Lamb og indverskar kryddblöndur eiga afskaplega vel saman. Hér er lambafile marinerað í jógúrt-kryddlegi, steikt eða grillað og borið fram með lauk og öðru góðgæti. Fyrir 4 þarf um 6-700 g af lambakjöti.

Kryddlögurinn

• 1 dós grísk jógúrt
• 2 rauðir chilibelgir, fínsaxaðir
• 2 msk rifinn engifer
• 2 tsk cummin
• 2 tsk kóríander
• 2 tsk túrmerik
• 2 tsk reykt paprika
• 4- 5 hvítlauksgeirar, pressaðir
• safi úr einni sítrónu
• 2 tsk Maldon-salt

Blandið öllu sem á að fara í kryddlöginn saman í skál. Hreinsið fituröndina ofan af lambabitunum. Setjið kjötið í marineringuna og geymið í um klukkustund.

Hitið olíu á pönnu. Takið kjötið úr marineringunni og steikið  (eða grillið.ca.  4-5 mínútur á hvorri hlið. Takið af pönnunni og geymið í álpappír.

Saxið þrjá lauka. Bætið smá olíu út á pönnuna og steikið laukinn á miðlungshita þar til hann er orðinn mjúkur. Það er gott að setja smá af marineringunni saman við síðustu mínúturnar.

Skerið kjötið í sneiðar og berið fram með lauknum, basmati-hrísgrjónum, raita-sósu og naan-brauði.

Uppskrift: vinotek.is