Það er grísk-ítalskur bragur yfir hráefninu sem fer í fyllinguna á þessu lambalæri.

Hráefni:

1 ca 2,5 kg lambalæri, úrbeinað

8 sneiðar ítölsk coppa-pylsa eða prosciotto

1 lúka rifinn parmesanostur

100 g feta-ostur

salt og pipar

Fyllingin:

1 ca 280 g dós sólþurrkaðir tómatar í olíu

1/2 dl furuhnetur

1/2 dl svartar ólívur

lauf af 3-4 timjanstönglum

1 rósmarínstöngull (bara nálarnar)

1 msk þurrkað óreganó

1 msk Dijon-sinnep

2 msk vínedik

2 bakaðir hvítlaukar

Aðferð:

Maukið allt hráefni sem á að fara í fyllinguna  í matvinnsluvél. Setjið kjötið á skurðbretti. Saltið vel og piprið. Haldið 2-3 msk af fyllingunni til haga.

Smyrjið fyllingunni á kjötið. Dreifið um einni lúku af rifnum parmesanosti yfir. Raðið Coppa-sneiðum yfir fyllinguna. Setjið um 1/2 dós af fetaosti á kjötið í miðjuna.

Rúllið lærinu upp og bindið saman með matreiðslusnæri. Setjið í steikarfat með grind.

Í steikarfatið fara 3 dl vatn, 3 msk af fyllingunni, 1 msk Dijon-sinnep, 1 rósmarínstöngull og nokkrir timjanstönglar.

Bakið við 200 gráður í 50-60 mínútur

Takið lærið úr steikarfatinu. Síið vökvann í fatinu frá og notið sem sósu. Berið t.d. fram með kartöflumús þeyttri saman við hvítlauksgeira af einum bökuðum hvítlauk.

Hér á gott Toskana-vín vel við, t.d. Isole e Olena Chianti Classico.

Uppskrift: vinotek.is