þakka þér vináttu og hlýleik í minn garð. Við fráfall þitt er höggvið djúpt skarð í vinahópinn sem seint verður fyllt. En það er huggun í harmi, að þú ert laus úr viðjum veikinda og getur óhindrað haldið för þinni áfram, hvert sem er og hvenær sem er.
Meira
GUNNLAUGUR SIGURBJöRNSSON Gunnlaugur Sigurbjörnsson fæddist í Reykjavík 26. desember 1963. Hann lést á heimili foreldra sinna í Kópavogi 9. júní síðastliðinn og fór útför hans fram frá Kópavogskirkju 20. júní.
Meira
Fátt kemur manni jafn mikið á óvart og dauðinn þótt ekkert sé jafn víst og þau endalok. Það var vitað að hverju dró en samt hélt maður í vonina um sigur lífsins. Því fáa menn hefi ég þekkt, sem voru jafn lifandi allt sitt líf.
Meira
Og þar eru fjöllin svo hátignar há, svo hljómfagurt lækirnir niða. Og þar eru útmiðin blikandi blá með bjargráð og öldurnar kliða. Þar hef ég lifað og leikið mér dátt með lífsglöðum vinum á kveldin. Við trúðum á sjálfra okkar megin og mátt. Ég man það var leikið með eldinn.
Meira
JÓNAS ÞÓRARINN ÁSGEIRSSON Jónas Þórarinn Ásgeirsson fæddist á Húsavík 25. ágúst 1920. Hann lést á heimili sínu í Kópavogi 14. júní síðastliðinn og fór útför hans fram frá Fossvogskirkju 24. júní.
Meira
Óli Ísfeld veitingamaður og forstjóri Samkomuhúss Vestmannaeyja um áratugaskeið er látinn. Gifturíkri ævi einstæðs öðlings er lokið og hvíldin kærkomin eftir langa starfsævi. Síðustu árin dvaldi Óli á sjúkrahúsinu og naut þar aðhlynningar kærleiksríkra handa, sem ber að þakka. Alsystkini Óla, Kjartan, Ragnar og Oddný, eru löngu látin.
Meira
ÓLI ÍSFELD Óli Ísfeld fæddist á Eskifirði 27. janúar 1905. Hann lést á Sjúkrahúsi Vestmannaeyja 19. júní síðastliðinn. Foreldrar hans voru Anna Jónsdóttir og Jón Kjartansson í Eskifjarðarseli. Anna dó frá fjórum börnum sínum ungum, en þau eru nú öll látin. Jón kvæntist öðru sinni og eignaðist sjö börn með seinni konunni, Guðrúnu Þorkelsdóttur.
Meira
Í dag kveðjum við góðan vin. Fréttin af sviplegu fráfalli Sigtryggs barst okkur um miðjan dag á fimmtudegi en þá vorum við á ferðalagi í Borgarfirði. Hún var okkur slíkt reiðarslag að hvorugt okkar vildi trúa að hún væri sönn. Við ókum rakleiðs til Reykjavíkur og á leiðinni hrönnuðust upp minningarnar. Sigtryggur var hógvær maður og að eðlisfari lítillátur.
Meira
Í dag er til moldar borinn Sigtryggur Snorri Ástvaldsson. Mig langar að minnast kærs vinar og samstarfsmanns með nokkrum orðum. Leiðir okkar lágu fyrst saman norður á Laugarbakka í Miðfirði. Það var smalað saman mönnum í steypuvinnu því til stóð að steypa veggi á einbýlishúsi.
Meira
Atburðir gerast hratt. Heimili sem var fullt af gleði og væntingum til framtíðarinnar, hefur misst eiginmann, föður og vin. Sem nágrannar höfum við fylgst með þessari fjölskyldu dafna og vaxa síðustu sjö árin, þessi ár verða okkur ógleymanleg. Sigtryggur var dagfarsprúður maður og lét ekki mikið á sér bera. En alltaf var hann að og það sem hann gerði var vel gert.
Meira
Þegar hún mamma sagði mér að Sigtryggur væri dáinn þyrluðust hugsanirnar upp í huga mér. Það er svo margs að minnast en það er einhvern veginn þannig að á svona stundum hrökkva orðin svo skammt. Sigtryggur verkaði eins og segull á börn og þar sem ég var aðeins barn að aldri þegar hann og Sirrý systir mín byrjuðu að vera saman, urðum við strax góðir vinir.
Meira
"Af ávöxtunum skuluð þér því þekkja þá," segir Jesús í Matteusarguðsjalli. Þessi orð koma upp í hugann nú er ég kveð elskulegan mág minn, hann Digga. Digga hef ég verið að kynnast smám saman síðustu þrettán árin eða svo. En Diggi var þannig maður að það tók tíma að kynnast honum en því betur sem maður kynntist honum því betur líkaði manni við hann.
