1. maí segir okkur að grillvertíðin sé byrjuð. Það er óþarfi að byrja á því að grilla heilan skrokk heldur er upplagt að byrja á grillpinnum. Svo þarf bara að henda í matarmikið salat með. Helena Gunnarsdóttir matarbloggari á eldhúsperlum útbjó þessi grillspjót sem eru ekkert lítið girnileg. 

• 500 gr lamba innralæri
• 1 rauð paprika
• 1 gul paprika
• 2 rauðlaukar
• 4 msk ólífuolía,
• 1 tsk gróft sjávarsalt, 1 tsk nýmalaður svartur pipar og 1 tsk rósmarín.
• Góð BBQ sósa (má sleppa)

Byrjið á að skera grænmetið og kjötið í hæfilega bita svo gott sé að þræða þá upp á teina. Setjið 4 msk af ólífuolíu, 1 tsk gróft sjávarsalt, 1 tsk pipar og 1 tsk rósmarín í fat eða skál og veltið kjötinu og grænmetinu vel upp úr kryddolíunni. Þræðið upp á tein og grillið við frekar háan hita í 3-5 mínútur á hvorri hlið. Penslið BBQ sósunni yfir spjótin rétt áður en þið takið þau af grillinu, snúið þeim við og penslið hinum megin. Grillið í 1-2 mínútur eftir að sósunni hefur verið penslað á. Ég bar fram með þessu grillaðar sætar kartöflusneiðar og kalda jógúrtsósu. 

Tengdar fréttir

Uppskriftir

Einfaldasta spaghettíið með hvítlauksostabrauði

• Lárus og Andri sjá saman um helgarbaksturinn
• Gabríel býður í veislu á Spáni
• Banana- og jarðarberjahleifur fyrir vandláta
• Ljúffengar skonsur í lautarferðina

» Fleiri tengdar fréttir

• Blogga um frétt