Matur | mbl | 4.5.2017 | 19:16

Grilluð steikarspjót trylla Pintrest

Klístruð nautakjötsspjót löðrandi í sósu eru að trylla samfélagsmiðla. mbl.is/skjáskot Pintrest

Þessi spjót eru er sérlega spennandi því nautakjöt að asískum hætti klikkar sjaldan. Uppskriftin hefur flogið hátt á Pintrest þar sem hún er lofuð í bak og fyrir. Þetta er fremur einfalt en við ráðleggjum ykkur að marinera kjötið yfir nótt inn í kæli. Þannig fær bragðið sín best notið.

Grilluð steikarspjót með asísku ívafi

800 g sirloin steik
1 rauðlaukur
150 ml soyasósa
6 hvítlauksgeirar – maukaðir
60 ml sesamolía
120 ml grænmetisolía
½ bolli sykur
1 msk. engifer – rifinn
2 msk. sesamfræ
vorlaukur – til skreytinga
spjót

Skerið steikina í 2-3 sm ferninga. Skerið rauðlaukinn í stóra bita. Leggið til hliðar.

Í stórri skál skal blanda saman soyasósu, hvítlauk, sesamolíu, grænmetisolíu, sykri, engifer og sesamfræjum. Bætið kjötinu saman við og látið marinerast í þrjá tíma eða lengur (helst yfir nótt).

Grillið skal vera heitt. Þræðið kjötið og laukinn til skiptis upp á prjón og grillið í 8-10 mínútur eða þar til kjötið er orðið eins og þið viljið hafa það.