Meira
SIGTRYGGUR SNORRI ÁSTVALDSSON Sigtryggur Snorri Ástvaldsson fæddist í Valgarði í Garðahreppi 20. ágúst 1945. Hann lést af slysförum 20. júní síðastliðinn og fór útför hans fram frá Fíladelfíukirkjunni 28. júní.
Meira
Það var fyrir um það bil einu ári, að Sigurður Arnarson sótti um að gerast prestur í Grafarvogssókn. Nokkrir guðfræðingar sóttu um að gegna prestþjónustu í sókninni sem er yngsta kirkjusókn í landinu. Þegar ljóst var hver yrði fyrir valinu fagnaði fjölskylda Sigurðar Arnarsonar af heilum hug.
Meira
Það syrtir ætíð að við andlátsfregn góðs vinar, þrátt fyrir að vitað sé að hverju stefnir. Enn er einn fjölskylduvinurinn kvaddur á brott. Örn Eiríksson er látin eftir erfiða baráttu við krabbamein. Örn eða Bassi Eiríks, eins og hann var ávallt kallaður, fór ungur að árum til náms í Bandaríkjunum. Að námi loknu átti hann heimili í Reykjavík þar sem starfsvettvangur hans var.
Meira
Bassi var sannur Íslendingur. Hann fékk snemma útþrá og nam ungur flug og loftsiglingar í Kaliforníufylki í Bandaríkjunum. Á ferðum um framandi lönd svalaði loftvíkingurinn fróðleiksþorsta sínum. Hvert flug Arnar hófst þó og endaði heima á Fróni. Hann unni öllu sem íslenskt var. Bassi var mikill hestaunnandi og áhugamaður um garðrækt. Ísland og Íslendingar stóðu þó næst hjarta hans.
Meira
Örn Eiríksson loftsiglingafræðingur er látinn. Hann var einn af þeim fjölmörgu piltum norðan af Akureyri sem heilluðust af flugi og gerðu það að ævistarfi sínu. Örn nam fræði sín við Spartan-flugskólann í Tulsa í Oklahoma. Að námi loknu hóf hann störf hjá Flugfélagi Íslands hf.
Meira
Við dauðans dyr verða öll orð léttvæg og smá. Við vissum að vinur okkar Örn, eða Bassi eins og hann var gjarnan kallaður í vinahópi, háði harða baráttu við illvígan sjúkdóm, en þó var okkur illa brugðið er fréttin barst af andláti hans. Hugrekki hans og kjarkur var mikill, en góðlátleg kímni hans var aldrei langt undan.
Meira
ÖRN EIRÍKSSON Örn Eiríksson fæddist á Akureyri 28. janúar 1926. Hann lést í Reykjavík 15. júní síðastliðinn og fór útför hans fram frá Dómkirkjunni 24. júní.Í formála minningagreina um Örn Eiríksson á bls. 32 í Morgunblaðinu á sunndag féll niður nafn Ernu Kristjánsdóttur, systur Arnar, í upptalningu systkinanna.
Meira
ENSK-franska fyrirtækið Eurotunnel, sem rekur Ermarsundsgöngin, hefur gefið í skyn að það kunni að verða tekið til skiptameðferðar, ef enginn árangur náist í viðræðum við banka um skuldasamning fyrir júlílok.
Meira
VINNSLUSTÖÐIN hf. í Vestmannaeyjum skilaði alls tæplega 86 milljóna króna hagnaði af reglulegri starfsemi fyrstu átta mánuði reikningsskilaárs félagsins sem hófst þann 1. september 1995. Á sama tímabili árið áður nam hagnaðurinn 23 milljónum. Heildarhagnaður að teknu tilliti til hlutdeildar í hagnaði sölusamtaka og söluhagnaði nam ríflega 329 milljónum á móti tæplega 63 milljónum árið áður.
Meira
HAGVÖXTUR í Bretlandi jókst um 1,9% á fyrsta ársfjórðungi miðað við sama tíma 1995 samkvæmt opinberum tölum. Miðað við þrjá síðustu mánuði 1995 jókst verg landsframleiðsla um 0,4% og neyzla um 0,9, sem er mesta aukning síðan síðla árs 1993. Viðskiptajöfnuður á árinu 1995 í heild var óhagstæður um 2.9 milljarða punda, en ekki 6.7 milljarða punda eins og áður hafði verið áætlað.
Meira
GENGI dollars gegn jeni hafði ekki verið hærra í 28 mánuði í gær, enda hefur dregið úr ugg um japanska vaxtahækkun og farið var lofsamlegum orðum um bata dollars á leiðtogafundi 7 helztu iðnríkja heims (G7).
