Svava Gunnarsdóttir matarbloggari á ljúfmeti.is eldaði mjög girnilegan ofnbakaðan fisk í paprikusósu.

• ýsa eða þorskur, magn eftir fjölda matargesta (ég var með rúm 800 g)
• 1 box paprikusmurostur (250 g)
• 1 box sveppir (250 g)
• 1 púrrulaukur
• 2,5 dl rjómi + 0.5 dl mjólk (eða 3 dl matreiðslurjómi)
• 1 grænmetisteningur
• smá cayennepipar (farið varlega því hann er sterkur! Ég nota um 1/8 úr teskeið)
• krydd lífsins frá Pottagöldrum (eða annað krydd eftir smekk)
• rifinn ostur

Aðferð:

Hitið ofninn í 175°.

Sneiðið sveppi og púrrulauk. Hitið olíu á pönnu og steikið sveppina og púrrulaukinn. Kryddið með kryddi lífsins (eða öðrum kryddum) og hellið rjóma yfir. Hrærið smurostinum saman við í skömmtum og bætið svo grænmetisteningi út í. Leyfið sósunni að sjóða við vægan hita á meðan fiskurinn er undirbúinn.

Skolið og þerrið fiskinn og leggið í eldfast mót. Kryddið með pipar og salti og hellið síðan sósunni yfir. Setjið rifinn ost yfir og eldið í 20 mínútur, eða þar til osturinn hefur fengið fallegan lit.

Ofnbakaður fiskur. Ljósmynd/Svava Gunnarsdóttir

Tengdar fréttir

Uppskriftir

Kartöflusalatið sem sló í gegn hjá Michelin-stjörnukokki

• Undursamlega góð bleikja í taílenskri sesam- og engifermaríneringu
• Rauðbeðuduftið gerir allt jólalegra
• Seytt rúgbrauð með reyktum silungi og sprettum sem steinliggur
• Osta- og hunangsveisla fyrir ostaunnendur

» Fleiri tengdar fréttir

• Blogga um frétt