Matur | mbl | 28.3.2017 | 10:33

Hið fullkomna þriðjudagspasta

Girnilegt og auðvelt pasta sem hentar vel á þriðjudegi. Ljósmynd/Food52

Það er fátt unaðslegra á þriðjudegi en gott pasta sem bráðnar í munninum. Yfirfullt af osti og rjóma og merkilega auðvelt að gera. Fullkomið ef þú ert að flýta þér og langar að eyða tíma í eitthvað allt annað en að elda kvöldmat.

Hið fullkomna þriðjudagspasta

500 ml rjómi
½ dós af saxaðir tómatar í dós í sósu
½ bolli rifinn Romano ostur (hægt að nota hvaða tegund sem er í staðinn)
½ bolli Fontina ostur (hægt að hota hvaða tegund sem er í staðinn)
½ bolli gráðostur – mulinn
2 msk kotasæla
150 gr mozzarella ostur – þunnt skorinn
1 tsk sjávarsalt
6 fersk basillauf – gróft skorin
500 gr penne pasta
100 gr ósaltað smjör

Aðferð

Hitið ofninn í 260 gráður.
Látið suðuna koma upp í potti. Setjið salt út í vatnið.
Í stóra skál skal blanda öllum hráefnunum saman, fyrir utan pasta og smjörið. Hrærið vel saman.
Setjið pastað út í sjóðandi vatnið og sjóðið í 4 mínútur. Hellið vatninu af og setjið út í skálina með hinum hráefnunum.
Setjið í eldfast mót og setjið smjörið í þunnum sneiðum ofan á. Bakið uns það er sjóðandi girnilegt og fínt í 7-10 mínútur.