Grillað lambakonfekt með engifer og salthnetum
Ljósmynd/Íslenskt lambakjöt
Setja bókamerki
Hér erum við með útgáfu af lambakonfekti sem erfitt er að standast. Marineringin er einstaklega góð og passar vel með lambinu. Við mælum með að þið leyfið kjötinu að liggja í henni í 20-30 mínútur eins og kveðið er á um í uppskriftinni. Útkoman kemur ykkur skemmtilega á óvart.
Grillað lambakonfekt með engifer og salthnetum
- 800 g lambakonfekt
- 4 msk. sojasósa
- 4 msk. ólífuolía
- 1 ½ msk. púðursykur
- 2 msk. engifer, afhýtt og rifið niður
- 1 hvítlauksgeiri, saxaður smátt
- 1 ½ msk. steinselja, söxuð smátt
- olía, til steikingar
- 2-3 msk. salthnetur, skornar smátt
Aðferð:
- Setjið sojasósu, ólífuolíu, púðursykur, engifer og hvítlauk í litla skál og hrærið saman. Setjið kjötið í djúpt fat og hellið kryddleginum yfir, látið standa í 20-30 mín.
- Hitið grill og hafið á háum hita. Penslið grillið með olíu og grillið kjötið í 2-3 mín. á hvorri hlið. Takið af hitanum, setjið á disk og sáldrið steinselju og salthnetum yfir. Berið fram með meðlæti að eigin vali.
