Matur | mbl | 7.12.2016 | 19:13

Döðlugott með lakkrískurli

Döðlugott er sívinsælt gotterí en lakkrísinn gefur bitunum aukna gleði og áferð.

Jólabæklingur Nóa Síríus er kominn í verslanir en að þessu sinni er það hinn geysivinsæli matarbloggari Berglind Guðmundsdóttir á GulurRauðurGrænn&salt sem töfraði fram uppskriftirnar. Hér er ein ómótstæðileg uppskrift úr bæklingnum. Uppskriftin gefur um það bil 25 stykki.

Hráefni

500 g döðlur, saxaðar smátt
250 g smjör
120 g púðursykur
150 g Kellogg‘s Rice Krispies
400 g Síríus rjómasúkkulaði
2 pokar Nóa lakkrískurl

Aðferð

Döðlur og smjör brætt saman í potti. Púðursykurinn er bræddur með þangað til döðlurnar eru orðnar mjúkar.
Blandið Rice Krispies og lakkrískurli saman við og setjið í form í frysti í 10 mínútur. Bræðið súkkulaðið yfir vatnsbaði. Hellið yfir Rice Krispies-blönduna og frystið í um það bil 30 mínútur.
Skerið í bita, berið fram og njótið.