Innihald:
500 g nýr lax, roðflettur og beinlaus
400 g smjördeig
3 msk söxuð steinselja
1 tsk timjan
1 msk sítrónusafi
1 egg til að pensla með
Sjávarsalt
Pipar 

Laxafars:
1 peli af rjóma
200 g rækjur
200 g lax (má vera afskurður)
2 eggjarauður
Season All krydd 

Hvítvínssósan dásamlega: 
2 dl fiskisoð
2 dl rjómi
1 dl hvítvín (ávaxtaríkt, t.d. frá Ástralíu eða Nýja Sjálandi)
100 g smátt skornar rækjur
2 tsk fiskikraftur
2 gulrætur
Lárviðarlauf
1 laukur
Sjávarsalt
Sósujafnari 

Hitið ofninn í 200 gráður.

Smjördeigið er flatt út eftir stærð laxaflaksins. Það er einnig hægt að panta tilbúið útflatt smjördeig í bakaríum.

Fiskurinn er kryddaður með salti, pipar, timjan og sítrónusafa.

Laxafarsið er sett í matvinnsluvél og maukað, síðan látið jafnt ofan á flakið og saxaðri steinselju stráð yfir.

Deigið er pikkað gróflega með gaffli. Penslið í kringum fiskinn með þeyttu egginu og leggið hinn helming smjördeigsins ofan á hann.

Þrýstið létt á samskeytin með fingrunum. Skerið 2 cm brún frá fiskinum, fylgið lögun hans og þrýstið á brúnina með gaffli.

Setjið fiskinn varlega á smjörpappírsklædda ofnplötu og penslið fiskinn með egginu.

Bakið fyrst í 20 mínútur, lækkið ofninn svo í 140 gráður og bakið í 30 mínútur í viðbót.

Sósugjörningurinn

Setjið beinin og hausinn af laxinum í pott og 6 dl af vatni (ef laxinn er keyptur í flökum má nota afskurð af flökunum í soðið).
Setjið lárviðarlauf, lauk og gulrót út í ásamt fiskikrafti og smá salti og sjóðið í ca klukkutíma. Sigtið soðið og notið það í sósuna.
Setjið rjómann og hvítvínið út í og þykkið með sósujafnara.
Að lokum er smátt skornu rækjunum bætt út í.