Ostafylltar kartöflur með beikonkurli

• 6 kartöflur, millistærð
• ólífuolía
• sjávarsalt
• Feykir ostur
• sýrður rjómi
• steinselja
• beikon

Aðferð:

1. Skerið kartöflurnar þvert yfir með litlu millibili, passið að fara ekki alla leið niður. Gott er að nota hasselbackbretti í þetta verk.
2. Penslið með ólífuolíu og bakið við 220°C í 30 mínútur.
3. Takið kartöflurnar út og penslið aftur yfir með ólífuolíu og stráið salti yfir. Setjið aftur inn í ofn og bakið áfram þar til næstum mjúkar.
4. Rífið Feykisostinn inn á milli rifanna á kartöflunum og aftur inn í ofn þar til osturinn hefur bráðnað. Skreytið með sýrðum rjóma, steinselju og steiktu beikonkurli.