Þetta er skemmtilegt og öðruvísi tilbrigði við góða nautalund en ágætt er að miða við 200-250 grömm af kjöti á mann.

Þriggja kryddjurta pestó

• 1 pakki basil
• 1 pakki steinselja
• 1/2 pakki mynta
• 2 geiralausir hvítlaukar
• 1 dl furuhnetur
• 100 g parmesanostur (1/2 stykki)
• 3 dl Ítalía ólívuolía.

• 1 stór kúrbítur
• 2 rauðbeður
• 1 poki spínat
• 1 geiralaus hvítlaukur
• 1 msk gróft Dijon-sinnep (Maille á l'ancienne)
• 1/2 dl cider edik (Edmond Fallot Vinaigre de Cidre)
• 1 dl ólívuolía

1. Maukið hvítlauk, edik, ólívuolíu og sinnep saman í matvinnsluvél eða með töfrasprota þannig að úr verði þykk "vinaigrette"-salatsósa. Saltið og piprið. Setjið í skál og geymið.
2. Skerið kúrbít og rauðbeður niður í "julienne"-stangir, um hálfs sentimetra breiðar og fimm sentimetra langar. Hitið vatn í potti og saltið. Þegar vatnið sýður eru kúrbítsstangirnar settar út í og síðan spínatið. Leyfið að vera í vatninu í rúmlega hálfa mínútu og hellið þá í sigti. Leyfið vatninu að renna af. Setjið volgt grænmetið í skálina með salatsósunni. Bætið rauðbeðustöngunum saman við. Hrærið öllu varlega saman.
3. Hitið ofn í 200 gráður. Skerið nautafile í fjórar um 250 gramma steikur. Hitið smjör á pönnu og steikið nautasteikurnar í 2 minútur á hvorri hlið. Saltið og piprið. Setjið steikurnar inn í heitan ofninn í fimm mínútur. Takið út og leyfið kjötinu að jafna sig.
4. Setjið grænmetið fyrst á diskana. Þá nautasteikina og loks væna matskeið af pestói á hverja steik.
5. Berið strax fram ásamt afganginum af pestóinu og grænmetinu.

Uppskrift: vinotek.is