Matur | mbl | 15.4.2017 | 7:30 | Uppfært 9:23

Syndsamlegt avókadó- og bananabrauð

Ljósmynd/Nadia´s Healty Kitchen

Bara nafnið á þessari dásemd ætti að fá meðalhjartað til þess að slá örar. Uppskriftin er fremur einföld og bráðholl og ekki spillir fyrir að brauðið er 100% vegan. Reyndar er boðið upp á hefðbundnari útgáfu þannig að þið stjórnið þessu sjálf. En mitt í öllu súkkulaðiátinu er þetta sem vin í eyðimörkinni. Dásamlega bragðgott og algjörlega ómótstæðilegt.

Uppskriftin er fengin frá blogginu Nadias Healty Kitchen sem er í miklu uppáhaldi. Þar er að finna urmul hollustuuppskrifta en höfundur þess hefur notað fæðuna til að vinna bug á hinum ýmsu kvillum með hollu og góðu mataræði.

Ljósmynd/Nadia´s Healty Kitchen

Syndsamlegt avókadó- og bananabrauð

120 g spelthveiti
55 g hafrar
1 tsk. lyftiduft
1 tsk. matarsódi
1 tsk. kanilduft
1/2 tsk. salt
4 msk. stevía (eða sykur að eigin vali)
4 msk./30 g kókossykur (eða sykur að eigin vali)
2 stórir og vel þroskaðir bananar
1 vel þroskað avókadó
1 chia-egg (sem er búið til með því að blanda saman 1 msk. af chia-fræjum og 3 msk. af vatni) – eða þú getur bara notað venjulegt egg.
2 msk. olía (canola, kókos eða hvað sem þú vilt)
1/2 tsk. vanillu paste (eða 1 tsk. vanilludropar)

Aðferð

Hitið ofninn upp í 180 gráður (160 gráður ef þið notið blásturinn)
Skerið avókadóið í tvennt, takið steininn og skafið kjötið út og setjið í blandara ásamt banönunum. Blandið þar til mjúkt og fallegt.
Bætið við chia-egginu - eða venjulega egginu, vanillunni og olíunni.
Í stóra skál skuluð þið setja saman öll þurrefnunin og blanda vel.
Hellið blautu hráefnunum saman við þau þurru og blandið blíðlega saman.
Setjið blönduna í brauðform og bakið í 40-50 mínútur.

Næringarinnihald í hverri sneið: