Berglind Guðmundsdóttir hjúkrunarfræðingur og matarbloggari á Gulur, rauður, grænn og salt matreiddi afar huggulegan kjúklingarétt á dögunum á mexíkóska vísu. Þetta er ekta svona réttur til þess að borða á laugardögum eða sunnudögum. Sérstaklega þegar það er kalt í veðri því þetta er réttur sem yljar.

4-5 Rose Poultry-kjúklingabringur
paprikukrydd
salt og pipar
1 rauð paprika, smátt skorin
1 laukur, saxaður
2 tómatar, smátt skornir
1 poki tortillaflögur
250 g rjómaostur 
1 stk (150 g) mexíkóostur, rifinn
2 dl matreiðslurjómi
150 g rifinn ostur

1. Skerið kjúklingabringurnar í litla munnbita, kryddið með paprikukryddi, salti og pipar og steikið á pönnu þar til þær eru eldaðar í gegn.
2. Setjið mexíkóost, rjómaost og matreiðslurjóma í pott og bræðið saman.
3. Dreifið 1/4 af flögum í botninn á eldföstu móti, setjið helminginn af kjúklingabringunum yfir og smá af rjómaosti dreift yfir hann. Helmingnum af grænmetinu dreift yfir, helmingi af brædda ostinum og helmingi af rifna ostinum. Endurtakið síðan, flögur, kjúklingur, rjómaostur, grænmeti, bráðinn og rifinn ostur.
4. Setjið inn í 180°c heitan ofn og hitið í um 15 mínútur.

Berið fram t.d. með salsasósu, guacamole, sýrðum rjóma, hrísgrjónum og/eða góðu salati.

Ljósmynd/Berglind Guðmundsdóttir

Tengdar fréttir

Uppskriftir

Táknræn fyrir ævintýri síðustu ára

• Ómissandi að gera snjóbolta fyrir jólakaffið
• Piparkökusíróp Hildar á eftir að slá í gegn
• Kröftug sósa með hreindýri sem slær allt út
• After Eight-smákökurnar koma með jólabragðið

» Fleiri tengdar fréttir

• Blogga um frétt