Meira
Sveinn Jónsson hefur verið ráðinn staðgengill bankastjóra Búnaðarbankans frá 1. júlí næstkomandi. Sveinn er viðskiptafræðingur og löggiltur endurskoðandi að mennt og hefur auk þess meistaragráðu í hönnun tölvukerfa frá City University í Lundúnum.
Meira
LIÐLEGA 4 milljóna króna tap varð hjá Kjötumboðinu hf. á síðasta ári samanborið við tæplega 4 milljóna hagnað árið áður. Rekstur fyrri hluta ársins var fremur erfiður en á síðari hluta þess skilaði fyrirtækið hagnaði, að því er fram kom á aðalfundi þess í gær. Betur horfir í rekstrinum í ár og útlit er fyrir hagnað og stóraukna veltu.
Meira
SKANDIA hf. hefur lokið við að selja skuldabréf Kópavogsbæjar til 25 ára að fjárhæð 350 milljónir króna. Að sögn Árna Odds Þórðarsonar, forstöðumanns hjá Skandia hf., sem hafði umsjón með útboði bréfanna, hlutu þau mjög góðar viðtökur meðal stofnanafjárfesta og seldust upp á um einum mánuði.
Meira
BÆNDADÖGUNUM í Hagkaup er að ljúka þessa dagana og af því tilefni hafa forsvarsmenn hjá Hagkaup leigt húsdýragarðinn á laugardag og sunnudag. Þar verður mikið um að vera, aðgangur er ókeypis og börnin verða máluð, götuleikhús verður á staðnum, leiktæki og ýmislegt fleira sem kætir ungu kynslóðina.
Meira
Sá tími er liðinn, ef hann hefur þá einhvern tímann verið til, að allt sé ódýrt eða ódýrara í útlöndum. En með aukinni fjölbreytni í verslunarháttum er hægt að ganga að ódýrum vörum, ef maður veit hvar á að leita. Fyrsta reglan er að þar sem útlendingar versla fyrst og fremst þar er verðið örugglega ekki sérlega hagstætt, nema í undantekningartilfellum.
Meira
Undanfarnar vikur hafa birst á laugardögum uppskriftir að grillréttum sem þeir Óskar Finnsson, Ingvar Sigurðsson og Árni Þór Arnórsson matreiðslumenn á Argentínu steikhúsi hafa verið að gefa hlustendum Bylgjunnar á laugardögum. Þetta er í síðasta skipti í bili sem þeir félagar gefa uppskriftir á grillið.
Meira
Í GÆR var opnuð í Austurstræti ný 10-11 verslun. Verslunin er á 450 fermetra gólffleti og síðan verða ávextir og grænmeti á sérstökum útimarkaði þ.e.a.s. þegar veður leyfir. Ýmis opnunartilboð verða í versluninni í tilefni opnunarinnar, jarðarberjabakkinn með 200 grömmum kostar 89 krónur en tæplega 400 grömm af bláberjum kosta 198 krónur.
Meira
FRAMBOÐ af íslenskum tómötum er að ná hámarki og verðið breytist jafnvel nokkrum sinnum á dag. Kolbeinn Ágústsson hjá Sölufélagi garðyrkjumanna segist ekki vita hversu lengi þessi verðlækkun standi en bendir á að bæði agúrkur og paprikur hafi líka lækkað að undanförnu. Kílóið af tómötum var á 125 krónur í Bónus í gær.
Meira
HAFI lesendur rekist á skemmtilega markaði, lagersölur, fornverslanir eða sérstakar verslanir í útlöndum væri vel þegið ef þeir hefðu samband við okkur hér á neytendasíðunni. Þessum upplýsingum væri síðan hægt að miðla áfram til lesenda sem margir hverjir eru á faraldsfæti í sumar og kunna eflaust að meta slíka vitneskju. Síminn hjá neytendasíðunni er 5691225.
Meira
apótekanna í Reykjavík. Vikuna 28. júní-4. júlí verða Ingólfsapótek, Kringlunni og Hraunbergs Apótek, Hraunbergi 4. Frá þeim tíma er Ingólfsapótek opið til morguns. »BORGARAPÓTEK: Opið virka daga kl. 9-22, laugardaga kl. 10-14.
Meira
Árnað heillaÁRA afmæli. Sextíu og fimm ára er í dag Hjörleifur Jónsson, Miðtúni 84, Reykjavík. Eiginkona hans Ósk Bjarnadóttir varð 65 ára 17. mars sl. Þau taka á móti gestum á heimili sínu í dag eftir kl. 17. ÁRA afmæli. Í dag, laugardaginn 29.
Meira
BRÚÐKAUP. Gefin voru saman 8. júní sl. í Háteigskirkju af sr. Hjalta Guðmundssyni Kristrún Daníelsdóttir og Sigurvin Sigurðsson. Heimili þeirra er í Drápuhlíð 4, Reykjavík.
