Kristín Heiða Kristinsdóttir khk@mbl.is „Upphaflega skrifaði ég þetta sem tónleikverk fyrir börn síðasta sumar og það var sýnt í Borgarleikhúsinu. Þetta er í raun ópera þar sem ég skrifa librettóið, eða söngbókina, og svo fór það í vinnslu með tónlist. Okkur fannst tilvalið að þessir textar fengju líka að lifa í barnabókarformi og þar bættust við myndir Hallveigar. Þetta er ekki alveg sama verkið, í bókinni er kominn sögufugl sem stýrir ferðalaginu, en þó er það byggt upp út frá því sama,“ segir Birnir Jón Sigurðsson, höfundur textans í bókinni Fuglabjargið sem kom nýlega út, en Hallveig Kristín Eiríksdóttir er höfundur myndanna.
Meira
