Þessi kryddlögur hentar einstaklega vel með lambalæri og það er hægt að nota jafnt lambalæri sem sneiðar af innralæri. Sérríið skiptir miklu máli enda ræður það ferðinni í bragðinu.
1/2 dl þurrt sérrí
1 dl ólívuolía
1 dl sojasósa
safi úr einni sítrónu
3 msk púðursykur
3 msk Dijon-sinnep
3 stönglar rósmarín, saxið nálarnar
salt og pipar
Blandið öllu saman og veltið síðan lambinu vel upp úr kryddleginum. Leyfið kjötinu að marinerast í að minnsta kosti 2-3 klukkustundir áður en þið grillið kjötið.
Uppskrift: vinotek.is