Meira
BRÚÐKAUP. Gefin voru saman 15. júní sl. í Garðakirkju af séra Bjarna Þór Bjarnasyni Aldís Baldvinsdóttir og Víðir Már Atlason. Heimili þeirra er á Þrúðvangi 22, Hafnarfirði.
Meira
BRÚÐKAUP. Gefin voru saman 15. júní sl. í Víðistaðakirkju af séra Sigurði Helga Guðmundssyni Hulda Sigurveig Helgadóttir og Þröstur Ásgeirsson. Heimili þeirra er á Háholti 5, Hafnarfirði.
Meira
Einn liður í Jónsmessuhátíðinni á Húsavík var bridskeppni tvímenningur og sest að spilum á miðnætti þá fjöldinn hóf göngu á Húsavíkurfjall. Keppnin var öllum opin. Lokastaðan: Magnús Magnússon og Skúli Skúlason, Akureyri með 85 stig. Þórir Aðalsteinsson og Gunnlaugur Stefánsson með 79 stig. Friðrik Jónasson og Torfi Aðalsteinsson, Húsavík með 76 stig. Kristín E.
Meira
Í SUMAR hefir verið spilaður sumarbrids í félagsheimilinu á Mánagrund. Félögin standa sameiginlega að spilamennskunni og hefir þátttaka verið misjöfn einkum vegna fótboltavertíðarinnar. Úrslit 12. júní: 1-2. Karl Karlsson - Svala Pálsdóttir 1-2. Eyþór Jónsson - Björn Dúason 3. Randver Ragnarss. - Guðjón Svavar Jensen Úrslit 19.
Meira
BRÚÐKAUP. Gefin voru saman 1. júní sl. í Hallgrímskirkju af séra Gunnari Kristjánssyni Jórunn Sigurðardóttir og Sigurður Kristjánsson. Heimili þeirra er að Mosarima 15, Reykjavík.
Meira
MIKIL spenna ríkir í kringum gæðingakeppni Fjórðungsmótsins, sem haldið verður á Gaddstaðaflötum í næstu viku. Fjöldi keppenda er mættur til leiks og miklu máli þykir skipta hvenær keppendur koma fram í forvali. Almennt er talið að einkunnir hækki eftir því sem álíður keppnina. Hér birtist skrá yfir keppendur á mótsinu: A-flokkur:
Meira
855. þáttur Örnólfur Thorlacius skrifar mér enn á sinn markvísa og skemmtilega hátt. Hann tekur af mér ómakið í ýmsu sem ég hafði ætlað mér að minnast á. Um aðeins eitt atriði ("mexíkanskur") gæti ég reynt að deila við hann, en nenni því hreint ekki. Svo kemur þetta góða bréf: "Kæri Gísli.
Meira
»Biskup Íslands sagði í vikunni að hann hygðist segja af sér og láta af störfum í lok næsta árs. Hvað heitir biskupinn? »Þýska sinfóníuhljómsveitin í Berlín leikur á tónleikum í Laugardalshöll í dag. Hvað heitir stjórnandi hennar? »Söngvari þekktrar breskrar popphljómsveitar hefur hafst við á Íslandi undanfarið, spilað knattspyrnu og sést á kaffihúsum og veitingastöðum.
Meira
MIKIÐ vatn hefur runnið til sjávar síðan Levatzow stiftamtmaður hélt veislu á Bessastöðum fyrir breska leiðangursmanninn Stanley og félaga hans hinn 5. júli, 1789, en þeir voru nýkomnir til Íslands í könnunarferð með viðkomu í
Meira
VO SKEMMTILEGA vill til að forsetakjör sem þjóðaratkvæðagreiðsla hefur aldrei farið fram frá stofnun lýðveldisins án þess að kosningarnar hafi borið upp á annaðhvort 29. júní eða 30. júní. Að vísu hafa einar kosningar til forseta, árið 1988, borið upp á annan dag, 25.
Meira
BETA hringdi til Velvakanda með leiðbeiningar varðandi vökvun stofublóma, en hún sá fyrirspurn um það efni fyrir stuttu. Í mörgum blómaverslunum fæst blómaáburður sem heitir Waterpro. Virkar hann þannig að plönturnar eru vökvaðar með áburðinum áður en það fer í frí og dugar vökvunin allt upp í þrjár vikur því vökvinn binst í kristöllum í efninu. Allar leiðbeiningar eru á íslensku.
Meira
KNATTSPYRNUKAPPINN Bebeto, sem er kominn til liðs við Flamengo eftir að hafa leikið með La Coruna á Spáni, hefur verið valinn í Ólympíulið Brasilíumanna fyrir ÓL í Atlanta, aftur á móti hefur félagi hans Romario verið settur út. ÓL-liðin eru skipuð leikmönnum undir 23ja ára aldri, en þrír eldri leikmenn leika með þeim.
