Sætkartöflusúpa – 7 innihaldsefni
Setja bókamerki
Þessi súpa er einföld, ódýr og holl! Hana má vel frysta og nýta sem nesti í nokkra daga. Það má líka setja 1 dl af appelsínusafa út í súpuna eða bæta við venjulegum kartöflum, blómkáli eða gulrótum. Mér finnst gott að taka ferskar íslenskar gulrætur og saxa út í og leyfa bitunum að malla með eftir að búið er að mauka súpuna. Ekki er verra að dreifa fersku kóríander yfir í lokin!
600 g sætar kartöflur
1 dós kókosmjólk
1 laukur
1 lítri grænmetis- eða kjúklingasoð
2 cm ferskt engifer, rifið
Salt eftir smekk og annað krydd svo sem chillípipar
Olía
Sjóðið kartöflurnar uns mjúkar. Setjið til hliðar.
Saxið laukinn og steikið upp úr olíu eða smjöri.
Þegar laukurinn er orðinn mjúkur fara kartöflurnar, soðið og kókosmjólkin út í.
Engiferið er best að skera í þunnar ræmur svo leiðinlegir þræðir flækist ekki með.
Allt er svo maukað með töfrasprota og kryddað eftir smekk.
Skreyta má súpuna með smá kókosrjóma og fersku kóríander eða steinselju.
Mæðgur dæmdar til að greiða 64 milljónir
Myndir: Grindavíkurvegur aftur undir hraun
Börn hafi engan rétt á leikskólakennslu
„Erum í miðri hrinu“: Styttist í Eldvörp
Úlfar: Heppileg tímasetning á gosinu
Litlar líkur á að hraunið nái til mannvirkja
Fullvissa ferðamenn um að hér sé öruggt