Mjölnir Hrafn Kristjónsson Long fæddist á Landspítalanum 19. nóvember 2020. Hann lést á Landspítalanum 6. mars 2023.

Foreldrar Mjölnis eru Anna Elísa Karlsdóttir Long, f. 3.ágúst 1992, og Kristjón Sigurður Kristjónsson, f. 27. júní 1994. Bróðir Mjölnis er Hervar Jarl Long, f. 20. nóvember 2016.

Útförin fer fram frá Hafnarfjarðarkirkju í dag, 22. mars 2023, klukkan 13.

Elsku Mjölnir Hrafn frænkurófa, nú hefurðu fengið vængina þína allt of snemma. Þrátt fyrir stór verkefni á þinni stuttu ævi var aldrei langt í bros og prakkarastrik. Allir þínir dásemdarsvipir, sem maður gat hlegið að, hlýja í dag, þar sem að skoða myndir færir mig aðeins nær þér. Þú hefur kennt okkur öllum svo margt og þar er Hinrik engin undantekning, í honum sé ég taktana þína. Syngdu og dansaðu fyrir fólkið okkar, knúsaðu það og kysstu.

Elsku litli prakkarinn minn,
nú þú kominn ert á himininn.
Fullt af fólki ég veit að þig ver,
ég passa mun fjölskyldu þína hér.
Hoppaðu og skoppaðu elsku drengur,
því við fáum ekki að sjá þig gera það lengur.
Syngdu og dansaðu elsku Mjölnir Hrafn,
segðu öllum þitt sterka nafn.
Leiktu með krökkum í löggu og bófa,
við elskum þig alltaf rassgatarófa.


Þangað til næst,

Mekkín frænka.

Mjölni fannst gaman að leika með mótorhjól.
Við elskuðum að leika saman úti.
Mjölnir, þú varst besti bróðir í heimi.
Ég sakna þín mikið.
Þinn bróðir,

Hervar Jarl Long.

Yndislegi ömmu- og afakútur, Mjölnir Hrafn.

Það er erfitt að skrifa kveðjuorðin til þín því minningarnar hrannast upp og tárin renna. Þú varst yndislegur prakkari sem fékkst alltof stuttan tíma hjá okkur. Við elskum þig til tunglsins og til baka ástarengillinn okkar. Hvíl í friði, ástargull.

Amma og afi,

Súðavík

Guðrún G. E. Long og Karl Guðmundur Kjartansson