Meira
HEIMSMEISTARARNIR frá Brasilíu eru efstir á blaði hjá veðbönkum í London, á listanum yfir líklegustu sigurvegara í heimsmeistarakeppninni í Frakklandi 1998. Líkur þeirra eru taldar 5-1, næstir á blaði eru Þjóðverjar 6-1, Argentínumenn og Ítalir 7-1.
Meira
Í FLESTRA augum er hin geysierfiða Tour de France- hjólreiðakeppni aðeins skemmtun hin mesta en í augum ókrýnds konungs hjólreiðanna, Miguel Indurains, er hún hins vegar erfiðisvinna og ætlar hann svo sannarlega að leysa starf sitt vel af hendi. "Keppnin á eftir að verða mjög erfið en reyndar er hún það nú alltaf.
Meira
Tour de France-hjólreiðakeppnin er haldin í 83. sinn í ár. Keppt er í áföngum alla daga að einum undanskildum, þar sem hvílt verður í Gap í Ölpunum eftir 10. áfanga, þann 10. júlí. Heildarvegalengd er 3.835 km og keppt verður í 21 áfanga, þar sem 2 eru tímatökur (ekki milli liða í ár), 4 verða í háfjöllum, 4 á meðalerfiðum fjallvegum og 11 á sléttlendi. Stysta leiðin verður í 12.
Meira
KANADAMAÐURINN Bruny Surin náði mjög góðum tíma í 100 m hlaupi á alþjóðlegu stigamóti í frjálsíþróttum í parís í gærkvöldi kom í mark á 10,03 sek. Hlaupið var auglýst þannig, að atlaga ætti að gera að heimsmeti Bandaríkjamannsins Leroy Burrell, 9,85 sek. Kanadamaðurinn Donovan Bailey varð annar á 10,04 sek. og Bretinn Linford Christie þriðji á 10,05 sek.
Meira
Spánverjinn Miguel Indurain hefur möguleika á því að verða fyrsti keppandinn til að sigra 6 sinnum í Tour de France-hjólreiðakeppninni, og það í þokkbót í röð. Frakkanum Anquetil og Belganum Merckx tókst að vinna fimm sinnum, fjórum sinnum í röð á sjöunda og áttunda áratugnum, þannig að Indurain setur í raun a.m.k. tvö met ef honum tekst að sigra í ár.
Meira
ÍSLENSKA kvennalandsliðið í körfuknattleik lagði lið Kýpur að velli 71:41 á alþjóðlegu móti á Möltu í gærkvöldi og er komið í undanúrslit leikur gegn Lúxemborg í dag. Ef sá leikur vinnst mun íslenska liðið leika til úrslita að öllum líkindum gegn Albaníu.
Meira
"BELGAR og Hollendingar eru með sterkustu sveitirnar í riðlinum og síðan koma Kýpurbúar og á góðum degi getum við verið í baráttu við þá. Síðan koma Ísraelsmenn sem á pappírunum eru með áþekkt lið og okkar," sagði Egill Eiðsson, einn þjálfari íslenska karlaliðsins í frjálsíþróttum sem í dag og á morgun tekur þátt í 2.
Meira
MARTHA Ernsdóttir, hlaupakona úr ÍR, var ekki langt frá ÓL-lágmarki Íslands í 5.000 m hlaupi í Bergen í gærkvöldi, hljóp vegalengdina á 16.00,78 mín., lágmarkið eru sextán mín. sléttar. "Það munaði ekki miklu hjá Mörthu," sagði Gunnar Páll Jóakimsson, þjálfari hennar. Gunnar sagði að nú væri reynt að koma Mörthu inn á Bislett-leikana í næstu viku, helmingslíkur eru á því.
Meira
Boris Becker er úr leik á Wimbledon-tennismótinu, meiddist á úlnlið á hægri hendi í byrjun leiks gegn Neville Godwin frá S-Afríku í þriðju umferð í gær, er staðan var 6-6. "Ég reyndi að slá boltann, hitti hann of seint, heyrði hvell og gat ekki leikið áfram. Ég vissi strax að þetta var alvarlegt. Ég hef oft meiðst í keppni og ég veit vel hvenær meiðslin eru alvarleg er líklega brotinn.
Meira
FORSETI enska knattspyrnufélagsins Blackburn Rovers, Robert Coar, neitaði í gær öllum fréttum þess efnis að markahrókurinn mikli, Alan Shearer, væri á förum til Manchester United fyrir litla tvo milljarða króna.
Meira
Sigurður Einarsson spjótkastari keppir í 2. deild Evrópubikarkeppninnar í Brussel í dag og annað kvöld tekur hann þátt í móti í Englandi. Hann hefur ekki tekið þátt í keppni í mánuð. Sigurður segir að hann fari síðan aftur yfir til Bandaríkjanna, þar sem við tekur lokaundirbúningur fyrir Ólympíuleikana.
