Kjaraviðræður Landssambands lögreglumanna við íslenska ríkið ganga „mjög hægt og í rauninni ekki neitt“, að sögn Snorra Magnússonar, formanns sambandsins. „Það hefur náttúrulega verið samið um stærri atriði eins og vinnutímastyttingu og annað þvíumlíkt á heildarsamtakaborðinu, en gagnvart okkur lögreglumönnum einum gengur þetta mjög hægt og nánast bara ekki neitt,“ segir Snorri. Hann segir þolinmæði stéttarinnar á þrotum. „Menn eru orðnir langþreyttir á því að fá ekki samning í hús. Þolinmæði stéttarinnar er bara löngu þrotin.“
Meira
