Senn líður að helgi sem þýðir nammidagur á mörgum heimilum, þá er tilvalið að bjóða upp á sykursæta eftirrétti sem hægt er að vippa fram úr erminni með lítilli fyrirhöfn. Annars vegar fáum við eftirrétt úr kókósmjólk, eplum og kókósbollum og hins vegar Marsfylltar pönnukökur og hvort tveggja er borið fram með silkimjúkum vanilluís. Þessir réttir eru tilvaldir til að gera heima eða í sumarbústaðnum og munu slá í gegn hjá sætindagrísum.

Heitur kókosepladesert

Afhýðið eplin og skerið í 2 cm bita. Setjið 3–4 msk. af karamellusósunni á pönnu og hitið. Setjið eplabitana út í sósuna og látið krauma í eina mínútu. Hristið vel kókosmjólkurdósina, opnið og hellið út á pönnuna og látið malla í 3 mínútur. Setjið allt í eldfast mót og raðið kókosbollunum sem búið er að skera endilangt í sundur ofan á og látið súkkulaðihjúpinn snúa niður. Setjið undir grillið í ca 1 mín. eða þangað til að þetta verður fallega brúnt. Berið fram með vanilluís.

Kókosepladesertinn er settur inn í ofn svo kókosbollurnar brúnist og verði gjörsamlega ómótstæðilegar! Ásdís Ásgeirsdóttir

Marsfylltar pönnukökur

Bakið pönnukökurnar og hafið þær í þykkari kantinum. Kljúfið Mars-súkkulaðið í tvennt langsum. Setjið pönnuköku á disk og raðið tveimur Mars helmingum á hana. Hitið í örbylgju í 30–40 sekúndur eða þangað til Marsið er farið að bráðna aðeins. Setjið síðan skorin jarðarber í smáhaug á pönnukökuna og bætið síðan við þremur litlum matskeiðum af vanilluís og hellið karamellusósu yfir. Brjótið pönnukökuna saman og njótið.

Kókosepladesert

• 4 lítil granny smith græn epli
• 1 dós kókosmjólk
• 4 kókosbollur
• heit Kjörís karamellusósa
• vanilluís

Fylltar pönnukökur

• 4 pönnukökur, gott er að nota pönnukökudeig frá Vilko
• 250 gr. jarðarber
• 4 stk. Mars súkkulaði
• vanilluís
• heit Kjörís karamellusósa

Tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Grísk lambapíta með engri fyrirhöfn
• Eins grískt og það getur orðið
• Best á öðrum degi

» Fleiri tengdar fréttir

• Blogga um frétt