Meira
ÍSLENSKA kvennalandsliðið í knattspyrnu tapaði stórt fyrir Þjóðverjum í vináttulandsleik í Mannheim í gærkvöldi, 0:8, eftir að staðan var 0:5 í leikhléi. Liðin leika aftur í Pforzheim á morgun.
Meira
ÍSLENSKA kvennasveitin í 4X100 m boðhlaupi setti Íslandsmet í Evrópubikarkeppninni í Bergen í gærkvöldi, hljóp vegalengdina á 45,71 sek. og bætti metið um sjö sekúndubrot. Guðrún Arnardóttir, Ármanni, hljóp geysilega vel lokasprettinn, aðrar í sveitinni voru Helga Halldórsdóttir, FH, Sunna Gestsdóttir, USAH, Geirlaug B. Geirlaugsdóttir, Ármanni.
Meira
viTOURDEFRANCE Sama ár og Wright-bræður fóru í fyrsta flugið árið 1903 var fyrstu Tour de France-hjólreiðakeppninni fylgt úr hlaði. Stefán Friðgeirsson rifjar upp sögu keppninnar, árangur hjólreiðakappans Miguel Indurain, sem hefur fagnað sigri sl.
Meira
MIKIÐ er um meiðsli í herbúðum Þjóðverja, sem mæta Tékkum í úrslitaleik Evrópukeppni landsliða á Wembley á morgun kl. 18. Aðeins þrettán af þeim nítján leikmönnum sem eru enn í Englandi þrír eru farnir heim vegna meiðsla, eru klárir í slaginn.
Meira
SMÁBÁTAEIGENDUR þurfa fyrir nk. mánudag að ákveða í hvaða veiðistjórnunarkerfi þeir veiða á næsta fiskveiðiári. Þótt smábátaeigendur virðist almennt sáttir við nýju lögin hafa víða komið fram gagnrýnisraddir á þau.
Meira
SJÓMENN frá Grundarfirði og Snæfellsbæ fjölmenntu á námskeið Slysavarnarskóla sjómanna í Grundarfirði nýlega. Um 50 manns sóttu svokallað dagnámskeið og 15 námu á kvöldin. Sjómenn lærðu þar allt það helzta um öryggismál á sjó, rétt viðbrögð við hættu, björgun úr sjó og margt fleira. Að loknu námskeiði var boðið upp á kaffi og kökur, sem konur sjómanna sáu um.
Meira
MJÖG strangar veiðitakmarkanir eru nú að taka gildi við Nýja England í Bandaríkjunum. Þær fela í sér lokanir veiðisvæða, niðurskurð á heildarafla og verulega fækkun róðrardaga. Lokað verður fiskimiðum á Georgsbanka, við Nantucket og á Maineflóa. Róðrardögum um 1.700 báta verður fækkað um 35% á þessu ári og 50% á því næsta og möskvinn verður stækkaður.
Meira
Bangsar seljast dýrum dómum á uppboðum Í RAUNVERULEIKANUM gætu flestir hugsað sér að knúsa og faðma ýmis önnur dýr en ísbirni eða skógarbirni. Samt hafa smækkaðar eftirlíkingar slíkra dýra verið framleiddar um langa hríð og hvílt í friði og spekt í vöggum ungbarna.
Meira
Ég kveikti á sjónvarpinu og fleygði mér í sófann. Teygaði ískaldan bjór, lygndi aftur augum og beið eftir fréttum. Þreyta dagsins liðaðist úr aumum skrokknum. Bakið fór alltaf í hnút þegar ég var á helvítis loftbornum. Maður var að verða of gamall fyrir þetta. Ég var í þann mund að festa svefn, þegar skothvellir úr sjónvarpstækinu vöktu mig.
Meira
ÁSÍÐUSTU misserum hafa margar bækur íslenskra samtímahöfunda komið út í þýðingum erlendis, einkum þó á Norðurlöndum, í Bretlandi, Frakklandi og Þýskalandi. Þá munu allar Íslendingasögurnar koma út á ensku í haust á vegum Bókaútgáfu Leifs Eiríkssonar. Fornsögurnar hafa verið þýddar á stöðugt fleiri tungumál.
Meira
MYNDLISTARMAÐURINN Erró er að vinna 4×20 metra stórt málverk á keramikvegg nýrrar neðanjarðarlestarstöðvar sem verið er að reisa í Lissabon í Portúgal fyrir heimssýninguna árið 1998. Erró sagði í samtali við Morgunblaðið að nú væri verið að gera brennsluprufur með mismunandi efnum og litum.
