Matur | mbl | 18.12.2007 | 16:30 | Uppfært 23.7.2013 10:39

Ris a la mande - jólabúðingurinn góði

Hráefni

700g mjólk
100g hrísgrjón
10g kalt smjör
1stk vanillustöng
50g hvítt súkkulaði
250g rjómi
50-100g flórsykur
eftir smekk ristaðar möndlur
til skrauts hvítt súkkulaði
eftir smekk fersk kirsuber

Fyrir 6–8

Sumir tala um að það séu ekki jólin nema Ris a la mande sé á jólaborðum og hér er auðveld uppskrift frá Matreiðslumanni ársins 2007, Þráni Frey Vigfússyni.

Aðferð

Penslið pottinn með smjöri svo mjólkin brenni ekki við, leyfið suðunni að koma upp á mjólkinni og bætið í hrísgrjónum.
Hrísgjónin eru soðin með vanillustöng í 30-40mín eða þar til þau eru mjúk undir tönn, hrærið hvítu súkkulaði samanvið og kælið.

Rjóminn er þeyttur og flórsykri blandað út í hann. Rétt fyrir framreiðslu er þeyttum rjóma og ristuðum möndlum bætt í ásamt kirsuberja sultu og ferskum kirsuberjum.

Uppskrift: Meistaramatur