• 230 grömm pasta
• Tvær matskeiðar ólívuolía
• Ein matskeið smjör
• Fjórir hvítlauksgeirar
• 200 grömm risarækjur
• Ein dós niðursoðnir tómatar
• 1/4 teskeið chilikrydd
• 1/4 teskeið salt
• Pipar eftir smekk
• Lúka af ferskri steinselju

 Aðferð:

Láttu vatn sjóða í stórum potti, bættu pastanu út í vatnið og láttu sjóða áfram í 7-10 mínútur eða þar til pastað er tilbúið. Sigtaðu vatnið frá pastanu.

Settu ólívuolíu og smjör á stóra pönnu. Saxaðu hvítlaukinn á meðan smjörið bráðnar.

Skolaðu rækjurnar og bættu þeim á pönnuna ásamt hvítlauknum. Steiktu í um 3-5 mínútur. Fjarlægðu rækjurnar af pönnunni og settu til hliðar.

Settu tómatana og tómatsafann úr dósinni á pönnuna. Bættu chilikrydd, saltinu og piparnum við. Hrærðu vel og láttu malla á pönnunni í um fimm mínútur.

Þegar sósan á pönnunni hefur þykknað örlítið þá mátt þú bæta elduðu pastanu á pönnuna. Hrærðu vel. Að lokum er rækjunum bætt út á.

Þá er ferskri steinselju stráð yfir pastað og það borið á borð.

Þessi girnilegi pastaréttur af síðunni BudgetBytes mun eflaust slá í gegn í næsta matarboði.