Meira
STJÓRNARFUNDI kvikmyndasjóðs Evrópuráðsins lauk á miðvikudag og fengu sextán leiknar myndir styrk, þar af tvær unnar í samvinnu við Íslendinga. Önnur þeirra heitir Maria, eftir Einar Heimisson, en myndin er unnin í samvinnu við Þjóðverja og Dani.
Meira
FRANSKA vísnasöngkonan Zita og Didier Laloux flytja franska vísna- og revíutónlist tileinkaða hafinu og höfninni, á Hótel Búðum um helgina 29. og 30. júní, í Tjöruhúsinu á Ísafirði miðvikudaginn 3. júlí kl. 21 og föstudaginn 5. júlí hótelgestum í Bjarkarlundi á Barðaströnd.
Meira
Bærinn Halldarsvík, norðarlega á Straumey í Færeyjum, kúrir undir lágri hlíð við sundið sem skilur eyjuna frá Austurey. Þetta er ugglaust ekki bær sem margir hafa heyrt um áður. Þaðan er lítilla tíðinda að vænta og fáir sáust þar á ferli þennan morgun seint í apríl, enda fánadagur Færeyinga og almennur frídagur.
Meira
HEIMSFRÆGIR Í NOREGI Ole Bull (1810-1880), Edvard Grieg (1843-1907) og Harald Sæverud (1897-1992) heita þrjú tónskáld sem öll eru fædd í Björgvin og norska þjóðin er afskaplega stolt af.
Meira
SÝNING á málverkum eftir Nínu Tryggvadóttur verður opnuð 3. júlí í Norræna húsinu. Verkin hafa aldrei verið sýnd áður. Þau eru í eigu Unu Dóru Copley, dóttur listakonunnar, og eru öll til sölu.
Meira
ÍÁHUGAVERÐU samtali í Politiken nýlega milli blaðamanns annarsvegar og Súsönnu Brögger og Pers Olofs Enquists hinsvegar spyr sá síðastnefndi á einum stað í framhaldi af spurningu Súsönnu "Eigum við endilega að hafa miðstöðvar (menningarinnar)? Eigum við ekki bara að hafa stað, þar sem við getum átt heima?" Enquist: "Jú, það er sjálfsagt allt í lagi,
Meira
Ein lá ég í dvalameð lokuð augun.Einmanaleikinn fyllti mig- svo ég sá ekki skýrt.Tómleikinn mergsaug mig- svo þróttur minn þvarr.Vonleysið hræddi mig- svo ég leitaði skjóls,faldi mig,djúpt í iðrum sálarinnar. Og með hverri stundu sekk ég- dýpra og dýpra. En mér er sama.
Meira
ÞÝÐENDAHÚSIÐ í Tarazona á Spáni hefur verið starfrækt í átta ár og er meðal þekktustu stofnana af þessu tagi í Evrópu. Stjórnandi þess frá upphafi hefur verið Francisco J. Uriz, skáld og þýðandi. Þýðendahús eru í mörgum Evrópulöndum og fer fjölgandi.
Meira
Sveinn Pálsson var fæddur árið 1762 að Steinsstöðum í Tungusveit í Skagafirði. Hann var sonur Páls Sveinssonar prests í Goðdölum og Guðrúnar Jónsdóttur konu hans. Haustið 1777 var hann settur í latínuskólann á Hólum og tók burtfararpróf þaðan 1782, tvítugur að aldri.
Meira
Nafnorðið kyrrþeyr er að því leyti sérstakt að það er aðeins notað í föstum samböndum, eins og reyndar mörg önnur orð. Það er oftast notað í samböndum eins og gera eitthvað í kyrrþeyfn og láta e--ð liggja í kyrrþeysem vísa til þess sem ekki á að fara hátt eða bera mikið á. Elsta dæmi um sambandið er frá upphafi 18.
Meira
Þú sem steigst upp úr blautum barnskónum á sterklega skipsfjöl hugrakkur unglingur lífsglaður þú sem rérir með föður, bróður, frænda eða vini sóttir auðinn í heljargreipar til að auðga land þitt.
Meira
Á FIMMTUDAG afhenti Þórhallur Ásgeirsson, fyrrverandi formaður Hrafnseyrarnefndar, Vigdísi Finnbogadóttur, forseta Íslands, fyrstu eintökin af ævisögu Jóns Sigurðssonar í hnotskurn á ensku og dönsku eftir Hallgrím Sveinsson á Hrafnseyri, en Vigdís skrifar formála að báðum verkunum,
Meira
NÚ ER hafið fjórða sýningarsumar Útileikhússins "Hér fyrir austan" á Egilsstöðum. Markmið þess hefur frá upphafi verið að örva og kynna austfirska menningu. Efniviðurinn í ár er austfirska skáldið Páll Ólafsson ásamt upprifjun nútímakvenna á lífinu í verbúðum síldaráranna.
