Humarsúpa Slippsins

• 1,2 kg humarklær - muldar (eða humarskeljar)
  
• 5 laukar
• 30 g hvítlauksgeirar
• 100 g sellerí
• 50 g tómat-paste
• 1 stjörnuanís
• 1 tsk fennelfræ
• 1 tsk hvítur pipar
• 1 tsk kóríanderfræ
• ½ stk cayenne
• 5 g sjávarsalt
• 200 ml hvítvín
• 5 l vatn
• sítrónusafi
• 500 ml rjómi
• 500 ml nýmjólk
• 500 g smjör 

Aðferð:

1. Setjið humarklær í ofnskúffu og ristið við 180°c í 25 mín. Laukar og hvítlauksgeirar eru saxaðir og settir í pott. Allt fræ og krydd mulið og sett með og leyft að krauma með tómatþykkninu.
2. Svo er ristuðu humarskeljunum bætt út í og hvítvínið með. Soðið niður þar til hvítvínið er nánast horfið. Þá er bætt vatni við. Soðið kröftuglega í 1 klst. Allt sigtað frá og soðið niður um helming. 
3. Svo er rjóma, mjólk og smjöri bætt við og gott er að mixa hana með töfrasprota á þessu stigi.
4. Súpan er svo smökkuð til með aðeins meira af sjávarsalti og sítrónusafa, einnig má bæta við meira af cayennepipar ef áhugi er fyrir.

Steinseljuolía

• 150 g steinselja
• 250 g repjuolía

Sett saman í blandara og unnið í u.þ.b. 15 mín. á hæsta hraða, eða þar til hún verður heit. Því næst sigtað í gegnum fínt sigti. Geymist í kæli í eina viku.

Súpan er lögð þannig upp:

Humarhalar eru steiktir upp úr hvítlauk og smjöri og settir á diskana, því næst örlítið af þeyttum rjóma og ein tsk af steinseljuolíunni með. Því næst er súpunni hellt yfir.