Smartland Mörtu Maríu | Matur og vín | mbl | 26.7.2016 | 21:00

Kótelettur með magnaðri myntusósu

Kótelettur með myntusósu að hætti Ragnars Freys. www.laeknirinnieldhusinu.com/

„Og þessi uppskrift er einföld. Myntusósa er ljúffeng sósa sem bróðir minn kenndi mér að búa til. Hún er einstaklega fersk og lífleg á bragðið og passar vel með öllum mat – sérstaklega lambakjöti. Hún kitlar bragðlaukana en léttir þó um leið á hitanum. Finnist manni grænum chili í þessari sósu ofaukið er um að gera að sleppa honum, sósan ber ekki skaða af,“ skrifar ástríðukokkurinn Ragnar Freyr Ingvarsson meðal annars í sinn nýjasta pistil. Meðfylgjandi er uppskrift að kótelettum með myntusósunni góðu.

Fyrir sex

sex þykkar Barnsley-kótelettur
3-4 msk. góð jómfrúarolía
salt og pipar

Myntusósa

2 plöntur fersk mynta
1 planta ferskt kóríander
handfylli steinselja
2 stk. grænn chilipipar
1 grænt epli
2 hvítlauksrif
2 tsk. hlynsíróp
1 msk. jógúrt
2 msk. jómfrúarolía
¼ tsk. worcestershire-sósa (Lea & Perrins)
½ msk. indverskt nudd (nota má garam masala í staðinn)
salt og pipar

Aðferð:

Penslið kóteletturnar með jómfrúarolíu og saltið og piprið eftir smekk.
Það lekur auðvitað fita af lambinu. Gætið þess að kveikja ekki í. Ein til tvær mínútur á hvorri hlið dugar þegar hitinn er mikill.
Setjið myntu, kóríander og steinselju í matvinnsluvél, ásamt grænum chili (kjarnhreinsuðum), hvítlauk og gróft hökkuðu epli (einnig kjarnhreinsuðu). Brytjið vandlega í vélinni. Blandið hlynsírópi, jógúrt og olíu saman við. Smakkið sósuna til með worcestershire-sósu, indversku nuddi og salti og pipar.
Svo er bara að skreyta með smátt skorinni myntu og steinselju.

Pistil Ragnars má lesa í heild sinni hérna.