200 g nýjar litlar kartöflur
smjör 
1 parmesanklumpur (í dekkri kantinum)
fersk steinselja eða basilíka 
2 hvítlauksrif, marin
salt 
pipar 

Skolið kartöflurnar vel og skerið í tvennt.
Setjið 3 msk af smjöri, 1/3 tsk af salti, 1/4 tsk af pipar og smátt saxaðar ferskar kryddjurtir eftir smekk og hvítlaukinn í skál. Nuddið kartöflunum vel upp úr þessu og raðið svo á bökunarpappírsklædda ofnplötu þannig að sárið snúi niður. Rífið þá 2-3 msk af parmesan osti yfir og stingið inn í ofn.

Bakið við 150 gráður í um 20 mínútur og hækkið svo hitann í 200 gráður í 5 mínútur. Athugið að bökunartíminn fer eftir stærð kartaflnanna. Best er að stinga í þær með gafli til að finna hvort þær eru tilbúnar. Ef þær eru mjúkar að innan má gíra upp hitann til að fá stökka húð á þær.

Gott er að rífa örlítinn meiri ost og strá fersku kryddi yfir kartöflurnar áður en þær eru bornar fram.