Meira
ÍADELPHI Theatre er verið að sýna Sunset Boulevard, tónlistin eftir þann fræga Andrew Lloyd Webber, söguþráður og texti eftir Don Black og Christopher Hampton, höfund margra vinsælla leikrita og kvikmyndahandrita.
Meira
Listahátíð í Reykjavík 1996 Laugardagur 29. júní Deutsches Symphonie-Orchester Berlin. Stjórnandi: Vladimir Ashkenazy. Laugardalshöll: Tónleikar kl. 16.
Meira
Lífið er einfalt og hvítt ég bý í stóru hvítu húsi í litlu hvítu herbergi með mjúkum hvítum veggjum ég ligg í hvítu rúmi í hvítri treyju með löngum ermum bundnum fyrir aftan bak margir hvítir karlar tala við mig í stórum hvítum sloppum og gefa mér hvítar töflur sem passa að blómin taki ekki af mér eyrun.
Meira
Þekkirðu land, þar gul sítrónan grær, Þar gulleplið í dökku laufi hlær? Frá bláum himni blærinn andar dátt, Þar blómgast myrtus vær og lauftréð hátt; Þekkirðu það? Æ, þangað mér Eg óska vil, minn elskaði, með þér.
Meira
Ásmundarsafn Mótunarárin í list Ásmundar Sveinssonar. Kjarvalsstaðir Náttúrusýn í ísl. myndlist til 31. ágúst. Listasafn Íslands Veggmyndir Kjarvals í Landsbankanum til 30. júní. Sýn. á verkum Egon Schiele og Arnulf Rainer til 14. júlí. Gallerí Fold Ragna Sigrúnardóttir sýnir til 30. júní.
Meira
tvístígur - í vinstri fótinn fyrst síðan þann hægri oft er farsælla að vera agnarögn lægri allt vex og vex í augum þó allra mest og ímyndun - það kemur enginn en hann getur ekki sést um síðir tínast inn búkar af báðustum kynjum við byrjum á að spotta óskir sem síðan synjum nú er hann öruggur inní skóginum þétta það er enginn vandi bara að hlusta og heyra hvað
Meira
NORRÆNI menningarsjóðurinn hefur varið samtals 61 milljón króna til 72 verkefna, en þar af deilist hálf önnur milljón milli fjögurra íslenskra verkefna. Bjarni Pétursson fær 342 þúsund krónur til uppsetningar á "Ísland í 1200 ár" í Byggðasafni Hafnarfjarðar, en sýningin stendur frá október nk. til janúar á næsta ári.
Meira
ÞÓRARINN Einarsson hét hann og hann átti heima á Sandfelli næsta húsi sunnan við prestsetrið í Vík en allir kölluðu hann bara Tóta eða Tóta í Berjanesi. Hann hafði verið mikið veikur í barnæsku mig minnir, að hann hafi fengið barnaveikina og náði aldrei fullri heilsu. Tóti var séður í fjármálum, auk þess sem hann var mikill matmaður.
Meira
Vatnsorka og jarðhiti eru meðal helstu auðlinda Íslendinga. Mun meiri aðgæslu þarf við virkjun háhita (150 C) en lághita. Töluvert tillit hefur verið tekið til umhverfissjónarmiða við virkjun háhita hérlendis en með tilkomu laga um mat á umhverfisáhrifum verður það væntanlega gert á mun markvissari hátt.
Meira
Í viðtali við Helgu Hauksdóttur fulltrúa hjá SÍ. hér í Morgunblaðinu á miðvikudaginn kom fram að Vínartónleikarnir, sem njóta mikilla vinsælda í grænu tónleikaröðinni, hafa verið þrisvar sinnum áður. Reyndar eiga þeir sér lengri sögu því þeir hafa verið fastur liður í starfsemi Sinfóníuhljómsveitar Íslands síðan 1981 og leiðréttist það hér með.
Meira
Páll Guðmundsson, Sigurjón Ólafsson. Opið alla daga frá kl. 14-17. Til 1. september. Aðgangur 200 kr. Sýningarskrá 500 kr. Veggspjald 300 kr. VARLA hefur farið of mikið fyrir því á Íslandi, að lærðir listamenn legðu fyrir sig, að miðla landsmönnum skilaboðum frá ófreskum öflum í gegnum myndmiðla sína.
Meira
Þegar húmar að í huga mínum huggar mig svarblá nóttin horfin á vald hinnar sáru gleði og sjálf mitt syndir vansvefta í óráðshjali. Hún óttast, þrá mín til þunglyndis þungbúinn daginn, villtan af vöku og hélaðir skuggar í kjöltu minni særa fram svefninn með háðsglotti í hel munt þú hólpin ein við lækjarbakkann, sokkin í undurmjúkt sefið...
Meira
Veldu dagsetningu
Smellið til að skoða greinar frá viðkomandi degi.
Skiptið um mánuð með því að fletta efst.
Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.
