Djúsí fiskréttur með Mexíkó-ostasósu
Djúsí fiskréttur með mexíkó-ostasósu er fullkomin leið til að mjaka sér úr páskafríinu.
mbl.is/fiskurimatinn.is
Setja bókamerki
Þessi bragðgóða uppskrift kemur frá fiskurimatinn.is og er hæfilega djúsí lending eftir allt sukkið í páskafríinu. Fiskurinn kemur með hollustuna sem kroppurinn þráir en tortillaflögurnar og mexíkóska rjómasósan gæla við bragðlaukana.
Innihald:
- 800 g gullkarfahnakkar
- 1 stk. mexíkóostur
- 250 ml rjómi
- 1 teningur grænmetiskraftur
- Maizena-kornsterkja
- 10 stk. kirsuberjatómatar
- ½ rauðlaukur, sneiddur
- 1 lúka ferskt kóríander
- 2 lúkur tortilla-flögur
Aðferð:
Leggið fiskinn í eldfast form, saltið og piprið yfir. Skerið ostinn í teninga og setjið í pott, setjið vatn í pottinn sem fer yfir ostinn, sjóðið þar til osturinn hefur leyst upp. Bætið rjómanum og grænmetiskraftinum út í, fáið upp suðu aftur og þykkið örlítið með ljósum maizena-þykki.Hellið helmingnum af sósunni yfir fiskinn, skerið tómatana, laukinn og kóríander og dreifið yfir. Hellið restinni af sósunni yfir, myljið flögurnar og dreifið yfir.
Eldið í 18–20 mín í 200°C heitum ofni. Gott er að setja fiskinn inn í mjúkar tortillur og bæta við sýrðum rjóma og salati.
Ekkert komið í stað prófanna
Þetta á að koma í stað samræmdu prófanna
Fyrsta ræðan eftir að hafa verið skotinn
Sprenging í Leifsstöð: Einn lítið slasaður
Almannaöryggi ekki í hættu
Eldingar gætu fylgt skúrum í dag