Fyrir 6 fullorðna 

6 tortillakökur (ég nota heilhveitikökur)
1 heill eldaður kjúklingur
1 box sveppir, skornir 
150 g spínat, ferskt
1 laukur, saxaður
100 g rjómaostur
100 g kotasæla
1 tsk límónusafi
50 g kóríander, ferskt 
1/2 tsk Cajun krydd (frá Pottagöldrum)
1/3 tsk Chillie Exploision krydd í kvörn 
100 g ostur, rifinn 
Olía
Salt
Pipar

Til framreiðslu:
Salsasósa
Avócadó
Límóna
Spínat
Kóríander
Litlir tómatar
Maísbaunir 

Hitið ofninn í 180 gráður.

Steikið laukinn á pönnu við miðlungshita og látið mýkjast í olíu.
Bætið sveppunum við þegar laukurinn er tekin að mýkjast (verður glær á litinn.)
Bætið því næst spínatinu við.
Þegar spínatið hefur "soðið" niður er rjómaostinum og kotasælunni bætt við.
Kryddið með chillie kryddinu og bætið límónusafanum við.
Rífið kjúklinginn niður og kryddið með cajun kryddinu.
Kjúklingurinn fer út í blönduna og slökkvið undir pönnunni.
Bætið söxuðu kóríander við.
Nú er tilvalið að smakka og salta og pipra eftir smekk.

Setjið tortillakökurnar í eldfast mót. Gætið þess að olíubera það fyrst svo kökurnar festist ekki við.
Deilið fyllingunni í kökurnar.
Rúllið þeim upp með endann niður svo þær opnist ekki.
Dreifið ostinum yfir og bakið í miðjum ofni í 20-25 mínútur eða þar til þær eru vel heitar í gegn og osturinn tekinn að gyllast.

Stráið fersku kóríander yfir áður en rétturinn er borinn fram.
Berið fram með með fersku spínati, avócadó, límónubátum og salsasósu.

Þennan rétt má vel eiga inn í ísskáp í nokkra daga eða frysta og kippa út þegar enginn tími er til eldamennsku.