Dröfn Vilhjálmsdóttir matarbloggari á Eldhússögum skrifaði um þorskhnakka með sætum kartöflum og pistasíusalsa. Uppskriftin hefur slegið í gegn hjá þeim sem hana hafa prófað.

Gott er að bera fram með sætkartöflumús. 

Frétt af mbl.is

Besta sætkartöflumúsin

Þorskur með pistasíusalsa

• 600 g þorskhnakkar eða þorskflök
• salt og pipar
• 3-4 msk. pistasíuhnetur, saxaðar (má líka nota furuhnetur)
• 3 msk. sítrónusafi og rifið hýði af 1/2 sítrónu
• 1 msk. ólífuolía
• 1 dl fersk steinselja, söxuð
• 1/4 – 1/2 rautt chili, fræhreinsað og fínsaxað

Aðferð

1. Ofninn hitaður í 220°
2. Þorskflökin skorin í bita og þeim raðað í smurt eldfast form. Kryddað með salti og pipar.
3. Pistasíuhnetum, sítrónusafa, sítrónuhýði, steinselju, chili og ólífuolíu blandað saman í skál og dreift yfir fiskinn.
4. Bakað í miðjum ofni við 220° í um það bil 12-15 mínútur eða þar til fiskurinn er fulleldaður. Gætið þess að ofelda hann ekki.

Sojasmjörsósa

• 3 msk. smjör
• 1 skarrottulaukur (hægt að nota 1/2 rauðlauk), saxaður fínt
• 1 hvítlauksrif, saxað fínt
• 1 tsk rautt chili, saxað fínt
• 2-3 msk. sojasósa
• 1 msk. steinselja, söxuð smátt

Aðferð

1. Smjör brætt í potti og hitað við fremur vægan hita í um það bil 15 mínútur þannig að smjörið verði brúnt. Froðan veidd af smjörinu.
2. Lauk, hvítlauk, sojasósu, chili og steinselju blandað saman í skál og blandað út í smjörið rétt áður en sósan er borin fram. 

Tengdar fréttir

Uppskriftir

Kartöflusalatið sem sló í gegn hjá Michelin-stjörnukokki

• Undursamlega góð bleikja í taílenskri sesam- og engifermaríneringu
• Rauðbeðuduftið gerir allt jólalegra
• Seytt rúgbrauð með reyktum silungi og sprettum sem steinliggur
• Osta- og hunangsveisla fyrir ostaunnendur

» Fleiri tengdar fréttir

• Blogga um frétt