Fiskbollur voru lengi vel leið til að nýta afskurð eða þá lítt spennandi fyrirbæri úr niðursuðudós. Rétt eins og með kjötbollur er hins vegar lítið mál að gera ljúffenga sælkeramáltíð úr fiskbollum. Hér er til dæmis farin sú leið að nota krydd og hráefni sem eru algeng í asíska eldhúsinu, s.s. chili, kóríander og kókos.
Hakkið fiskinn (eða notið tilbúið hakk). Saxið chilibelginn og paprikuna fínt. Fínsaxið kóríander. Blandið öllu saman. Ef hakkið er enn blautt má bæta við smá kartöflumjöli til viðbótar. Mótið litlar bollur.
Hitið olíu á pönnu og steikið bollurnar í 8-10 mínútur eða þær eru fulleldaðar. Tíminn ræðst auðvitað af því hvað bollurnar ykkar eru stórar.
Kókos-Chilisósa
Setjið í lítinn pott. Hitið upp að suðu og leyfið að malla og þykkna í smástund.
Berið fram með jasmíngrjónum og góðu salati. Hvítvín frá Alsace er fullkomið með, t.d. Trimbach Riesling.
Uppskrift: vinotek.is