Matur | Allir grilla | mbl | 14.7.2020 | 14:07 | Uppfært 28.4.2021 22:16

Grillaður gnægtarbakki Ylfu Helga

Ylfa Helgadóttir Kristinn Magnússon

Gnægtarbakki eða grazing platter eins og það er kallað erlendis er skemmtileg útfærsla af samsettum mat á bakka.

Það sem einkennir gnægtarbakkann er jú að þar er gnótt af allskonar góðgæti – helst svo mikið að ekki sést i bakkann á milli bita. Mjög vinsælt er að gera forrétta gnægtarbakka og hrúga á hann skinkum, ostum, hnetum, ávöxtum, brauði, súkkulaði, salötum o.s.frv. en það er nánast hægt að gera gnægtarbakka úr hverju sem er.

Það er mjög gaman að velja sér þema og skemmta sér við að gera fallegan bakka með þvi að spá í litum og lögun matarins við uppröðun. Fyrir fleiri hugmyndir að fallegum gnægtarbökkum er tilvalið að skoða grazing platters á pinterest.

Hér er það engin önnur en Ylfa Helgadóttir sem setur saman gnægtarbakka eins og henni einni er lagið.

Galdurinn að vel heppnuðum gnægtarbakka

Risastór bakki (ef þú átt ekki stóran bakka, þá notar þú bara ofnskúffuna og setur fallegt viskastykki yfir)
Byrja á stóru hlutunum og vinna sig út frá því
Nota skálar á fæti til að fá upphækkun
Nota gott og fallegt hráefni
Hvergi láta sjást i botninn á bakkanum

Grill – gnægtarbakki með miðjarðarhafsþema

Fyrir 6

Á bakkanum

- Grillspjót
- Papaya salat
- Ólívur
- Grillað grænmeti
- Hummus
- Pestó
- Smá gúrkur
- Ávaxtabitar

Spjót

250 g lambainnralæri
250 g svínahnakki
250 g nautainnralæri
1 bakki úrbeinuð kjúklingalæri
1 dl sojasósa
2 dl ólívuolía
3 tsk. grill krydd (ef vill)
grillspjót

Aðferð:

Blandið saman sojasósu, olíu og kryddi. Skerið kjötið í bita og haldið aðskildu, kryddið með soja-olíunni, og þræðið uppá spjót.

Papaya salat

1 papaya
1avocado
Klettasalat
Ólívuolía & balsamic edik

Aðferð:

Skerið grænmetið og raðið saman á bakkann.

Grillað grænmeti/ávextir

1 Eggaldin
1 kúrbítur
1 appelsínugul paprika
1 ananas
1 pk íslenskt bok choi
4 rauðir chili
4 jalapeno
2 rauðar ramiro paprikur
6 stór hvítur aspas
Ólívuolía
Sjávarsalt og svartur pipar

Aðferð:

Eggaldin, kúrbítur og appelsínugula paprikan er skorið í sneiðar.
Það er gott að stinga göt á kúrbítinn og eggaldinið með gaffli, þá eldast það jafnar.
Penslað með ólívuolíu og smá soja og kryddað með salti og pipar.
Hitt grænmetið er grillað heilt – penslað með olíu og kryddað með salti og pipar

Hummus