Eggjakaka kraftlyftingakonunnar
Setja bókamerki
Kostir haframjöls sem hráefnis eru ótal margir. Fyrir utan að vera bráðhollt, uppspretta flókinna kolvetna og trefja, vítamína og steinefna, er það ódýrt og það er hægt að bæta haframjöli í nær flesta matreiðslu og drýgja hana, allt frá kjötbollum upp í drykki. Flestum veitir ekki af til að bæta meltinguna, enda vantar okkur yfirleitt meiri trefjar í mataræðið. Til dæmis má vel setja haframjöl í eggjakökuna til að auka næringar- og trefjagildi hennar en egg innihalda mikið af próteinum og með höfrunum er því komin fullkomin samsetning til að borða til dæmis eftir góða kraftlyftingaæfingu.
1 bolli haframjöl
2 egg
1 laukur, fínt skorinn
1 tómatur, fínt skorinn
½ lítil paprika, fínt skorin
handfylli spínat
1 grænt chilialdin, fínt skorið
¼ tsk. chiliduft
3-4 msk. mjólk
3 tsk. olía
salt eftir smekk
Mýkið spínat á pönnu í 1 msk. af olíu í fáeinar mínútur við lágan hita. Sláið eggin saman, hellið haframjölinu og öðru hráefni út í ásamt spínatinu og blandið saman. Setjið 2 tsk. af olíu á pönnuna, hellið eggjablöndunni út á og hafið hitann rétt yfir meðallagi. Hrærið í miðjunni með sleikju fyrstu mínúturnar og hristið pönnuna öðru hvoru, þannig er auðveldara að snúa henni við. Snúið ommelettunni við og eldið á hinni hliðinni þar til eggin eru fullelduð. Gott er að leggja salat ofan á ommelettuna.
Nágranninn fannst látinn við nærliggjandi skóla
Björgunarsveitarmaður á æfingu lést við Tungufljót
„Þetta er ljót mynd“
Mjótt á munum degi fyrir kosningar
Vilja greina niðurstöður PISA-könnunarinnar
Héldu að kvikuhlaup gæti verið að hefjast
„Við vorum alveg á nippinu“